I Samuel 10:5 - Ma Zhiklè

⁵ Te deɓaʼa ka da ndikè a sam Guibéa Zhiklè, a sam gi slaslam bi ndohi Philistie. Aman a pa ka de a kokwar, kin da zli gèɗ a ndohi nhadka ma mɓicaʼa, man ta shkèhai te za. Ta tsi ganzavar, ta tsi ganga, ta vèdè shingelèk, a ta tsi tèzlèzlèu a ma tengaʼa, a ta hodko ma.

I Samuel 10:5 ပူးပေါင်းရင်းမြစ်များ

I Rois 18:29

A géɗ pats nkalda ma, a ndzakaɓama ta gèɗ, ha dakwaɗ, tiɗè sam mvi skwi a Zhiklè. Aman cèɓèk cèɓèk, a ntsena ma ta ɓai, a mʼmbeɗa ta a ma ɓai.

II Rois 2:15

Golahi ndohi nhadka ma te Jé-richo, man ta zlatsa te wud woyam, ta rkaʼa ta goɗ a va ta: Mèzhèɓ Elie a zhè a géɗ Elisée. A ta shkè, aman ta zli gèɗ a vna, a ta gurɓahai a sam na.

II Rois 2:3

Golahi ndohi nhadka ma te Béthel ta shkè a sam Elisée, a ta gada na: A patsna Ndo nzi pèc pècèk a da cèma ka babgi ngaya, ka sun dè? A nengaʼa a ngaɗa ta: I ba i suna. Va-nze kinè tètè genè!

II Rois 2:5

Golahi ndohi nhadka ma te Jéricho ta shkè a sam Elisée a ta gada na: A patsna Ndo nzi pèc pècèk a da cèma ka babgi ngaya, ka sun dè? A nengaʼa a gada: I ba i suna: Va-nze kinè tètè genè!

II Rois 2:7

Golahi ndohi nhadka ma 50 to do a verzi tengaʼa, a ta zlatsa zuraʼa a ma tengaʼa, dra kètè. Elie a Elisée to do a ma woyam Jourdain.

II Rois 3:15

Aman va-bahkay ndo dimèsh. Aman ndo dimèsh a mirɗè ganzavar, ri Ndo nzi pèc pècèk a mshkè a gèɗ Elisée.

II Rois 4:38

Elisée a mʼmen na a deɓa a kokwar Guilgal, te va man mi a gi a kokwar. Aman golahi ndohi nhadka ma ta nza a sam na, a ngaɗa na ndo mizlinè nengaʼa: Ngeda shiɗèf mbiaʼa a vogwa, a ka ta ta skwi a golahi ndohi nhadka ma!

II Rois 6:1

Pats ngiɗè, golahi ndohi nhadka ma ta gada na Elisée: Sam man nga nzi a pa a haha, a slra nga ɓai.

I Chroniques 11:16

David a géɗ za, a ndohi mɓer kokwar Philistie ta te kokwar Bethléhem.

I Chroniques 13:8

David a ndohi Israel tèlèba ta gècè a vata a sam Zhiklè, ta sli dimèsh, a ta tsi ganzavar, a tèzlèzlèu, a ganga, a dakocèr a tolom.

I Chroniques 16:42

Héman a Jeduthun ta ngots tolom, a dasal man a slhè, a skwi dimèsh Zhiklè. A wudahi Jeduthun ta zlatsa a ntamagai.

I Chroniques 16:5

Asaph, tsuvomaʼa, Zacharie ndzadzarda, te deɓaʼa Jeiel, Shemiramoth, Jehiel, Matthithia, Eliab, Benaja, Obed-Edom a Jeiel, a skwi dimèsh tengaʼa, ganzavar a tèzlèlèu. Asaph a gècèdè dasal.

Psaumes 49:4

Ma ga da goɗ ma maya, ndav ga da hur skwi man verzi a zhè.

Psaumes 92:3

a nga njè pombi ngaya a prèk, a nlèbèslè ngaya a vaɗ,

1 Corinthians 14:1

Va-woy mwoy-ndo a ndav! Aman va-woy skwi nte Mèzhèɓ Zhiklè ba, aman kin slaha a kin hèdè ma.

I Samuel 10:10

Aman ta ndikè a Guibéa, tsam-tsam ndohi nhadka ma kumba ta zlü gèɗ a vna, a Mèzhèɓ Zhiklè a mshkè a gèɗ nengaʼa. A Saul a nhodko ma a sam tengaʼa.

I Samuel 10:4

Ta da ga ka mbalai, ta da va ka movar cèw. Hul te ri tengaʼa!

I Samuel 13:2

a mpar ta ndohi 3.000 te ndev ndohi Israel: 2.000 ta humda va a nda Saul te Micmash, a za Béthel. 1.000 ta humda va a nda Jonathan te Guibéa, te Benjamin. Njèkèɗi ndohai a mpre ta staɗ staɗ a kokwar na.

I Samuel 13:3

Jonathan a nkeɗa bigol ndohi Philistie man a nza te Guéba. A ndohi Philistie ta tsena ara man ndohi ta gaɗa: Ndohi Hébreu ta jèkeda Saul. Aman Saul a ntsu tolom te kokwar tèlèba. Ndohi Israel tèlèba ta tsena ma haha:

I Samuel 19:20

A Saul a nzlinde ta golahi nengaʼa, aman ta cko David. Aman ta rka mɓicè ndohi nhadka ma man ta hodko ma, a Samuel a ma tengaʼa, Mèzhèɓ Zhiklè a mshkè a gèɗ golahi Saul, a tengaʼa ba ta hodko ma.

I Samuel 9:12

Ta mbeɗa ta a ma: Halau, na zhè a ma kinè. A mshkè a kokwar haha antanta; a patsna ndohi ta gi ngolala mvi skwi a Zhiklè a gèɗ za.