I Samuel 15:3 - Ma Zhiklè

³ Ani do, a ka keɗa Amalek, a ka bazla ndohi nengaʼa a vèvèɗ, a skwi nengaʼa tèlèba man a nʼngotso. Ka da jèke ta ɓai, bazl ta ngurhi a ngwozihai, wudahi a wudahi a wa, zlèhai a tambakihai, zlugumihai a kdèhihai.

I Samuel 15:3 ပူးပေါင်းရင်းမြစ်များ

Genèse 36:12

Thimna, ngwoz man a Eliphaz, kra Esau, macecèwaʼa. A nya na Amalek a Eliphaz. Nasa wudahi Ada, ngwoz Esau.

II Samuel 1:8

nengaʼa a ndzhadyè: Ka wa? A i mbeɗa na a ma: I ndo Amalek.

Exode 17:14

A Ndo nzi pèc pècèk a ngaɗa na Moise: Windeda skwi haha a ɗèlèwèr, aman a pca ta a gèɗ azɓai, a ka njè na ma a gèɗ a Josué: I woy a i gi a ta hér Amalek azɓi fèt a géɗ herkeda.

Exode 20:5

Ka gurɓa a sam tengaʼa bai, ka tsu ri a tengaʼa bai! Aman iyè Ndo nzi pèc pècèk, Zhiklè ngaya, i Zhiklè i srak, man a gi kita a sam wudahi a géɗ mali bab ta, te verzi bab ta, te mamakaraʼa, te mafadaʼa, a sam tengaʼa man ta gi shèwa a iyè.

Nombres 24:20

Te deɓaʼa a nrka Amalek. A nhüno ngèɗè nengaʼa, a ngaɗa: Ndohi Amalek, tsuvomhi ndohi herkeda; aman ndikè-ma tengaʼa ngédèshè.

Nombres 31:17

Anai va-bazla wudahi ngurhi tèlèba, a ngwozi tèlèba man ta gu baki ma.

Josué 10:39

A ta dumaʼa, a bi nengaʼa ba a kokwarhi mbibihiaʼa ba. Ta bazl ta a tsakwal, ta gedas ta ndohi tèlèba te pa. A njèka ndo a pa ɓai. A ngu a Débir a bi nengaʼa lèmèlèmè ara man a gu te Hébron, lèmèlèmè ara man a gu te Libna a bi nengaʼa.

I Samuel 14:48

A ngu skwi mbiaʼa, a mbazl ta ndohi Amalek, a mʼmbel ta ndohi Israel te ri tengaʼa man ta gu metsar a sam ta.

I Samuel 15:18

Ndo nzi pèc pècèk a nzlinde ka a var, a fa ka ma a gèɗ: Do, gedassa ndohi Amalek, ndohi malihi sa, gu var a tengaʼa, ha ka ndev ta.

I Samuel 15:9

Saul a ndohi nengaʼa ta jèka na nshèffe a Agag, a tambaki a zlèhi mbelaʼa, a skwi ngraʼa, a wud tambakihi a skwi man amba tèlèba; ta woy a ta gedassa ɓai. Aman skwi man ambaha ta ɓai, ta gedassedaussa.

I Samuel 22:19

Bai a mbazl ta ndohi a tsakwal te kokwar Nob, kokwar ndohi mvi skwi a Zhiklè – ngurhi a ngwozihai, wudahi a wudahi a rai, zlè-hai, kdèhihai, tambakihai, tèlèba a mbazl ta a tsakwal.

I Samuel 27:9

Aman David a nkala na va a kokwar, a njèka na nshèffè a ndo ɓai, ko nguraʼa, ko ngwoz, a nhul tambakihai a zlèhai, kdèhihai, zlugumihai a maslaka. Te deɓaʼa a mshkè a deɓa a sam Akish.

I Samuel 30:17

David a mbazl ta, a hinè a prèk te gai, ha ndè ma dakwaɗ, a mbazl ta a vèvèɗ, ndo mwuca ɓai, ko staɗ, sèi ndohi 400 man ta mbel ta a deɓ zlugumihai a ta hu ta.