I Samuel 16:1 - Ma Zhiklè

¹ Ndo nzi pèc pècèk a ngaɗa na Samuel: Ka lèyè Saul tè ngèmè? I kwola ma, i goɗ da gau bi Israel asaɓi ma. Ndheda mbar a gatsak, do, i woy a i zlinde ka a sam Isai, ndo Bethléhem. I ngots te va wudahi nengaʼa staɗ a bai.

I Samuel 16:1 ပူးပေါင်းရင်းမြစ်များ

I Rois 8:16

Daga man i helka ta ndohi Israel, ndohi ga, auda te kokwar Egypte, i dzhada man ta ramay gi te kokwar ngiɗè a sam verzi ndohi ngiɗè ɓai, a ngi a gi a nzlembaɗ ga. A i ngotsko Jérusalem auda, a nzlembaɗ ga a da nzi te pa. A i ngotsko David auda, a da gi bi a géɗ Israel, ndohi ga.

II Rois 9:1

Elisée, ndo nhadka ma a mbaha na gol ndohi nhadka ma staɗ, a ngaɗa na: Dzawa va ngaya, co gatsak mbar haha, a ko do Ramoth te Galaad.

II Rois 9:3

Te pa co gatsak mbar a ka bada na a gèɗ, a ka gada: Ndo nzi pèc pècèk a goɗ ar haha: I bada ka mbar a gèɗ, a i ge ka a bi Israel. Te debaʼa ka da winè ntamagai a ka hu ngaya tsam-tsam.

II Rois 9:6

A Jéhu a nslambaɗa, a ndo a gai; a ngiɗè a mbada na mbar a gèɗ, a ngaɗa na: Ndo nzi pèc pècèk, Zhiklè Israel, a goɗa ar haha: I bada ka mbar a gèɗ, a i ge ka a bi Israel, ndohi Ndo nzi pèc pècèk.

I Chroniques 11:3

A ndohi nhalaʼa te Israel tèlèba ta shkè a sam bai te Hébron, ta derzla ma ta a bi David te kokwar Hébron, a sam di Ndo nzi pèc pècèk. Te deɓaʼa ta bada na mbar a gèɗ a David, a ta feda a bi Israel, ara man Ndo nzi pèc pècèk a goɗ te ma Samuel.

I Chroniques 28:4

Ndo nzi pèc pècèk, Zhiklè Israel, a nʼngatskay auda te va gwoli ga, aman i gi bi a géɗ Israel a mèdèp, te man a nʼngotsko Juda auda a tsuvomaʼa. Te va ndohi Juda a nʼngotsko gi bab ga auda. Teva kramamhi ga, iyè man i ambaha, aman a ngyè a bi Israel.

Esaie 11:1

Godozlom Isai a da tsi rai, a zluzlor nengaʼa a da tsi ntsatseri staɗ man a ndè yi skwai.

Esaie 11:10

A pats nasa ndohi man ta sun Zhiklè ɓai ta da menkaɗa deɓa a sam zluzlor Isai. A zluzlor Isai a gi a skwi malwuɗai a sam ndohi tèlèba, sam nʼnzi bi nengaʼa nʼnzala.

Esaie 55:4

Na haha, i vau a ndo malwuɗai a sam ndohai, a ɓai, aman a ncè ta ma ndohi tèlèba.

Jérémie 11:14

Aman ka, ka tsu ri a gèɗ ndohi haha ɓai, ka gu mbuh mbuh ɓai, ka dzhoɗo a géɗ tengaʼa ɓai; aman i cinè ma tengaʼa azɓai, aman ta kuɗi a sam ga a pats matakwan.

Jérémie 15:1

Ndo nzi pèc pècèk a ngaɗayè: Ko man nda Moise a Samuel ta shkè a sam ga, ndohi haha ta siyè te va azɓai. Dzam ta auda a sam ga, do do ta!

Jérémie 6:30

Va-baha ta ndohi ga ‘verzhègenè mwoslɓiaʼa’, te man Ndo nzi pèc pècèk a nkwol ta.

Jérémie 7:16

Zhiklè a ngaɗa na Jérémie: Aman ka, ka tsu ri a géɗ ndohi haha ɓai, ka gu mbuh mbuh a géɗ tenga ɓai, ka tsu ri kam kam ɓai, i cè ntsi ri ngaya azɓai.

