I Samuel 15:29 - Ma Zhiklè

²⁹ Nengaʼa man nʼnjèl Israel, a cèkèlma azɓai, a ngwèdè ndav azɓai; nengaʼa ndo man a ngwèdè ndav na ka ɓai.

I Samuel 15:29 ပူးပေါင်းရင်းမြစ်များ

I Chroniques 29:11

Ka Ndo nzi pèc pècèk, mbiaʼa, man wuɗi ngaya a zhè, a nʼnjèlè; skwi te zhiklè, a skwi a gé; d herkeda ba, tèlèba a ngaya. Ndo nzi pèc pècèk, kokwar-bi a ngaya. Ka mbiaʼa, ka fena skwi tèlèba.

Psaumes 29:11

Ndo nzi pèc pècèk da va na wuɗai a ndohi na; Ndo nzi pèc pècèk da pshè ta ma ndohi na a gumai.

Psaumes 68:35

Va-sun wuɗi Bi Zhiklè! Nengaʼa a gi bai a géɗ Israel, a wuɗi nengaʼa a zhè te va vanai.

Psaumes 95:11

A i mbaɓa a ndav: Sèi ta dè a sam nshèk va ga azɓai!

Esaie 45:24

Nʼngul skwai a wuɗai sèi te Ndo nzi pèc pècèk. Tèlèba man ta gu ndav a géɗ nengaʼa, ta da shkè a sam na, a ta gi horai.

Ezéchiel 24:14

Iyè Ndo nzi pèc pècèk i goɗa. A skwi haha a shkè, i giaʼa, i jèkè azɓai, ndo a siyè te va azɓai, i ngwèdè gèɗ ga azɓai. I ga ka kita, ara maya nshèffè ngaya, ara skwi ngaya man ka gau, Bi Zhiklè a gaɗa.

Joel 3:16

Ndo nzi pèc pècèk a bèhè a wuɗai te Sion. Te Jérusalem ta tsena daʼai nengaʼa. Gidfèk a herkeda ta gudzai. Aman Ndo nzi pèc pècèk, sam ndohi na nlèaʼa, gi ndakmaʼa a sam ndohi Israel.

Nombres 23:19

Zhiklè nara ndo ka bai, a cèkèlma azbai, kra-ndo ka bai, man a mindè ma na a deɓa. Skwi man a mpasla ri a pa, a rufaʼa azɓi dè? Ma man a ngoɗa, a giaʼa azɓi dè?

2 Corinthians 12:9

a nengaʼa a ngaɗayè: Pombi ga da dèʼa ka, aman wuɗi ga a gi te ndohi man wuɗi ta azɓai. Gar haha i woya man i jégèr va nshèlèkuraʼa a géɗ man wuɗi ga azɓai, a wuɗi Kristi a nzi a sam ga.

Deutéronome 33:27

Zhiklè man a zhè a mèdèp, sam nlèaʼa; a ri man ta nzi a mèdèp tʼhwaɗaʼa. A dzama ndo mayam auda a ma ngaya, a ngaɗa: Ngedassa!

Philippiens 4:13

I slaha skwi tèlèba a nda nengaʼa, man a vay wuɗai.

2 Timothy 2:13

Aman nga lèɓèslè ɓai, nengaʼa a nzi lèɓèslèa genè, a slaha a ngwèdè va na azɓai.

Titus 1:2

a ta zhèr nshèffè a mèdèp te ndav. Zhiklè – man a cèkèlma azɓai – a mpasla ta ri nshèffè sa a ndohi halaʼa.

Hébreux 6:18

Aman a skwi cèw man ta ngwèdè azɓai—aman Zhiklè a slaha a ncèkèlma azɓai—nga ngots skwi mbid nga nzuraʼa, nga man nga gshè va a nzhèrè te ndav man a zhè a ma nga.

Hébreux 7:21

aman ndo haha a mʼmbèɗè nengaʼa, man a gaɗa: Bi Zhiklè a goɗ a mbèɗè, a mindè a deɓa azɓai: Ka ndo mvi skwi a Zhiklè a mèdèp.