I Samuel 13:9 - Ma Zhiklè

⁹ Saul a ngaɗa: Vahelkay skwi man i zla na a i ndara na a nga humdè a Zhiklè. A Saul a nʼndara na skwi a Zhiklè.

I Samuel 13:9 ပူးပေါင်းရင်းမြစ်များ

II Samuel 24:25

David a nrom sam mvi skwi a Ndo nzi pèc pècèk a samaʼa, a nʼndara na skwi a Zhiklè, a mva na skwi a Zhiklè te nshid gèɗ. A Ndo nzi pèc pècèk a ntsena ntsi rai a géɗ kokwar, a gidiɓèr te Israel a ndal na.

I Rois 3:4

A bai a mdo Gabaon, aman a vi skwi a Zhiklè. Nengaʼa sam mvi skwi a Zhiklè mbiaʼa, a fena matakahiaʼa. A Salomon a mvau skwi 1.000 a sam mvi skwi a Zhiklè.

Psaumes 37:7

Nza tètè a sam Ndo nzi pèc pècèk, zhor nengaʼa! Ka gu di a ndo man manam a va ɓai, ko a géɗ ndo nʼngwèdè ndo ma ba.

Proverbes 15:8

Skwi man ndohi ambaɓihiaʼa ta va na Zhiklè, a ndara na; aman ntsi ri ndohi nzuraʼa ambaha.

Proverbes 20:22

Ka goɗ a ka gaɗa: i da pela di man a ga ɓai. Zhor te ri Ndo nzi pèc pècèk, a da takaha ka.

Proverbes 21:27

Skwi man ndo ambaɓiaʼa a vi a Zhiklè, a derde Zhiklè a vna, holholaʼa nengaʼa man a va na, a woya a ngwèdèʼa.

Proverbes 21:3

Ngi skwi nzuraʼa, nɗèl skwi nzuraʼa, ambaha Ndo nzi pèc pècèk, a fena skwi man nga va na.

Esaie 66:3

Ndo man a keɗa zlè, lèmèlèmè ara ndo man a keɗa ndo. Ndo man a zli tambak, a ngelama na gèɗ a kda, lèmèlèmè ara ndo man a vi pombaz wodala a Zhiklè. Ndo man a fi vogwa a ɓurdi a ndara na vrai, lèmèlèmè ara man tá wuffè a gèɗ civèɗ tengaʼa, a skwi tengaʼa ambaɓiaʼa ambaha ta te ndav.

Deutéronome 12:5

Sèi kin dè a sam man Ndo nzi pèc pècèk, Zhiklè kinè, a ngotsko dʼauda a ndohi te verzi kinè, aman nzlembaɗ nengaʼa da nza a pa. Sèi kin dè a pa!

Deutéronome 12:6

A kin ndi skwi te pa, man kin ndara na, a kin zla na, skwi staɗ te va kula; skwi man kin co auda a kin va na Zhiklè; skwi man kin gaɗdahai; a skwi man kin tsakala ncèkèlè; a tsuvom skwai, ko zlè ko tambak.

I Samuel 14:18

Saul a ngaɗa na Achija: Cko koti nderzlè-ma! A pats nasa koti Zhiklè a zhè a sam ndohi Israel.