I Samuel 12:22 - Ma Zhiklè

²² Ndo nzi pèc pècèk a da kwol ta ndohi nengaʼa azɓai, a géɗ nzlembaɗ nengaʼa mbiaʼa, te man ambaha Ndo nzi pèc pècèk, aman a ge kinè a ndohi na.

I Samuel 12:22 ပူးပေါင်းရင်းမြစ်များ

I Rois 6:13

I da nzi a gi te ndev ndohi Israel, a i jèkeda Israel, ndohi ga, asaɓai.

I Rois 8:57

Ndo nzi pèc pècèk, Zhiklè nga, da zhè a nda nga, ara man a zhè a nda babhi nga te va nasa. Da jèk nga ɓai, da kwol nga ɓai,

II Rois 14:27

Ndo nzi pèc pècèk a woya a nzede nzlembaɗ Israel tʼherkeda a mèdèp ɓai, a nzlinda Jéroboam, kra Joas, aman a ntakaha ta.

II Rois 21:14

Njèkèɗi ndohi nʼndi gi ga, i kwolaʼa, i pe ta a ri a mayamhi tengaʼa, a ndohi mayamhi tengaʼa tèlèba ta da dum ta, a ta da hel ta ma.

I Chroniques 28:9

Aman ka, Salomon, kra ga, sun Zhiklè bab ngaya, gu mizlinè nengaʼa a ndav nzuraʼa, a ndav tèlèba. Aman Ndo nzi pèc pècèk a wuzhè ndav ndohi tèlèba, a sun skwi man ndohi ta hérèʼa. Aman ka da hèshèʼa, ka da ngècèʼa. Aman ka da jèkeda, a da kwol ka a mèdèp.

II Chroniques 15:2

Ndo nzi pèc pècèk a zhè a nda kinè, ara man kinè a zhè a nda nengaʼa. Aman kin hèshèʼa, kin ngècèʼa. Aman kin jèkeda, nengaʼa a jèke kinè.

Néhémie 9:17

Ta woy a ta tsena ɓai, ta hur nrkedi man ka gu a sam ta ɓai. Ta Sala va ta, a ta woy tsuvom ta man a de ta a deɓa a kokwar Egypte. Aman ka, Zhiklè man a prè malai, man a vi pombai, man ndo a sia te va, a ka gi ndav tsam tsam, azɓai, man ka zhèr skwi a dai, ka jèke ta a pa ɓai.

Psaumes 106:8

Aman nengaʼa a mbel ta, a gèɗ nzlembaɗ nengaʼa, a gèɗ man a nʼngrede wuɗi na auda.

Psaumes 94:14

Aman Ndo nzi pèc pècèk a da kwol ta ndohi nengaʼa azɓai, a da jèkeda skwi nʼndi gi nengaʼa azɓai.

Exode 32:12

Ehèmè ndohi Egypte ta da gada: A nhelka ta auda, aman a de ta a matakwan, a ngedas ta te za, a nzede ta tʼherkeda? Jèkeda ndzoan ngaya, manda ndav ngaya a hai!

Esaie 37:35

I woya a i ɓer kokwar haha, a i takaha, a gèɗ nzlembaɗ ga, a géɗ David, ɓèl ga.

Esaie 41:17

Aman mbelawahai a ndohi ntawas-saʼa ta woy iyam a ta ngècè azɓai, mi iyam a gworama ta nèʼèn te ma, iyè Ndo nzi pèc pècèk, i cinè kuɗ tengaʼa a i jèke ta a gèɗ ta azɓai.

Esaie 42:16

I gi a ndo nce ta ma mandazlihai, a i de ta a civèɗ man ta sun halaʼa ɓai. I woya a i hela ruva a ma tengaʼa, a i lèmdè sam kwa. Nasa skwi man i giaʼa, a i jèkè azɓai.

Esaie 43:25

Iyè, i pana mali ngaya, a gèɗ ngaya ka ɓai, a gèɗ va ga; a i her mali ngaya te deɓaʼa asaɓai.

Esaie 43:7

Ta tèlèba man ta co nzlembaɗ ga, man i pe ta, a i ge ta, a ta gi a nʼnjèl ga.

Esaie 48:11

I giaʼa, a géɗ ga, a géɗ nzlembaɗ ga. Ta derɗe nzlembaɗ ga kumba. I vi njèl ga a ndo ngiɗè azɓai.

Esaie 49:15

Kra nkèshèa a pca na gèɗ a mam na ɗè? Kra hwaɗ na a sia te va azɓi ɗè? Ko man mpca na a gèɗ, ka pcèy a gèɗ a iyè azɓai.

Esaie 63:8

Nengaʼa a ngaɗa: A vava, ta ndohi ga, wudahi man ta da ngwodyè azɓai. A ngu a ndo mʼmbel ta te matakwan tenga tèlèba.

Jérémie 14:21

Ka kwol nga ɓai, a géɗ nzlembaɗ ngaya! Ka pa na hori a di a sam nʼnzi bi ngaya ɓai! Huro! Ka pra ma nderzlè-ma nga a ka ɓai!

Jérémie 14:7

Mali a ngwoda nga va a gèɗ! Ndo nzi pèc pècèk, takaha nga, a géɗ nzlembaɗ ngaya! Nga jèke ka, a nga gu mali a sam ngaya kumba.

Jérémie 14:9

Ka ara ndo man zlau a dza na èhèmè, ara ngul ndo man a slaha a mbel ndo ɓai èhèmè? Aman ka te ndev nga, Ndo nzi pèc pècèk; ta baha nga a nzlembaɗ ngaya. Ka jèke nga ɓai!

