I Samuel 12:21 - Ma Zhiklè

²¹ a kin dzodzor mʼmbèh skwi ambali asaɓai! A takaha kinè azɓai, a mbel kinè azɓai, a géɗ man skwa ambalai.

I Samuel 12:21 ပူးပေါင်းရင်းမြစ်များ

II Rois 17:15

Ta kwola ma nkwèrè a ma nderzlè-ma man a nderzla a nda babhi ta, a ma malwudai man a mbid ta a vna. Ta dzodzor zhiklè mʼmbèh skwi ambalai, ta nda a ndohi ambalai, a verzi ndohi nte deɓa man ta zhè a tsagi ta, a géɗ tengaʼa man Ndo nzi pèc pècèk a njè ta ma a gèɗ: Kin da gu lèmèlèmè ara tengaʼa ɓai!

Esaie 41:29

Na haha, tèlèba ndohi ambalai; skwi man ta gia, skwi ambalai; kwa man ta zlatseda ara mblom, skwi ambalai.

Esaie 45:20

Va-ɓica va, vo-washkè, kin tèlèba! Va-herdeka va, kin njèkèdia ndohi herkeda man kinè a zhè a nshèffè dai. Tengaʼa man ta shèwèlè a vri te rai, man ta tsi ri a zhiklè mbèh skwai man a mbel ta azɓai, ta sun maya ɓai.

Esaie 46:7

Ta feda a daʼai, a ta daʼa a sam nʼnzi na. A nza te pa, a gidè va auda a samaʼa azɓai. Ta baha na, a mbeɗa ta ma azɓai, a takaha ta te matakwan azɓai.

Jérémie 10:15

Skwi ambalai, skwi man ta ngwèshè a pa, a pats kita ta, ta zi ta.

Jérémie 10:8

Ta tèlèba, maya ta azɓai, ta rzla, wof ambalai,

Jérémie 14:22

Te va zhiklè-hi mbèh skwai ndohi herkeda, man ta gi iyam, a zhi dè? Giɗfek a gi iyam a ri na dè? Ka, Ndo nzi pèc pècèk, Zhiklè nga, ka ɓi dè? Nga zhèrè te ri ngaya; aman ka, ka ngu skwi haha tèlèba.

Jérémie 16:19

Ndo nzi pèc pècèk, ka wuɗi ga, sam man i ngheda va ga a pa, sam ga nlèaʼa a pats matakwan. Ngul ndohai ta da shkè a sam ngaya te verzi herkeda, a ta gada: Babhi nga ta ngots skwi ncèkèlma genè, skwi mbèh skwi man ambalai, man a takaha ndo azɓai.

Jérémie 2:13

Aman ndohi ga ta gu mali sak cèw: Iyè, nlèlè iyam nshèffè, ta jèkyè; a ta rau thal iyam tsaɗ, vèvèɗ te pa, man iyam a she na, a nzi a pa azɓai.

Jérémie 2:5

Ndo nzi pèc pècèk a goɗ ar haha: Babhi kinè ta ngatsa a sam ga mali mè? A ta jèkyè a ta dè a verzi skwi ambalai a ta gedas ta.

Jonas 2:8

Aman a mbeɗamay ndav, i hur Ndo nzi pèc pècèk, a ntsi ri ga a ntsenaha ka, te gi ngaya nkezlaʼa.

Jonas 2:9

Tenga man ta gshè va a skwi mbèh skwi ambalai, ta jèkeda sam ta nlèaʼa.

Habakuk 2:18

Skwi man ndo a pètèʼa, a takaha te mè? Skwi man ndo a viɗèʼa, skwi mbèh skwi ncèkèlma, a vri man a gèɗè azɓai; ndo ngau a pi ndav a vna, kè!

Actes 14:15

Kinè ndohai, kin gi mè? Nga ba, nga ndohi lèmèlèmè ara kinè, a nga njè kinè ma mbelaʼa, aman kin ngwèdè ndav, a kin menkada deɓa te mʼmbèh skwi ambalai a sam Zhiklè a nshèffè, nengaʼa man a gu giɗfèk a herkeda, a iyam mbiaʼa a skwi tèlèba te pa.

1 Corinthians 8:4

A géɗ nʼndi zluèɗ mbèh skwai nga suna, mʼmbèh skwai, skwi ambalai tʼherkeda. Zhiklè ngiɗè azɓai, na staɗgenè.

Deutéronome 11:16

Va-gu maya, ndav kinè da pe kinè a wi ɓai, a kin jèkeda Ndo nzi pèc pècèk a kin dzodzor zhiklèhi ngidè tsaɗ ɓai, a kin tsu ri a tengaʼa ɓai!

Deutéronome 30:17

Aman ka ngwoda ndav ngaya, a ka gi mèdègèɗ, a ta pe ka a wai a ka kèlèhi a deɓ sak zhiklèhi ngiɗè, a ka tsi ri a tengaʼa,

Deutéronome 32:21

A ta pokoy gèɗ ndav auda a srak a skwi man Zhiklè ka ɓai. Ta pokoy gèɗ ndav auda a skwi mʼmbèh skwi tengaʼa man ambalai. Iyè i da poko ta gèɗ ndav auda a srak a ndohi ambaɓihiaʼa. I poko ta gèɗ ndav auda a ndohi nrzlaʼa.