Zacharie 4:14

Nengaʼa a ngaɗa: Nasa tengahi cèw, man i bada ta mbar a gèɗ, a ta zlècè a sam Bi Zhiklè herkeda tèlèba.

Romans 15:12

A va zaʼa: Esaie a gaɗa: Zluzlor Isai a di a tsai, a nengaʼa man a di a slèmbèɗè, man a gi bai a géɗ ndohi nte deɓa tèlèba, nengaʼa ndohi nte deɓa ta zhèrè te ndav.

Hébreux 11:32

A i da njè kinè a va za mè? Ri azɓai man i njè ma Gédéon, ma Barak, ma Samson, ma Jephthé, ma David, ma Samuel, ma ndohi nhadka ma.

1 John 5:16

Ndo man a rka, kramam nengaʼa a gi malai, mali mʼmetsi ka ɓai, da tsu ri a Zhiklè, gar haha a di a va na nshèffè a nengaʼa man a gu malai, mali mʼmetsi ka ɓai. Mali mʼmetsai a zhè, a géɗ nengaʼa i gèɗè azɓai, aman ndo da tsu rai.

I Samuel 10:1

Samuel a nco gatsak mbar, a mbada na a gèɗ a Saul, a nhumbateda a ndav, a ngaɗa: Ndo nzi pèc pècèk, man a faɗa ka mbar a gèɗ, aman a ge ka a bi ndohi Israel nengaʼa. Gu bai a géɗ ndohi Ndo nzi pèc pècèk, a ka mbel ta te ri mayamhi tengaʼa man ta tèuda a pa. Na haha skwi man a ngra ka, Ndo nzi pèc pècèk a mfaɗa ka mbar a gèɗ, aman a ge ka a bi a géɗ skwi na:

I Samuel 15:11

Ndav a dzayè a gèɗ man i feda Saul a bai; aman nengaʼa a nʼngwoday deɓa, a ndzodzor ma ga ɓai. A ndav Samuel a mʼmbeɗ na, a kuɗi a sam Ndo nzi pèc pècèk tʼhwaɗ vaɗ sa tèlèba.

I Samuel 15:23

Ngi mèdègèd, malai lèmèlèmè ara mʼmbèh skwai; a ka tsena gèɗ ɓai, ambaɓi lèmèlèmè ara ngi vrai. A géɗ man ka kwola ma Ndo nzi pèc pècèk, nengaʼa a cèma ka bi ngaya.

I Samuel 15:26

Samuel a ngaɗa na Saul: Nga dè a ka azɓai; a géɗ man ka kwola ma Ndo nzi pèc pècèk, Ndo nzi pèc pècèk a kwol ka, a ka gi bi ndohi Israel asaɓai.

I Samuel 15:35

Te deɓ nengaʼa Samuel a nrka Saul asaɓai, ha a mʼmets na. Aman Samuel a lèyè Saul, te man Ndo nzi pèc pècèk a nhur a gèɗ man a nʼnga Saul a bi Israel.

I Samuel 16:15

Bèlèlihi Saul ta gaɗa na: Mèzhèɓ ambabiaʼa a ga ka matakwan!

I Samuel 16:23

Aman mèzhèɓ ambaɓiaʼa a ga na Saul, David a nco ganzavar, a ntsiaʼa. A va Saul a nga langlangaʼa, a nʼnga na daraʼa, a mèzhèɓ ambaɓiaʼa a mʼmende va na a deɓa a sam na.

I Samuel 17:12

David, kra ndo Ephrata te Bethléhém, te Juda, man nzlembaɗ na Isai. Wudahi nengaʼa 8. Isai nhala ma, hurnjüfnjüfaʼa, te ndev man Saul bi dai.

I Samuel 9:16

Angoslèm, aranta, i da zlinda ndo ngiɗè te kokwar Benjamin a sam ngaya. Ka da faɗa na mbar a gèɗ, a gi bai a géɗ ndohi Israel. Nengaʼa a da mbel ta ndohi ga te ri ndohi Philistie. I rka nlèyè matakwan ndohi ga, a i tsena kuɗ tengaʼa. Samuel a mʼmana staɗ, ga Saul a mshkè.