I Samuel 14:6 - Ma Zhiklè

⁶ Jonathan a ngaɗa na gol nzuɓa na skwi var nengaʼa: Washkè, ngo-do auna a sam nʼngélè ndohi man ngwon ta nʼngel ɓi mpaʼa. Gar Ndo nzi pèc pècèk a takaha nga. A sam Ndo nzi pèc pècèk wuɗi a te pa ɓai, a gi a ngul skwai, ko ndo a vata, ko ndo az a vata ɓai.

I Samuel 14:6 ပူးပေါင်းရင်းမြစ်များ

II Samuel 1:20

Kin gaɗa ta ndohi te Gath ɓai, kin njè ta ndohi a civèɗ te Askalon ɓai, aman dalahi Philistie da da wuffa ɓai, a dalahi ndohi ngwon nʼngelɓiaʼa da da wuffa a ta sli dimèsh ɓai!

II Samuel 16:12

Gar Ndo nzi pèc pècèk a da rka nlèyè ga, a da vay pombai a géɗ man a nderdyè a patsna.

II Rois 19:4

Wa ngiɗè ba Ndo nzi pèc pècèk, Zhiklè ngaya, a ntsena ma Rabshakè, man bi nengaʼa, bi Assyrie, a nzlündo, aman a ndurɗo Zhiklè man a zhè a nshèffè, a da ga na skwi ambaɓiaʼa, a géɗ ma man Ndo nzi pèc pècèk, Zhiklè ngaya, a tsenaʼa. Gar haha tsu rai a géɗ njèkèdihiaʼa man ta zhè a nshèffè dai.

II Chroniques 14:10

Asa a ntsu ri a Ndo nzi pèc pècèk, Zhiklè na, a ngaɗa: Ndo nzi pèc pècèk, ka stadgenè ka slaha ka takaha nga, ko ndo man wuɗi na azɓai, ko ndo man wuɗi na zhè. Washkè a ka takaha nga, Ndo nzi pèc pècèk, Zhiklè nga! Aman nga thè va a ka, nga shke a nzlembaɗ ngaya a sam ndohi haha rèdèdèʼa. Ndo nzi pèc pècèk, ka Zhiklè nga. Ndo da fen ka ɓai!

II Chroniques 14:11

A Ndo nzi pèc pècèk a mbazl ta ndohi Ethiopie a ma Asa a Juda, a ndohi Ethiopie ta hu ta.

Psaumes 135:6

Skwi man a woya tèlèba, Ndo nzi pèc pècèk a giaʼa, te zhiklè te géɗèʼa, tʼherkeda ba, tʼhwaɗ iyam mbiaʼa, te drav ba.

Jérémie 9:23

Ndo nzi pèc pècèk a goɗ ar haha: Ndo maya da fu va a géɗ maya na ɓai! Ndo wuɗai da fu va a géɗ wuɗi na ɓai! Ndo mèshèlè da fu va a géɗ skwi mèshèlè nengaʼa ɓai!

Jérémie 9:25

Na haha patsa a di a shkè, Ndo nzi pèc pècèk a gaɗa, aman i da gi kita a géɗ ndohi nʼngela ngwon, aman ndav ta ntil ɓai:

Jérémie 9:26

a géɗ Egypte, a géɗ Juda, a géɗ Edom, a géɗ ndohi Ammon, a géɗ Moab, a géɗ ndohi man ta ngala gèɗ a ta zhè tʼhèshèkèɗ. Aman ndohi herkeda tèlèba ta lèmèlèmè, ndohi nʼngela ngwon ara ndohi man ta ngela ngwon ɓai; ndohi herkeda tèlèba a ndohi Israel tèlèba, ta tila ndav ta ɓai.

Amos 5:15

Va-gu shèwa a skwi man ambaɓai, va-woy skwi man amba, va-gu kita nzuraʼa a ntamagi kokwar, wa ngiɗè ba Ndo nzi pèc pècèk, Zhiklè bi mbiaʼa, a da va ta pombai a njèkèdi ndohi te gi Joseph.

Sophonie 2:3

Va-woy Ndo nzi pèc pècèk, kinè te kokwar tèlèba, man kin manda gèɗ a hai, man kin jèjèr ma nkwèr nengaʼa. Va-woy skwi nzuraʼa, va-manda gèɗ u hai, wa ngiɗè ba pats ndzoan Ndo nzi pèc pècèk a da ngats kinè azɓai.

