I Rois 9:4 - Ma Zhiklè

⁴ Aman ka, man ka da dzadzarkayè ara David, bab ngaya, a ndav nlèɓèslèa a nzuraʼa, a ka gi skwi tèlèba ara man i njè ka a gèɗ, a ka jèjèr ma nkwèr ga a ma man i de kinè a vna,

I Rois 9:4 ပူးပေါင်းရင်းမြစ်များ

Genèse 17:1

Aman mvi Abram 99, Ndo nzi pèc pècèk a ngudoko na va a dai, a ngaɗa na: I Zhiklè Bi wuɗai. Gso civèɗ ga, a ka nza zuraʼa,

Genèse 20:5

Nengaʼa a ngaɗayè a ri na ka bi dè – nengaʼa demam ga! Ngwoz ba a ngaɗa: kramam ga. Skwi man i gau, i hur ara mali ka bai, ri ga nlizh ɓai.

II Samuel 22:22

I dzodzor civèɗ Ndo nzi pèc pècèk, i jèkeɗa ma nkwèr nengaʼa ɓai.

I Rois 11:38

Aman ka da fi géɗ a skwi tèlèba man i ngreda ka, aman ka dè a civèɗ ga, a ka gi skwi zuraʼa a sam di ga, a ka jèjèr ma nkwèr ga a ma kita ga, ara man David, ɓèl ga, a gau, i da zhè a nda ka, i da tila ka gi ngaya gedeng-gedengaʼa, a verzi ngaya a dè a ma ma, ara man i tila na David, a i da va ka Israel.

I Rois 11:4

Aman Salomon nhala ma, ngwozi ta zlakeda a civèɗ na, a ta gedessama na ndav aussa, a njèjèr zhiklè ngiɗè, a hér Ndo nzi pèc pècèk staɗ genè ka ɓai, ara man David, bab na, a gau.

I Rois 11:6

Salomon a nʼnga skwi man ambaha Ndo nzi pèc pècèk ɓai, a ndzodzor Ndo nzi pèc pècèk tèlè ɓai, ara man David, bab nengaʼa a gau.

I Rois 14:8

i ngezlama na bi auda te ri bi David, a i vaka ka. Aman ka nzuraʼa ara David, ɓèl ga, ka ɓai, man a fu gèɗ a ma nkwèr ga tèlèba, a dzadzarkayè a ndav tèlèba, man a ngu sèi skwi man ambahayè.

I Rois 15:5

te man David a ngau skwi man ambaha Ndo nzi pèc pècèk, te nshèffè nengaʼa tèlèba ndzara ma bai, a mfu gèɗ a ma nengaʼa tèlèba, sèi a sam Urie, ndo Heth, man a ngu malai.

I Rois 3:14

Aman ka da dè a civèɗ ga, a ka jèjèr ma nkwèr ga a ma kita ga, lèmèlèmè ara David, bab ngaya, i da va ka nshèffè man a nzi dai.

I Rois 3:3

A Salomon a woy Ndo nzi pèc pècèk a ndav na, a ndzodzora ara ma nkwèr David, bab na. Aman skwi man a zla na Zhiklè, a ɓurdi man a ndara na a Zhiklè, a da a géɗ za.

I Rois 3:6

A Salomon a ngaɗa: Ka gu skwi man amba a vata a sam ɓèl ngaya, David, bab ga, te man a ndzadzar ka a vava, te ngi zuraʼa, a ndav nzuraʼa, a ka va na pombai, a ka va na kra nguraʼa man a nzi a géɗ sam nʼnzi bi nengaʼa a patsna.

I Rois 6:12

A géɗ gi man ka düzlo haha: Aman ka jèjèr ma nkwèr ga, a ka gi ara ma man i de kinè a vna, a ka fi gèɗ a ma kita ga, a kajèjèrèʼa, i da gi ara man i pasla na ri a David, bab ngaya.

I Rois 8:25

Ani haha, Ndo nzi pèc pècèk, Zhiklè Israel, gau ara man ka pasla na ri a hi a David, ɓèl ngaya, bab ga, man ka gaɗa: Aman wudahi ngaya ta gi maya a civèɗ ga, a ta fi gèɗ a ma ga, lèmèlèmè ara man ka gu a sam ga, ndohi te verzi ngaya ta shkè auda a géɗ sam nʼnzi bi Israel asaɓai.

II Rois 20:3

Na haha Ndo nzi pèc pècèk, heryè, i do a civèɗ ngaya a nlèɓèslè, a ndav tèlèba, a i gau skwi man ambaha ka te di ngaya. Ezéchias a nkuɗau ngezler-ngezleraʼa.

II Chroniques 17:4

a woy Zhiklè bab na, a ndzodzor ma nkwèr nengaʼa. Nengaʼa a nga lèmèlèmè ara Israel ɓai.

Psaumes 101:2

I woy a i slebi ndè a civèɗ njèlèlèʼa. Ka shkè a sam ga a ngèmè? I da nzi a ndav jèlalaʼa tʼhwaɗ gi ga.

Psaumes 128:1

Dimèsh ndè a gi Zhiklè. Mwuffè a sam ndo wawa man a gi zlau Ndo nzi pèc pècèk, a ndè a civèɗ nengaʼa.

Psaumes 15:2

Nengaʼa man a gi mali azɓai, a gi skwi nzuraʼa, a gèɗè ma nzuraʼa a ndav tèlèba.

Psaumes 26:1

Man a David. Ndo nzi pèc pècèk, bazlay kita ga, te man i gi mali azɓai, i pi ndav a Ndo nzi pèc pècèk, i jèkè azɓai.

Psaumes 26:11

Aman iyè, i nzi amba, i gi mali azɓai. Ndo nzi pèc pècèk, pryè auda, vay pombai!

Psaumes 78:72

A nengaʼa a nwar ta a ndav nlèɓèsièa, a lè ta a maya nzuraʼa.

Proverbes 10:9

Ndo man a gi mali azɓai, a dè zuraʼa; ndo man a dzara civèɗ na, ta gshè a géɗèʼa.

Proverbes 20:7

Ndo nzuraʼa a gi mali a civèɗ na azɓai. Mwuffè a sam wudahi nte verzi na!

Proverbes 28:18

Ndo man a gi mali azɓai, Zhiklè a takaha. Ndo man a beza zlawa, a kèlèhai.

Ezéchiel 18:9

a jèjèr ma nkwèr a ma kita ga, a lèɓèslè te pa, nengaʼa a vava ndo nzuraʼa, a da nzi a nshèffè, Bi Zhiklè a gaɗa.

Zacharie 3:7

Zhiklè bi mbiaʼa a gaɗa: Aman ka woy a ka dè a civèɗ ga, a ka da gi skwi tèlèba man i gaɗa ka, ka da kwèr gi ga a ka gi kita ndohi ga, a i ge ka a ndo nshèlèkuraʼa te va ndohi haha.

Luke 1:6

Ta cèw ba, ta ndohi nzuraʼa a sam di Zhiklè, a ta dzodzor ma nkwèr Bi Zhiklè a ma kita nengaʼa, ta tawaɗaha ɓai, ko staɗ.

Deutéronome 28:1

Aman ka da tsena daʼai Ndo nzi pèc pècèk, Zhiklè ngaya, a ka da jèjèr ma nkwèr nengaʼa tèlèba, man i njè ka a patsna, Ndo nzi pèc pècèk, Zhi-klè ngaya, a da ga ka a tsuvomaʼa, a fena ndohi herkeda tèlèba.