I Samuel 16:13 - Ma Zhiklè

¹³ A Samuel a nco gatsak a mbar, a mbada na a gèɗ, te ndev kramamhi nengaʼa, a Mèzhèɓ Ndo nzi pèc pècèk a nshkè a gèɗ David, a hinè te pats sa, a nʼnza a géɗ nengaʼa. A Samuel a nslambaɗa, a ndo Rama.

I Samuel 16:13 ပူးပေါင်းရင်းမြစ်များ

II Samuel 12:7

Nathan a ngaɗa na David: Ndoʼa, ka! Ndo nzi pèc pècèk, Zhiklè Israel, a goɗ aranta: Iyè, man i bada ka mbar a gèɗ, a i ge ka a bi Israel. Iyè man i mbel ka auda te ri Saul.

II Samuel 2:4

Ndohi Juda ta shkè a pa, a ta faɗa na mbar a gèɗ a David, a gi bi ndohi Juda. Aman ta ngra na David, ara man ndohi Jabès te Galaad ta ra Saul,

II Samuel 23:1

Na haha nʼndiv ma David: David, kra Isai, a gèɗèʼa: ndo man ta Zlatseda a gédèʼa, a gédèʼa; ndo man Zhiklè Jacob a mbada na mbar a gèɗ, ndo man a sli dimèsh Israel man amba.

II Samuel 5:3

A ndohi nhalaʼa te Israel tèlèba ta shkè a sam bai te Hébron, ta derzla ma ta a bi David te kokwar Hébron, a sam di Ndo nzi pèc pècèk. Te deɓaʼa ta faɗa na mbar a gèɗ a David, a ta gaʼa a bi Israel.

II Rois 9:6

A Jéhu a nslambaɗa, a ndo a gai; a ngiɗè a mbada na mbar a gèɗ, a ngaɗa na: Ndo nzi pèc pècèk, Zhiklè Israel, a goɗa ar haha: I bada ka mbar a gèɗ, a i ge ka a bi Israel, ndohi Ndo nzi pèc pècèk.

I Chroniques 11:3

A ndohi nhalaʼa te Israel tèlèba ta shkè a sam bai te Hébron, ta derzla ma ta a bi David te kokwar Hébron, a sam di Ndo nzi pèc pècèk. Te deɓaʼa ta bada na mbar a gèɗ a David, a ta feda a bi Israel, ara man Ndo nzi pèc pècèk a goɗ te ma Samuel.

Psaumes 89:20

Te va nasa ka gaɗa ta ɓèlèlihi ngaya te nshunè, a ka gaɗa: I pada na gèɗ a ngul ndo, te va ndohai i ngotskoɗauda staɗ a i gaʼa a mbiaʼa.

Psaumes 89:21

I ngots David, ɓèl ga, i faɗa na mbar nkezlaʼa a geɗ.

Nombres 11:17

Te debaʼa i da shkè hai, a i da gada ka a pa. A i ce te va mèzhèɓ man a zhè a géɗ ngaya, a i va ta a géɗ a tengaʼa, a ta zhüɓ skwi mwuɗit pa a sam ndohai a nda ka, ka a géɗ ngaya ka bai.

Nombres 27:18

A Ndo nzi pècè pècèk a ngaɗa na Moise: Co Josué, kra Nun, ndo man Mèzhèɓ Zhiklè te ndav na, a ka fa na ri a gèɗ.

Jean 3:34

Ndo man Zhiklè a zlündo, a gèɗè ma Zhiklè. Zhiklè a vi Mèzhèɓ na a livè azɓai.

Actes 13:22

Aman a nkoldko nengaʼa auda ma, a mfeda David a bi ta, te nengaʼa a gi malwudai, a gaɗa: I ngots David, kra Jesse, ndo ara man ndav ga a woyaʼa, nengaʼa a da gi skwi tèlèba man i woyaʼa.

Hébreux 1:9

Ngi zuraʼa ambaha ka, ka gi shèwa a malai. Gar haha Zhiklè ngaya a faɗa ka mbar a gèɗ, mbar mwuffè, aman ndo ngiɗè a tsagi ngaya a ngècè arsa azɓai.

Hébreux 11:32

A i da njè kinè a va za mè? Ri azɓai man i njè ma Gédéon, ma Barak, ma Samson, ma Jephthé, ma David, ma Samuel, ma ndohi nhadka ma.

Juges 11:29

Mèzhèɓ Ndo nzi pèc pècèk a zhè a géɗ Jephthé, a nengaʼa a mdo Galaad, a mdo Manassé, a mdo Mitspa, te Galaad. Te Mitspa te Galaad a mdo a sam ndohi Ammon.

Juges 13:25

Mèzhèɓ Ndo nzi pèc pècèk a nhüno ngi skwi a sam na te Machané-Dan, te ndev Tsorea a Eshthaol.

Juges 14:6

Mèzhèɓ Ndo nzi pèc pècèk a mshkè a géɗ Samson, a Samson a ncizla marizhèlè, ara man ta cizlè ɓok, ko skwi ngiɗè a te ri ɓai. Skwi man a ngau a nʼngra na mam na a bab na ɓai.

Juges 3:10

Mèzhèɓ Zhiklè a zhè a géɗ nengaʼa, a nhelka ta ndohi Israel auda te kita. A mdo a ngi var, a Ndo nzi pèc pècèk a mpa na Kushan-Risheathaim, bi Mésopotamie, a ri a nengaʼa, a nengaʼa a ngu a ngul Kushan-Risheathaim.

I Samuel 1:19

Te mangoslèmaʼa a prèk ta tsu ri a sam Ndo nzi pèc pècèk, a ta men ta a deɓa a ngwai a Rama. Aman Elkana ta mana a Anne, ngwoz na, Ndo nzi pèc pècèk a nhur Anne.

I Samuel 10:1

Samuel a nco gatsak mbar, a mbada na a gèɗ a Saul, a nhumbateda a ndav, a ngaɗa: Ndo nzi pèc pècèk, man a faɗa ka mbar a gèɗ, aman a ge ka a bi ndohi Israel nengaʼa. Gu bai a géɗ ndohi Ndo nzi pèc pècèk, a ka mbel ta te ri mayamhi tengaʼa man ta tèuda a pa. Na haha skwi man a ngra ka, Ndo nzi pèc pècèk a mfaɗa ka mbar a gèɗ, aman a ge ka a bi a géɗ skwi na:

I Samuel 10:6

Mèzhèɓ Ndo nzi pèc pècèk a di a shkè a gèɗ ngaya, a ka hodko ma a nda tengaʼa, a va ngaya a nʼngwoda na tsoɗ.

I Samuel 11:6

Mèzhèɓ Zhiklè a mshkè a géɗ nengaʼa, a ndza na a ndav worworaʼa.

I Samuel 16:18

Staɗ te va ɓèlèlihi nengaʼa a ngaɗa: Na haha, i rka kra Isai te Bethlèhem man a sun ntsi ganzavar, ndo slagama, ndo ncèmma, va nengaʼa daɓaraʼa, Ndo nzi pèc pècèk a zhè a nengaʼa.

I Samuel 18:12

Saul a gi zlau David. Aman Zhiklè a zhè a nda David, a njèkeda Saul.

I Samuel 2:35

Aman iyè i woy a i baha na ndo mvi skwi a Zhiklè nlèɓèslèa, man a gi ara man i hur te ndav ga. I woy a i rama na gi man a nzi dai, a zhè a sam ga pèc pècèk, a sam nengaʼa man i bada na mbar a gèɗ.