I Samuel 15:22 - Ma Zhiklè

²² Samuel a ngaɗa: Skwi man ta zla na Zhiklè a ta ndara na Zhiklè ambaha Ndo nzi pèc pècèk, lèmèlèmè ara nfi gèɗ a ma nengaʼa dè? Na haha, ndo man a fi gèɗ a ma nengaʼa, a fena ndo man a vi skwi a Zhiklè; njèjèr ma nengaʼa, a fena mbeza drok.

I Samuel 15:22 ပူးပေါင်းရင်းမြစ်များ

Genèse 4:4

Abel ba a mva na te va tsuvom rèwè skwi na, a mbezaʼa. Abel, a skwi man nengaʼa a mva na Ndo nzi pèc pècèk, ambaha.

Exode 19:5

Anai aman kin woy a kin tsena ma ga, a kin nzi te nderzlè-ma ga, te va ndohi a géɗ herkeda tèlèba, kinè ndohi ga, aman herkeda tèlè a ga.

Proverbes 21:3

Ngi skwi nzuraʼa, nɗèl skwi nzuraʼa, ambaha Ndo nzi pèc pècèk, a fena skwi man nga va na.

Ecclésiaste 5:1

Ka vassa ngèdè tsam tsam ɓai! Ndav ngaya da hur skwi dai, ga ka gada na Zhiklè. A géɗ man Zhiklè a zhè te zhiklè te géɗèʼa, a ka, ka zhè tʼherkeda. Ka ndurh ma ɓai!

Jérémie 11:4

Ma nderzlè-ma man i va ta babhi kinè a pats man i helka ta auda te kokwar Egypte, te gezla, a i gaɗa ta: Va-tsena ma ga, va-gu skwi haha tèlèba man i njè kinè, a kin gi a ndohi ga, a iyè i gi a Zhiklè kinè,

Jérémie 11:7

Aman i mbaɗa ta babhi kinè a ma gèjau te pa, a pats man i helka ta auda te kokwar Egypte, ha patsna, a i mbaɗa ta lèk lèk, a i gaɗa ta: Va-tsena ma ga!

Jérémie 26:13

Anai, va-tila civèɗ kinè, a skwi man kin giaʼa. Va-tsena ma Ndo nzi pèc pècèk, Zhiklè kinè. Te deɓaʼa ndav Ndo nzi pèc pècèk a da mènèhai, a gi skwi ambaɓiaʼa man a hodko ma a géɗ kinè azɓai.

Osée 6:6

Aman mwoy-Zhiklè ambahayè a fena nzli skwi a Zhiklè. Nshin Zhiklè ambahayè a fena nʼndèr skwi a Zhiklè.

Osée 8:13

Nzli skwi a Zhiklè ambaha ta. Ta zlèhaʼa, aman ta ndeda zluèɗ a ma. Ndo nzi pèc pècèk a wuffè a géɗ tengaʼa azɓai. Antanta a da hér mali ta, a da ga ta kita a géɗ mali ta. Sèi ta minè a deɓa a kokwar Egypte.

Matthew 12:7

Aman agassa kin sun verzi ma haha: Nsi ndo te va a fena mvi skwi a Zhiklè, ar kin fa ta mali a gèɗ a ndohi man mali ta azɓi ɓai.

Matthew 23:23

Woba kinè, malamhai a ndohi pharisie! Kinè ndohi nʼngwèdè ndo! Kin vi skwi staâ te va kula, ko te va skwi nkè-shèa; a kin jèkeda ma mbiaʼa te ma kita Zhiklè, ara: kita, nsi ndo te va, ncè a ndav. Aman agassa kin gi skwi haha, a kin jèka ma mbiaʼa te ma kita Zhiklè ɓi ba.

Matthew 5:24

jèkeda skwi man ka woy a ka va na Zhiklè a sam mvi skwi a Zhiklè; a ko do nshèlèkuraʼa, a kin menda gumi a hai a kramam ngaya, ga ka shkè, a ka da vi skwi ngaya.

Matthew 9:13

Vo-do, va-sun skwi haha: I woy aman ndo a si ndo te va, mvi skwi a Zhiklè ka ɓai. I shkè aman i bèhè ndohi nzuraʼa ka ɓai; i shkè, a i bèhè ndohi malihai.

Marc 12:33

a nhér gèɗ nga tèlèba, a nshèffè nga tèlèba, a wuɗi nga tèlèba, a nga, woy ndo, ara man nga woy nshèffè nga, a fena skwi tèlèba man nga ndara na Zhiklè, a nga zla na Zhiklè.

I Samuel 13:12

i hur te ndav: Antanta ndohi Philistie ta da shkè a Guilgal, ga i va na skwi a Zhiklè. A i sassaya di ga, a i ndara na skwi a Zhiklè.

I Samuel 13:13

Samuel a ngaɗa na Saul: Ka gau ambaɓai! Aman agassa ka dzodzor ma man Ndo nzi pèc pècèk, Zhiklè ngaya, a gaɗa ka, ar Ndo nzi pèc pècèk a nzala ka bi ngaya te Israel antanta a mèdèp.