I Samuel 15:26 - Ma Zhiklè

²⁶ Samuel a ngaɗa na Saul: Nga dè a ka azɓai; a géɗ man ka kwola ma Ndo nzi pèc pècèk, Ndo nzi pèc pècèk a kwol ka, a ka gi bi ndohi Israel asaɓai.

I Samuel 15:26 ပူးပေါင်းရင်းမြစ်များ

Genèse 42:38

Aman a ngaɗa: Kra ga a dè a verzi kinè asaɓai. Kramam nengaʼa a mʼmets na, njèkè séi nengaʼa mènè. Man skwi a da ga na a civèɗ man kin dè, ani i hala ma, kin woy a kin ndevdyè a nlèyè.

II Samuel 12:9

Ka kwola Ndo nzi pèc pècèk a ka gau skwi man ambaha ɓai èhèmè? Ka keɗa Urie, ndo Heth, a tsakwal, a ka ceda ngwoz nengaʼa a ma a ngwoz. Aman géɗ va nengaʼa ka keɗa a tsakwal ndohi Ammon.

II Samuel 7:15

Aman pombi ga a shkè auda a géɗ nengaʼa azɓai, ara man i co auda a géɗ Saul, man a nza, te va man ka bi di ka ɓai.

Jérémie 6:19

Herkeda, fu zlembaɗ! I ngwoda ta matakwan a gèɗ a ndohi haha, a géɗ man ta kwolyè, ta woy a ta cè ma ga ɓai, ta derɗa ma kita ga.

Osée 13:11

Ndav a ndzayè a i va ka bai, a ndav a ndzayè holholaʼa, a i ckoɗauda zaʼa.

Osée 4:6

Ndohi ga ta da gédèsh ta, a géɗ man ta sun maya ɓai. A géɗ man ka kwola maya, i ba i kwol ka, a ka gi mizlinè Zhiklè a sam ga asaɓai. A géɗ man ma kita Zhiklè ngaya mpca ka a gèɗ, aranta ta pcèy a gèɗ ar wudahi ngaya ba.

Actes 13:22

Aman a nkoldko nengaʼa auda ma, a mfeda David a bi ta, te nengaʼa a gi malwudai, a gaɗa: I ngots David, kra Jesse, ndo ara man ndav ga a woyaʼa, nengaʼa a da gi skwi tèlèba man i woyaʼa.

2 John 1:11

Ndo man a ga na mbalai, a hümdè a skwi ambaɓi man a giaʼa.

I Samuel 13:14

Aman arsa kokwar bi ngaya a nzi azɓai. Ndo nzi pèc pècèk a nʼngots ndo ngiɗè ara man ndav nengaʼa a woyaʼa, a fedahi a bi ndohi na, a géɗ man ka co ma Ndo nzi pèc pècèk ɓai.

I Samuel 15:23

Ngi mèdègèd, malai lèmèlèmè ara mʼmbèh skwai; a ka tsena gèɗ ɓai, ambaɓi lèmèlèmè ara ngi vrai. A géɗ man ka kwola ma Ndo nzi pèc pècèk, nengaʼa a cèma ka bi ngaya.

I Samuel 15:31

A Samuel a mdo, a ndzodzor Saul, a Saul a ntsu ri a sam Ndo nzi pèc pècèk.

I Samuel 16:1

Ndo nzi pèc pècèk a ngaɗa na Samuel: Ka lèyè Saul tè ngèmè? I kwola ma, i goɗ da gau bi Israel asaɓi ma. Ndheda mbar a gatsak, do, i woy a i zlinde ka a sam Isai, ndo Bethléhem. I ngots te va wudahi nengaʼa staɗ a bai.

I Samuel 2:30

A géɗ nengaʼa Ndo nzi pèc pècèk, Zhiklè Israel, a gaɗa: A matsa i gaɗa: Ndohi gi ngaya a ndohi gi bab ngaya sèi ta zhè a sam ga pèc pècèk a mèdèp. Aman antanta Ndo nzi pèc pècèk a gaɗa: Da ga arsa ɓai! Sèi ndo man a sleɓardyè, i ba i slébèrdèʼa. Ndo man a kwolyè, a gédèsh na.

I Samuel 28:18

A gèɗ man ka fa na gèɗ a ma Ndo nzi pèc pècèk bai. Ndav a ndza na holholaʼa a gèɗ Amalek, aman ka ga ara man Ndo nzi pèc pècèk a woya ɓai. A géɗ nengaʼa Ndo nzi pèc pècèk a ga ka arsa a patsna.