I Samuel 15:11 - Ma Zhiklè

¹¹ Ndav a dzayè a gèɗ man i feda Saul a bai; aman nengaʼa a nʼngwoday deɓa, a ndzodzor ma ga ɓai. A ndav Samuel a mʼmbeɗ na, a kuɗi a sam Ndo nzi pèc pècèk tʼhwaɗ vaɗ sa tèlèba.

I Samuel 15:11 ပူးပေါင်းရင်းမြစ်များ

Genèse 6:6

a ngaɗa: Dara i da gu ndo ɓai! A ndza na a ndav.

Genèse 6:7

Ndo nzi pèc pècèk a ngaɗa: I woy a i zede ta a géɗ herkeda: ndohi man i ge ta, a skwi ndzhamhai, a skwi nda a hwaɗhai, a ɗiakihai tʼhwaɗ giɗfèk, aman i kuɗi a géɗ tengaʼa a i gada: dara i da gu ɓai.

II Samuel 24:16

Aman David a nrka gol Zhiklè man a bèzlè ndohai, a ngaɗa na Ndo nzi pèc pècèk: Na haha, mali ga. Iye i gau skwi ambaɓiaʼa. Aman rèwè ndohi haha a ge mè? Ri ngaya da kedyè, a ndohi gi bab ga! Aman gol Zhiklè a ntarda ri a géɗ kokwar Jérusalem, a woya a ngédèshèʼa, Ndo nzi pèc pècèk a mhur ngiɗè tsaɗ a géɗ matakwan, a ngaɗa na gol Zhiklè man a mbazl ta ndohai: Dèʼa! Mendkoɗi ri ngaya a deɓa! Gol Ndo nzi pèc pècèk a zhè a sam hedak Aravna, ndo Jébus.

I Rois 11:9

A Ndo nzi pèc pècèk a ngu ndav a géɗ Salomon, a géɗ man a ngwoda na deɓa, Zhiklè Israel, man a ngudoko na va a dai sak cèw.

I Chroniques 10:13

Aranta Saul a mʼmets na, a gèɗ mali nengaʼa man a gau a sam Ndo nzi pèc pècèk, a gèɗ man a ndzodzor ma Ndo nzi pèc pècèk ɓai, a gèɗ man a ndzhoɗo vrai, a mʼmboh skwai.

I Chroniques 21:15

Zhiklè a nzlündo gol nengaʼa a kokwar Jérusalem, aman a bazla ndohi te pa. Aman a ndev ta, Ndo nzi pèc pècèk a nrkaʼa, a ta sia te va, a mhur ma ngiɗè tsaɗ, a ngaɗa na gol nengaʼa, man a bèzlè ndohai: Dè ma! Menda ri ngaya a deɓa! Gol Ndo nzi pèc pècèk a nzlatsa a sam hedak Ornan, ndo Jébus.

Job 34:27

A géɗ man ta jèkeda, a ta fu gèɗ a civèɗ nengaʼa tèlèba bai.

Psaumes 109:4

Mwoy man i woy ta, tengaʼa ta gi a ndohi mayamhi ga. Aman iyè, i tsi ri a Zhiklè!

Psaumes 110:4

Ndo nzi pèc pècèk a mʼmbaɗa, nengaʼa a ngwèdè ma na azɓai. Ka ndo mvi skwi a Zhiklè a mèdèp, lèmèlèmè ara Melchisédek.

Psaumes 119:136

Kuɗa a panamay ndav, a géɗ ndohi man ta jèjèr ma kita ngaya azɓai.

Psaumes 125:5

Aman tengaʼa man ta bez ta zlawa a civèɗ tengaʼa ndzaraʼa, Ndo nzi pèc pècèk da zede ta a nda ndohi malihai. Gumi da zhè a géɗ Israel!

Psaumes 36:3

A peda ndav na a wi a vna, mali ga a ngècè azɓai, ar na, shèwa az a géɗ ga bai, ar na.

Psaumes 78:41

A ta jkeda Zhiklè gene, a ta poko na gèɗ auda genè, a ta ɗawarama na ndav a Zhiklè Israel nkezlaʼa.

Psaumes 78:57

Lèmèlèmè ara bababhi ta, ta lèɓèslè ɓai. Ta men la a deɓa, a ta gu ara sulom man a ngwoda ta va a gèɗ.

Exode 32:11

A Moise a ntsu ri a Zhiklè, a ngaɗa: Bi ga, ka woy a ka gi ndav a géɗ ndohi ngaya èhèmè? Ndohi man ka helka ta auda te kokwar Egypte a wuɗi ri ngaya?

Exode 32:14

A Ndo nzi pèc pècèk a mʼmanda ndav na a hai, a nʼnga ta matakwan a ndohi bai, ara man a hur nshèlèkuraʼa.

Jérémie 11:10

Ta men ta a deɓa a sam mali babhi ta man ta gu mèdègèɗ a sam ma ga, a to do a verzi zhiklèhi mbèh skwai, a ta gu mizlinè tengaʼa. Ndohi Israel a ndohi Juda ta tawaɗaha nderzlè-ma man i derzla a nda babhi ta.

Jérémie 13:17

Aman kin fi zlembaɗ azɓai, ndav ga a kuɗi tʼhwaɗaʼa. A géɗ nfi va kinè, kuɗa a pay a dai. I kuɗai, a géɗ man ta hel ta ndohi Ndo nzi pèc pècèk a ɓèlè.

