I Samuel 10:1 - Ma Zhiklè

¹ Samuel a nco gatsak mbar, a mbada na a gèɗ a Saul, a nhumbateda a ndav, a ngaɗa: Ndo nzi pèc pècèk, man a faɗa ka mbar a gèɗ, aman a ge ka a bi ndohi Israel nengaʼa. Gu bai a géɗ ndohi Ndo nzi pèc pècèk, a ka mbel ta te ri mayamhi tengaʼa man ta tèuda a pa. Na haha skwi man a ngra ka, Ndo nzi pèc pècèk a mfaɗa ka mbar a gèɗ, aman a ge ka a bi a géɗ skwi na:

I Samuel 10:1 ပူးပေါင်းရင်းမြစ်များ

II Samuel 1:14

David a ngaɗa na: Mè! Ka ga zlau ɓai, a ka lama na ndo man Ndo nzi pèc pècèk a bada na mbar a gèɗ, a ka zeda ɗè?

II Samuel 19:39

A ndohi tèlèba ta tawaɗa woyam Jourdain, aman bai a nzlatsa a pa. A bai a nsurɓama na dai a Barsillai, a mpshè na ma. A nengaʼa a mdo a deɓa a kokwar na.

II Samuel 20:19

Skwi man ndohi Israel nlèɓèslèa ta goɗa, ta gi antanta azɓi dè? Ka woy a ka gedassa kokwar man ta cüzlko va te pa dè? Ka gedassa nʼndi gi bi èhèmè?

II Samuel 5:2

Te va nasa ba, aman Saul bi nga dai, ka, ka nde ta ndohi Israel a var, a ka shkè ngwai a nda ta. Ndo nzi pèc pècèk a ngaɗa ka: War ndohi Israel ga, gu bi a géɗ Israel!

I Rois 1:34

Te pa, Sadok, ndo mvi skwi a Zhiklè, a Nathan, ndo nhadka ma, da bada na mbar a gèɗ, a ta gi a bai Israel. Te deɓaʼa va-tsu tolom a kin boho: Salomon, bai, nshèffè nengaʼa do do a ma ma!

I Rois 19:18

Aman i da jèkeda ndohi Israel 7.000, ta tèlèba man ta gurɓahi ɓai a sam Baal, a ta tsu ri a nengaʼa ɓai.

II Rois 20:5

Do a deɓa a ka gada na Ezéchias; bi ndohi ga: Ndo nzi pèc pècèk, Zhiklè David, bab ngaya, a goɗa ar haha: I tsena ntsi ri ngaya, a i rka kuɗa a di ngaya. I woy a i mbel ka te matakwan ngaya. Te deɓ mʼmèn makar ka dè a gi Zhiklè.

II Rois 9:1

Elisée, ndo nhadka ma a mbaha na gol ndohi nhadka ma staɗ, a ngaɗa na: Dzawa va ngaya, co gatsak mbar haha, a ko do Ramoth te Galaad.

II Rois 9:12

Aman ta gada: Ma nzli ma! Séi ka ngra nga skwiaʼa! A ngaɗa: Nengaʼa a ngadayè kata kata, a gada: Ndo nzi pèc pècèk a goɗ ar haha: I bada ka mbar a gèɗ, a i ge ka a bi a géɗ Israel.

Psaumes 135:4

Ndo nzi pèc pècèk a nʼngotsko Jacob auda, a nʼngotsko Israel auda a skwi na.

Psaumes 2:12

a nengaʼa a da gi ndav azɓai; a civèɗ kinè a zede kinè azɓai. Aman ndav nengaʼa a slèmbèɗè tsam-tsam. Mwuffe a sam ndohi tèlèba man ta pi ndav ta a nengaʼa.

Psaumes 78:71

a nckoɗa a sam mam tambakihai, aman a wèr ndohi Jacob, ndohi na, a Israel, ndohi nʼndi gi na.

Exode 30:23

Co mbar burdi, porko mbelmbelaʼa, aman a zhkè: myrrhe ka livè 500 sicles, man a hi a ri na: cinnamone 250 sicles; roseau man a zhkè, 250 sicles;

Jérémie 10:16

Jacob a nʼngatsa aranta ɓai. Skwi man a nʼngotso, Zhiklè, man a ngau gedam tèlèba. Israel ndohi nʼndi gi na. Nzlembaɗ na Zhiklè bi mbiaʼa.

Ezéchiel 16:13

Ka jèzlè va ngaya a guro a verzhègenè, maslaka ngaya maslaka ntsentsi mbelaʼa, bata maslaka, maslaka matsalai. Ka ndu gufa nkerɗa dérnènènèʼa, vongwom a mbar. Ka mbikaɓai, ka ga a bai.

Osée 13:2

a ta bazl ta. Antanta ta gi mali holholaʼa, ta gi zlèhi mʼmbèh skwai a verzhègenè, a ta viɗè mèzhèɓ skwi ta. Tèlèba ngwozlazlihi a ngau. Ta gaɗa: Na haha Zhiklè! Tengaʼa ndohai man ta zli skwai, ta kalahi a deɓ sak zlè.

Actes 13:21

Te deɓ nasa ta dzhoɗo bai; a Zhiklè a mva ta Saul, kra Kis, ndo te verzi Benjamin. A nengaʼa a ngu bai mvi kulkul faɗ.

