I Rois 8:2 - Ma Zhiklè

² A ndohi Israel tèlèba ta ɓica va a sam Salomon, a ki Etanim, ki matsaraɗaʼa, a ta gi ngolala.

I Rois 8:2 ပူးပေါင်းရင်းမြစ်များ

I Rois 12:32

A Jéroboam a mfu ngolala a ki matsamakaɗaʼa, mʼmèn 15 a kia, lèmèlèmè ara ngolala man ta gu te Juda. A ngau ngolala arsa te Bethel, a nzla na skwi a marihi guro man a vüdo, a ngaɗa ta ndohi mvi skwi a zhiklèhi nengaʼa, aman ta gi mizlinè tengaʼa a sam mʼmbèh skwi man a ngau te Bethel.

I Rois 8:65

Aranta Salomon a ngau ngolala, a ndohi Israel tèlèba. Ndo nhayaʼa kumba, a hinè te Hamath, ha ndè a ma woyam Egypte, a sam di Ndo nzi pèc pècèk, Zhiklè nga, mʼmèn tsaraɗ.

II Chroniques 5:3

Ndohi Israel tèlèba ta ɓica va a sam bai, a ki matsaraɗaʼa, a ta gi ngolala.

Esdras 3:4

A ta gu ngolala te godzovok, ara man a mwinda; ta ndara na skwi a Zhiklè pèc pècèk, ara man a mwinda te ɗèlèwèr Zhiklè, a gèɗ pats, staɗ staɗ, ngam ngam ba.

Lèv. 23:34

Gada ta ndohi Israel: Ki tsaraɗ, mʼmèn 15, ngolala te godzovok, mʼmèn tsaraɗ, a sam Ndo nzi pèc pècèk.

Jean 7:2

Ndul ndul ar ngolala ndohi Juif, ngolala man ta gia te godzovok.

Jean 7:37

A pats ndiv ngolala nʼnɗuzoʼa, Yèsu a nzlatsa, a mboho, a ngaɗa: Ko wawa man iyam a dza na, da shke a sam ga, a nsiaʼa!

Deutéronome 16:13

Ka da gi ngolala te godzovok, mʼmèn tsaraɗ, aman ka biceda skwi a hedak ngaya ma, a klok ngaya ma.