Lamentations de Jérémie 5:20

Ka woya aman nga pca ka a gèɗ a mèdèp, a ka kwol nga nʼnzi a zhè èhèmè?

Ezéchiel 20:14

Aman a géɗ nzlembaɗ ga i ga ndzoan a vata Bai; ndohi nte deɓa da durɗo nzlembaɗ ga ɓai, a sam di tengaʼa man i helka ta auda.

Ezéchiel 20:9

Aman a géɗ nzlembaɗ ga i ga ndzoan a vata bai; ndohi nte deɓa da durɗo nzlembaɗ ga bai, te ndev tengaʼa man ta zhè, a sam di tengaʼa man i gudoko ta va a dai, aman i helka ta auda te kokwar Egypte.

Mal. 1:2

Te va nasa i woy kinè, Ndo nzi pèc pècèk a gaɗa. A kin jhèɗèʼa: Ka woy nga te mè? Esau kramam Jacob ka ɓi ɗè? Ndo nzi pèc pècèk a gaɗa. Ko ar haha i woy Jacob,

Matthew 11:26

Halau, Bab ga, aman arsa ambaha ka.

Jean 15:16

Kinè nʼngatskayè auda ka ɓai. Aman i par kinè, a i ge kinè, aman nyi nshèffè kinè da zhè, a nyi nshèffè kinè a nzi dai, a skwi ko mèmè kin jhèɗè te ri Bab ga a nzlembaɗ ga, a da va kinè.

Romans 11:1

Anai i gaɗa: Zhiklè a nkwol ta ndohi nengaʼa ɗè? Aʼai! Aman i ba i ndo Israel, te verzi Abraham, te gwoli Benjamin.

Romans 11:29

Aman Zhiklè a minè a deɓa azɓai a sam pombi nengaʼa man a baha ta.

1 Corinthians 4:7

Nʼnge ka a mbiaʼa man a fena ndohi ngiɗè, wa? Skwi te ri ngaya, man ka ngatsa ambali ɓi, mè? Aman ka ngots ambalai, ka jégèr va ara man ka ngotso ambali ka ɓai, èhèmè?

Ephésiens 1:12

A nga gi a skwi nslébèrdè nʼnjèl nengaʼa, nga man nga zhor Kristi te ndav nʼnzi a zhè.

Ephésiens 1:6

a nga ndi a skwi nslébèrdè nʼnjèl nengaʼa, man a mva nga te kra nengaʼa man a woya a ndav na.

Deutéronome 14:2

Aman kinè ndohi nkezlaʼa a sam Ndo nzi pèc pècèk, Zhiklè kinè. Kinè man Ndo nzi pèc pècèk a ngatska kinè auda, aman kin ndi a ndohi na, te ndev ndohi herkeda tèlèba man a géɗ herkeda.

Deutéronome 31:17

A pats nasa i da gi ndav worworaʼa a géɗ tengaʼa. I da jèke ta, i da ngheda di ga a sam ta. Ta da gedas ta, ta kèlèhi a matakwan tsaɗ tsaɗ a ndev ɓai, ta lèyè, te deɓaʼa ta da gaɗa: Matakwan haha a ga nga, a géɗ man Zhiklè nga a te ndev nga ɓi Se?

Deutéronome 31:6

Va-gsa ndav kinè, va-nze taraʼa, kin gu zlau ɓai, kin gudzu ɓai a sam ta! Aman Ndo nzi pèc pècèk Zhiklè kinè, a ri na a dè a tsagi kinè, a jèk kinè azɓai, a pre kinè azɓai.

Deutéronome 31:8

Ndo nzi pèc pècèk a ri na a dè a ma ngaya, a da zhè a tsagi ngaya, a jèk ka azɓai, a pre ka azɓai. Ka gu zlau ɓai, ka gudzu ɓai!

Deutéronome 7:6

Aman kinè ndohi nkezlaʼa a sam Ndo nzi pèc pècèk, Zhiklè ngaya. Kinè man Ndo nzi pèc pècèk a mpar kinè auda a kin gi a ndohi na te va ndohi herkeda ngidè tèlèba.

Deutéronome 9:5

A géɗ nlèɓèslè ngaya ka ɓai, a gèɗ ndav ngaya man nzuraʼa ka ɓai, a gèɗ ngi-zuraʼa ngaya ka ɓai, man Ndo nzi pèc pècèk, Zhiklè ngaya, a ndzam ta ndohi herkeda haha; aman ka da dum kokwar tengaʼa, a géɗ man mali ta a ndev ɓai. A ma nengaʼa man a mbaɗa ta a Abraham, Isaac a Jacob, babhi ngaya, a ndikeda.

Philippiens 1:6

A i fi gèɗ a vna: nengaʼa man a hüno mizlinè mbelaʼa te ndav kinè, a dè a ma ma a nrufaʼa, ha pats Yèsu Kristi.

Hébreux 13:5

Mwoy Suli da gso ndav kinè ɓai; skwi man kin ngotso, da dèʼa kinè! Aman Bi Zhiklè a ngaɗa: I pra ka ma gèɗ azɓai, i jèke ka a géɗ ngaya azɓai.

Josué 7:9

Ndohi Canaan a ndohi kokwar tèlèba ta da tsenaʼa, ta da tèuda nga a pa, a ta zeda nzlembaɗ nga tʼherkeda. A ka da gi nzlembaɗ ngaya mbiaʼa a mè?

1 Peter 2:9

Kinè verzi ndohi man Zhiklè a baha kinè, ndohi mvi skwi a Zhiklè, Bi mbiaʼa; kinè ndohi halaʼa, ndohi man a kwor ta. Kinè skwi nslébèrdè nengaʼa, man a baha kinè auda te ruva a sam nhél sam nengaʼa mbelaʼa.