Deutéronome 32:9

te man ndohi nengaʼa ta ga a skwi Ndo nzi pèc pècèk; Jacob skwi nʼndi gi na.

1 Thessalonians 5:26

Va-ga ta mbalai a kramamhi tèlèba a nkèlèw ri a daʼai ndohi Zhiklè.

Hébreux 2:10

Zhiklè, a géɗ nengaʼa skwi tèlèbá a zhè, a skwi tèlèba a zhè te nengaʼa, a nʼnga Yèsu a ndo ncè ma ndohai a sam mʼmbel ndo, jèlèlèʼa te matakwan, aman a de ta wudahi kumba a sam nʼnjèlè.

Apocalypse 5:8

Ncè ɗèlèwèr na, skwihi faɗ a nshèffè, a ndohi nhalaʼa 24, ta kalahi a deɓ sak kra tambak. Tèlèba te ndev ta ta ngots ganzavar a kokwi guro, nʼndha a burdi. Nasa ntsi ri ndohi Zhiklè.

I Samuel 12:3

Anai i zhè! Va-gu malwudai a géɗ ga, a sam Ndo nzi pèc pècèk, a sam ndo man nengaʼa a mbada na mbar a gèɗ: Zlè ngè, kɗèh ngè, man i co? Ndo wa man i ga na matakwan, man i ga na wuɗai? Ndo wa nruɓyè, a i ga na kita a di staɗ? I da pela kinè a deɓa!

I Samuel 13:14

Aman arsa kokwar bi ngaya a nzi azɓai. Ndo nzi pèc pècèk a nʼngots ndo ngiɗè ara man ndav nengaʼa a woyaʼa, a fedahi a bi ndohi na, a géɗ man ka co ma Ndo nzi pèc pècèk ɓai.

I Samuel 15:1

Samuel a ngaɗa na Saul: Te va nasa Ndo nzi pèc pècèk a nzlindekayè, a i ge ka a bi ndohi Israel nengaʼa. Gar haha sèi ka tsena ma Ndo nzi pèc pècèk.

I Samuel 15:17

Samuel a ngaɗa na Saul: Ko ka hur a ka gaɗa i ndo mbia ka ɓai, ta fe ka a bi ndohi verzi Israel ka ɓi dè? Ndo nzi pèc pècèk a nʼnge ka a bi Israel, a mfaɗa ka mbar a gèɗ.

I Samuel 16:1

Ndo nzi pèc pècèk a ngaɗa na Samuel: Ka lèyè Saul tè ngèmè? I kwola ma, i goɗ da gau bi Israel asaɓi ma. Ndheda mbar a gatsak, do, i woy a i zlinde ka a sam Isai, ndo Bethléhem. I ngots te va wudahi nengaʼa staɗ a bai.

I Samuel 16:13

A Samuel a nco gatsak a mbar, a mbada na a gèɗ, te ndev kramamhi nengaʼa, a Mèzhèɓ Ndo nzi pèc pècèk a nshkè a gèɗ David, a hinè te pats sa, a nʼnza a géɗ nengaʼa. A Samuel a nslambaɗa, a ndo Rama.

I Samuel 2:10

Mayamhi Ndo nzi pèc pècèk ta bèzl ta. Zhiklè a gèɗ skwi télè te zhiklè te géɗèʼa a henzasl ta, Ndo nzi pèc pècèk a gi kita herkeda tèlèba. Da va na wuɗi a bi na, da slambaɗda na gèɗ, do slubordo ndo nengaʼa man a mbada na mbar a gèɗ.

I Samuel 24:6

Aman te deɓaʼa ndav David a mbedè, a géɗ man a ngulo ma dawar maslaka Saul.

I Samuel 26:11

Zhiklè da ɓür ri ga, aman i kéɗè ndo man Zhiklè a mbada na mbar a gèɗ azɓai. Gar haha co tsakwal a sam nfi gèɗ nengaʼa, a gogula iyam. Ngo-do nga!

I Samuel 26:9

David a ngaɗa na Abishai: Ka keɗa ɓai! Nslaha a nkeɗa ndo man Ndo nzi pèc pècèk a mbada na mbar a gèɗ, wa, man a ngècè kita te deɓaʼa azɓai.

I Samuel 8:19

Aman ndohi ta cinè ma Samuel azɓai, a ta gaɗa: Aʼai! Nga woya bi nga!

I Samuel 8:9

Gar haha gau ara ma tengaʼa. Aman ngatsa ta maya a hai, a ka ngra ta skwi man bi a woyaʼa, nengaʼa man a da gi bi tengaʼa.

I Samuel 9:16

Angoslèm, aranta, i da zlinda ndo ngiɗè te kokwar Benjamin a sam ngaya. Ka da faɗa na mbar a gèɗ, a gi bai a géɗ ndohi Israel. Nengaʼa a da mbel ta ndohi ga te ri ndohi Philistie. I rka nlèyè matakwan ndohi ga, a i tsena kuɗ tengaʼa. Samuel a mʼmana staɗ, ga Saul a mshkè.

I Samuel 9:27

Aman ta shkè a ma kokwar, Samuel a ngaɗa na Saul: Gaɗa na ndo ntakaha ka, do do a ma. Ka, ka zlècè a haha, a i ngra ka skwi man Zhiklè a goɗo.