I Rois 8:9 - Ma Zhiklè

⁹ Skwi ngiɗè a te koti ɓai, sèi kwa cèw man Moise a mpeda pa a der za Horeb, kwa nderzlè-ma man Ndo nzi pèc pècèk a nderzla a nda ndohi Israel, man ta shkè auda te kokwar Egypte.

I Rois 8:9 ပူးပေါင်းရင်းမြစ်များ

I Rois 8:21

a i tila na sam a koti nderzlè-ma man Ndo nzi pèc pècèk a nderzla a nda babhi nga a pats man a helka ta auda te kokwar Egypte.

II Chroniques 5:10

Skwi ngiɗè a te koti ɓai, sèi kwahi cèw man Moise a mpeda pa a der za Horeb, kwa nderzlè-ma man Ndo nzi pèc pècèk a nʼnderzla a nda ndohi Israel, man ta shkè auda te kokwar Egypte.

II Chroniques 5:9

Gada ngurèʼa, ma gaɗa a rkè a sam nkezlaʼa, a ma sam nkezli-nkezlaʼa. Aman tʼuda, ta rka ɓai. Ta zhè te pa ha patsna.

Exode 13:21

A Ndo nzi pèc pècèk a mdo a ma tengaʼa. A pats te va vani njèraʼa, a ngreda ta civèɗ; a vad te va nèʼèn vogwa, a nhela ta sam, a ta slaha ta dè a pats a vad.

Exode 14:24

A prèk Ndo nzi pèc pècèk a mpaka di a hi a géɗ ndohi Egypte, te va vani njèraʼa, a mpa ta zlau a géɗ a ndohi Egypte tèlèba,

Exode 16:10

Aman Aaron a ngaɗa ta nhèyè ndohi Israel tèlèba ar haha, ta ngwoda gèɗ ta a deɓa a ndev hèshèkèɗ, a ta rka nʼnjèl Ndo nzi pèc pècèk a ngudoko ta va a dai te va vanai.

Exode 16:33

Moise a ngaɗa na Aaron: Co shidèf, peda manne agoda staɗ a pa, fedahi a sam di Ndo nzi pèc pècèk, da nza, a ndohi man ta shkè te verzi kinè, ta da ngotso.

Exode 25:16

Ma kita man i va ka, ka ngheda a kotai.

Exode 25:21

A ka pi skwi mpizl koti a géɗ kotai; a ma kita man i da va ka, a hwaɗ kotai.

Exode 40:20

Te deɓaʼa a nco ma kita, a mpeda a hwaɗ kotai, a ntarda gada a kotai, a mpizlè kotai, a skwi mpizlè maʼa.

Ezéchiel 10:4

A nʼnjèl Ndo nzi pèc pècèk a mshkè auda a géɗ chérubimhai, a ndo a géɗ ntamagi gi Zhiklè, a gi Zhiklè nʼndha a vanai; aman gala nʼndha a nʼnjèl Ndo nzi pèc pècèk man a si dai.

Lèv. 16:2

Gada na Aaron, kramam ngaya, do do a sam nkezlaʼa a deb maslaka, a sam skwi mpizlè ma koti pèc pècèk bai. Man bai a da metsi na, aman i da zhè a gèɗ skwi mpizlè ma koti.

Nombres 17:10

Te debaʼa Ndo nzi pèc pècèk a ngaɗa na Moise: Gaɗa Aaron feda a deɓa a sam ma kita, da nza a pa a skwi malwuɗi a sam ndohi man ta tsena gèɗ bai, a ka ndeva ndzoan tengaʼa aranta a sam ga, a ta bèzlè azbai.

Nombres 9:15

A pats man ta gau gi Zhiklè, vanai a mpizleda gi a pa, man ma kita te pa. A vaɗ vani a nʼnde na nduzoa ara vogwa, ha sam ncidè.

Deutéronome 31:26

Vo-co ɗèlèwèr ma kita haha, va-feda a koti nderzlè-ma Ndo nzi pèc pècèk, Zhiklè kinè, a nzi te pa, a gi malwuɗi a sam ngaya.

Deutéronome 4:13

A ngreda kinè nderzlè-ma nengaʼa, a njè kinè aman kin jèjèrèʼa, ma kula sa, a mwindeda deɓ kwa cèw.

Hébreux 9:4

Te pa sam nʼndèr burdi man ta gu a guro, a koti nderzlè-ma mbèʼa a guro, a shiɗèf guro man manna te pa, a gada Aaron man a tsu vah, a kwa nkelwoɗaʼa a nderzlè-ma a pa.

Apocalypse 15:8

A gi Zhiklè nʼndha a vodzok nʼnjèl Zhiklè a wuɗi na, ndo a slaha a ndè a gi Zhiklè azɓai, ha ta ndeva mizlinè matakwan golahi tsaraɗ.