Zacharie 4:6

Nengaʼa a mbedayè a ma: Nengaʼa ma Ndo nzi pèc pècèk a géɗ Zorobabel: A wuɗi ndo ka ɓai, a wuɗi-bi ka ɓai, sèi a Mèzhèɓ ga, Zhiklè bi mbiaʼa a gaɗa.

Nombres 10:32

Aman ka da shkè a verzi nga, a nga da ngècè skwi man amba a sam Zhiklè, nga ba nga va ka.

Nombres 31:4

Te verzi Israel staɗ, te verzi Israel staɗ, ndohi gozhèm staɗ, va-zlinde ta a var!

Matthew 19:26

Yèsu a mpa ta dai a ngaɗa ta: Ndo a slaha ɓai, sèi Zhiklèʼa slaha skwi tèlèba.

Romans 8:31

Nga da gèɗè a va kè? Aman Zhiklè a zhè a nda nga, nda Sala nga va a di wa?

Deutéronome 32:30

Ndo staɗ a dzam ta ndohi 1.000 azɓai; ndohi cèw ta dzam ta ndohi 10.000 azɓai, sèi man Ndo nzi pèc pècèk a mpe ta a ria kla!

Philippiens 3:3

Aman nga ngots nʼngél ngwon nzuraʼa, nga man nga gi mizlinè Zhiklè te Mèzhèɓ nengaʼa, a njégèr va nga a zhè, nengaʼa Yèsu Kristi; nga fi gèɗ a ndo ara nyakaɗ na ka ɓai.

Josué 14:12

Anai, vay za haha, man Ndo nzi pèc pècèk a goɗ a géɗ nengaʼa a patsaki sa, a géɗ man ka tsenaʼa, a pats sa, ndohi Anakim ta zhè a pa, a kokwarhi mbibihiaʼa, a zlazlar heɗawaʼa. Wa ngiɗè ba Ndo nzi pèc pècèk a takahayè, a i da dzam ta, ara man a goɗa.

Juges 15:18

Te deɓaʼa iyam a ndza na, a ntsu ri a Ndo nzi pèc pècèk, a ngaɗa: Ka gu ɓèl ngaya a ngul ndohi mbiaʼa, aman ani i da metsi ga a mi iyam ɗè? A i da kèlè a ri ndohi man ngwon nʼngel ɓi dè?

I Samuel 14:5

Za ngiɗè a zlatskaɗa a ma Micmash, te civèɗ man a géɗèʼa, ngiɗè a ma Guéba, te tsagi ngiɗè.

I Samuel 14:7

Gol nzuɓa na skwi var nengaʼa a mʼmbeɗa na a ma: Gau ara man ka woyaʼa. Iyè a sam ngaya. Skwi man ka woyaʼa, i ba i woyaʼa.

I Samuel 17:26

David a ndzhaɗ ta ndohi a sam na: Ndo man nda keɗa ndo Philistie haha, a ncèma na hori auda a di a Israel, ta da ga na kè? Ndo Philistie, man ngwon nʼngela ɓi haha, wa, aman a shkè a derde ta ndohi var Zhiklè man a zhè a nshèffè.

I Samuel 17:36

Ɓèl ngaya a keɗa marizhèlè a kokoya: a ndo Philistie man ngwon nʼngela ɓi haha, da ga na lèmèlèmè ar haha, a gèɗ man a nderɗe ta ndohi var Zhiklè man a zhè a nshèffè.

I Samuel 17:46

A patsna Ndo nzi pèc pècèk a mvay ka a rai, i da keɗe ka, a i ngela gèɗ ngaya. I da va ta nckondohi Philistie a patsna a mohodokihai tʼhwaɗ gidfèk, a skwi dakhai. A herkeda tèlèba da suna, Zhiklè te Israel a zhè,

I Samuel 17:47

a ndohi var haha tèlèba ta suna, Ndo nzi pèc pècèk a gi ndo a ngul ndo a tsakwal a kafahi gwèsh ka ɓai; aman var a Ndo nzi pèc pècèk, a nengaʼa a da pe kinè tèlèba a ri nga.

I Samuel 31:4

Saul a ngaɗa na gol nzuɓa na skwi var nengaʼa: Pho kafahi gwèsh a ka kedyè. I woya aman ndohi ngwon nʼngela ɓai ta kedyè ɓai, a ta da ngwossahayè. Aman gol nzuɓa na skwi var nengaʼa a woya ɓai, a gi zlau holholaʼa. A Saul a nco kafahi gwèsh, a nkalda na va a gèɗ.