Jérémie 34:16

Te deɓaʼa, kin hur tsaɗ, a kin derɗè nzlembaɗ ga. Kin bahka ta ɓèlèlihi kinè, ko nguraʼa ko ngwoz, a deɓa, man kin pre ta ma, a kin ga ta wuɗai, a kin ge ta ndohi a ɓèlè zaʼa.

Jérémie 9:1

I woya a i kuɗai a pats a vaɗ a gèɗ ndohi ga man ta bazl ta, ko gèɗ ga nwalaɗ na, ko kuɗa a hezlamay dai.

Jérémie 9:18

Sèi ta vèsh va a ta hinè ntsi nguzlah a géɗ nga, a nga kuɗi sraffsraffaʼa.

Ezéchiel 18:24

Aman ndo nzuraʼa a njèkeda ngi-zuraʼa nengaʼa, a gi skwi nzura ka bai, a gi skwi nzuraʼa azɓai, skwi hori tèlèba lèmèlèmè ara ndo nderɗa Zhiklè, skwi nzura tèlèba man a gau, ta hérèʼa asaɓai. A géɗ man nlèɓèslè ɓai, a géɗ mali man a zhè a géɗ nengaʼa, a da metsi na.

Amos 7:3

Jacob a da gi kè? Nkèshè gene! A Ndo nzi pèc pècèk a ngwoɗa gèɗ na: Da ga arsa ɓai, Ndo nzi pèc pècèk a gaɗa.

Jonas 3:10

A Bi Zhiklè a nrka skwi man ta gau, aman ta menkaɗa deɓa te civèɗ mali ta, ta su Zhiklè te va, a njèkeda skwi mwuɗitpa man a woya a nzlinda ta, nʼnga ɓai.

Jonas 4:2

Wa Zhiklè, man i te kokwar ga dai, i goɗ ɓi ɗè! A géɗ nasa i hu ga a kokwar Tarsis nshèlèkuraʼa, te man i suna, ka Zhiklè, pombi ngaya a zhè, ndohi ta se ka te va, ka zhèrè te ndav, ndav ngaya amba, ka ngwèdè skwi mwuɗitpa.

Sophonie 1:6

Ta tèlèba man ta ngwoda na deɓa a Ndo nzi pèc pècèk, a ta woy a ta tsi ri a nengaʼa ɓai.

Matthew 24:13

Aman ndo man a dè a ma ma a slagama, ha skwa a nʼndev na, a mbél na.

Matthew 5:44

Aman iyè, i gaɗa kinè: Va-woy ndohi mayamhi kinè! Va-tsu ri a géɗ ndohi man ta paraha kinè! Va-ga ta skwi man amba a ndohi man ta ga kinè shèwa,

Luke 6:12

Te deɓ nasa a mdo a géɗ za, aman a tsi rai.

Hébreux 10:38

Aman ndo nzuraʼa a sam di ga, a da nzi a nshèffè a géɗ ncè-a-ndav. Aman ndo man a men na a deɓa, ambahayè ɓai.

Josué 22:16

Mpi ndohi Israel tèlèba ta gaɗa kinè: Mali mè, man kin gu a sam Zhiklè Israel, aman a patsna kin jèkeda ndè a verzi Ndo nzi pèc pècèk, a kin rom sam mvi skwi a Zhiklè man a kinè, a kin Sala na va a gèɗ a Ndo nzi pèc pècèk?

I Samuel 12:23

I ba i woy a i gi mali a sam Ndo nzi pèc pècèk azɓi ba, a i jèkè ntsi ri a géɗ kinè azɓai. Aman i woy a i ngreda kinè civèɗ man amba a nzuraʼa.

I Samuel 13:13

Samuel a ngaɗa na Saul: Ka gau ambaɓai! Aman agassa ka dzodzor ma man Ndo nzi pèc pècèk, Zhiklè ngaya, a gaɗa ka, ar Ndo nzi pèc pècèk a nzala ka bi ngaya te Israel antanta a mèdèp.

I Samuel 15:10

Ndo nzi pèc pècèk a ngaɗa na Samuel:

I Samuel 15:3

Ani do, a ka keɗa Amalek, a ka bazla ndohi nengaʼa a vèvèɗ, a skwi nengaʼa tèlèba man a nʼngotso. Ka da jèke ta ɓai, bazl ta ngurhi a ngwozihai, wudahi a wudahi a wa, zlèhai a tambakihai, zlugumihai a kdèhihai.

I Samuel 15:35

Te deɓ nengaʼa Samuel a nrka Saul asaɓai, ha a mʼmets na. Aman Samuel a lèyè Saul, te man Ndo nzi pèc pècèk a nhur a gèɗ man a nʼnga Saul a bi Israel.

I Samuel 15:9

Saul a ndohi nengaʼa ta jèka na nshèffe a Agag, a tambaki a zlèhi mbelaʼa, a skwi ngraʼa, a wud tambakihi a skwi man amba tèlèba; ta woy a ta gedassa ɓai. Aman skwi man ambaha ta ɓai, ta gedassedaussa.

I Samuel 16:1

Ndo nzi pèc pècèk a ngaɗa na Samuel: Ka lèyè Saul tè ngèmè? I kwola ma, i goɗ da gau bi Israel asaɓi ma. Ndheda mbar a gatsak, do, i woy a i zlinde ka a sam Isai, ndo Bethléhem. I ngots te va wudahi nengaʼa staɗ a bai.

I Samuel 8:6

Aman ta gaɗa: Ngatsa nga bai, da ga nga kita! – ambaha Samuel ɓai. A Samuel a ntsu ri a Ndo nzi pèc pècèk.