I Rois 8:16 - Ma Zhiklè

¹⁶ Daga man i helka ta ndohi Israel, ndohi ga, auda te kokwar Egypte, i dzhada man ta ramay gi te kokwar ngiɗè a sam verzi ndohi ngiɗè ɓai, a ngi a gi a nzlembaɗ ga. A i ngotsko Jérusalem auda, a nzlembaɗ ga a da nzi te pa. A i ngotsko David auda, a da gi bi a géɗ Israel, ndohi ga.

I Rois 8:16 ပူးပေါင်းရင်းမြစ်များ

I Rois 11:36

A kra na i da va na verzi ndohi staɗgenè, a skwi nhél sam David, ɓèl ga, a zhè a sam di ga te Jérusalem pèc pècèk, te kokwar man i ngotskoɗauda, a nzlembaɗ ga da nza a pa.

I Rois 8:29

Ka cèma na di a gi haha ɓai, ko a pats ba, ko a vaɗ ba, a géɗ sam man ka goɗ te nengaʼa: Nzlembaɗ ga da nza a pa! A ka tsena ntsi ri man ɓèl ngaya a tsi ri a sam na haha.

II Rois 23:27

Ndo nzi pèc pècèk a gada: Ko Juda ba, i da dzama na auda dra a sam di ga, lèmèlèmè ara man i dzama Israel. A i kwola kokwar haha, Jérusalem, man i ngotskoɗauda, a gi ba, te nengaʼa man i gada: nzlembaɗ ga a da nzi a pa, i da kwolaʼa.

I Chroniques 17:3

A vaɗ sa, Zhiklè a ngaɗa na Nathan:

I Chroniques 28:4

Ndo nzi pèc pècèk, Zhiklè Israel, a nʼngatskay auda te va gwoli ga, aman i gi bi a géɗ Israel a mèdèp, te man a nʼngotsko Juda auda a tsuvomaʼa. Te va ndohi Juda a nʼngotsko gi bab ga auda. Teva kramamhi ga, iyè man i ambaha, aman a ngyè a bi Israel.

Néhémie 1:9

Aman kin da menkada deɓa a sam ga, a kin jèjèr ma nkwèr ga zuraʼa, ko kin venda gèɗ a verzi herkeda, i da ɓicka kinè a deɓa, a i de kinè a sam man i ngotskoɗauda, a nzlembaɗ ga da nza a pa.

Psaumes 132:13

Ndo nzi pèc pècèk a nʼngotsko Sion auda, a woyaʼa a sam gi bi nengaʼa.

Psaumes 78:70

A nʼngotsko David, ɓèl nengaʼa, auda, a mbaha na a sam rèwè skwai,

Psaumes 89:3

I gaɗa: Pombi nʼngaʼa te zhiklè a mèdèp, nlèɓèslè te verziaʼa.

Jérémie 7:12

Vo-do a sam ga nkezlaʼa te Silo, man i nza a pa halaʼa, a kin rka skwi man i gu a pa a géɗ mali Israel, ndohi ga.

Deutéronome 12:11

te deɓaʼa va-hulko skwi tèlèba man ijhèɗè a sam kinè, a sam man Ndo nzi pèc pècèk, Zhiklè kinè, a ngotskoɗauda, aman nzlembaɗ na a nzi a pa: skwi man kin ndarayè, a kin zlayè; skwi 1 te va 10; skwi man kin co auda; skwi kinè mparaʼa tèlèba man kin gaɗa na hi a Ndo nzi pèc pècèk;

Deutéronome 12:5

Sèi kin dè a sam man Ndo nzi pèc pècèk, Zhiklè kinè, a ngotsko dʼauda a ndohi te verzi kinè, aman nzlembaɗ nengaʼa da nza a pa. Sèi kin dè a pa!

I Samuel 16:1

Ndo nzi pèc pècèk a ngaɗa na Samuel: Ka lèyè Saul tè ngèmè? I kwola ma, i goɗ da gau bi Israel asaɓi ma. Ndheda mbar a gatsak, do, i woy a i zlinde ka a sam Isai, ndo Bethléhem. I ngots te va wudahi nengaʼa staɗ a bai.