I Samuel 13:13 - Ma Zhiklè

¹³ Samuel a ngaɗa na Saul: Ka gau ambaɓai! Aman agassa ka dzodzor ma man Ndo nzi pèc pècèk, Zhiklè ngaya, a gaɗa ka, ar Ndo nzi pèc pècèk a nzala ka bi ngaya te Israel antanta a mèdèp.

I Samuel 13:13 ပူးပေါင်းရင်းမြစ်များ

Genèse 31:28

A ka vay civèɗ a i ga ta mbalai a wud dalahi ga a dalahi ga ɓai. Ka gokoɗa a nrzlè.

II Samuel 24:10

Te deɓ nengaʼa, mèzhèɓ ndav a nʼngra na David: i gau ambaɓai, a géɗ man i nger ta ndohai. A ngaɗa na Ndo nzi pèc pècèk: I gau malai te skwi man i gau. Anai, Ndo nzi pèc pècèk, pray malai. I gau ara ndo nrzlaʼa.

I Rois 18:18

A nengaʼa a ngaɗa: I gedassa kokwar Israel ɓai; aman kinè a ndohi ngaya, a géɗ man kin jèkeda ma nkwèr Ndo nzi pèc pècèk, a kin dzodzor Baalhai.

I Rois 21:20

A Achab a ngaɗa na Elie: Ka ndo mayam ga, kashkè a sam gaza ɗè? A Elie a ngaɗa na: I shkè a sam ngaya zaʼa, te man ka zede gèɗ ngaya, a ka gu skwi man ambaha Ndo nzi pèc pècèk ɓai.

I Chroniques 10:13

Aranta Saul a mʼmets na, a gèɗ mali nengaʼa man a gau a sam Ndo nzi pèc pècèk, a gèɗ man a ndzodzor ma Ndo nzi pèc pècèk ɓai, a gèɗ man a ndzhoɗo vrai, a mʼmboh skwai.

II Chroniques 16:9

Aman Ndo nzi pèc pècèk a ngél di a géɗ herkeda tèlèba, a ngra ta wuɗi na a sam tengaʼa man ta pu ndav a nengaʼa tèlèba. A haha ka gu skwi a nrzlè. Aman antanta ha ndè a ma ma, sèi ka gi var mènè.

II Chroniques 19:2

Jéhu, kra Hanani, ndo nhadka ma, a ndo a sam na. A ngaɗa na Josaphat: Sèi nga takaha ndo ambaɓiaʼa dè? Ndohi man ta gi shèwa a Ndo nzi pèc pècèk, ka woy ta genè dè? A géɗ nengaʼa Ndo nzi pèc pècèk a gi ndav a géɗ ngaya.

Job 34:18

Nengaʼa man a ngaɗa na bai: Ka ndo ambaɓiaʼa, man a gada ta mbibihiaʼa: Kinè ndohi nderɗe Zhiklè!

Proverbes 12:8

Ta ɗèl ndo te maya nengaʼa man amba; aman ndo man ndav nengaʼa nzura ka ɓai, ta dérɗèʼa.

Proverbes 19:3

Nrzlè a zlèkèdè ndo, te deɓaʼa a gi ndav a géɗ Ndo nzi pèc pècèk.

Esaie 39:5

Esaie a ngaɗa na Ezéchias: Tsena ma Ndo nzi pèc pècèk, Zhiklè bi mbiaʼa!

Jérémie 18:10

Aman te deɓaʼa ta gi skwi man ambahay ɓai, ta tsena ma ga ɓai, skwi mbelaʼa man i huro, i da ga ta azɓai.

I Samuel 1:22

Anne nʼnda ɓai, a ngaɗa na baki na: I dè di azɓai, sèi kra a njèkeda wa di kla, a i dèʼa. Te deɓaʼa i da va na Ndo nzi pèc pècèk, da nza a pa a mèdèp.

I Samuel 13:12

i hur te ndav: Antanta ndohi Philistie ta da shkè a Guilgal, ga i va na skwi a Zhiklè. A i sassaya di ga, a i ndara na skwi a Zhiklè.

I Samuel 15:11

Ndav a dzayè a gèɗ man i feda Saul a bai; aman nengaʼa a nʼngwoday deɓa, a ndzodzor ma ga ɓai. A ndav Samuel a mʼmbeɗ na, a kuɗi a sam Ndo nzi pèc pècèk tʼhwaɗ vaɗ sa tèlèba.

I Samuel 15:22

Samuel a ngaɗa: Skwi man ta zla na Zhiklè a ta ndara na Zhiklè ambaha Ndo nzi pèc pècèk, lèmèlèmè ara nfi gèɗ a ma nengaʼa dè? Na haha, ndo man a fi gèɗ a ma nengaʼa, a fena ndo man a vi skwi a Zhiklè; njèjèr ma nengaʼa, a fena mbeza drok.

I Samuel 15:28

Samuel a ngaɗa na: A patsna Ndo nzi pèc pècèk a nʼngela ka bi ngaya a géɗ ndohi Israel, a da va na ndo ngiɗè man a fen ka.

I Samuel 16:1

Ndo nzi pèc pècèk a ngaɗa na Samuel: Ka lèyè Saul tè ngèmè? I kwola ma, i goɗ da gau bi Israel asaɓi ma. Ndheda mbar a gatsak, do, i woy a i zlinde ka a sam Isai, ndo Bethléhem. I ngots te va wudahi nengaʼa staɗ a bai.

I Samuel 26:21

Saul a ngaɗa: I gau malai. Washkè a deɓa, David, kra ga, anai i da ga ka matakwan ngiɗè asaɓai, a géɗ man ka jèkay nshèffè ga a patsna. Halau, i gau ambaɓai, i gau mali kumba.