I Rois 7:29 - Ma Zhiklè

²⁹ A va züdo man ta manda na a deɓa, te ndev züdo tʼhai, marizhèlèhai, zlèhai achérubimhai ta zhè. A sam züdo tʼhai lèmèlèmè arsa. Nte géɗèʼa ba, nte godok ba. Skwi man ta tseda pa a zhè.

I Rois 7:29 ပူးပေါင်းရင်းမြစ်များ

Genèse 3:24

A ndzomko ndo auda, a nzlatseda chérubim a ma gi lak, a kafahi gwèsh te rai, man vogwa te pa, a ta ɓer civèɗ man a dè a sam wof nshèffè.

I Rois 6:27

A nzlatseda chérubim staɗ a hwaɗaʼa, a gi te ndevaʼa, a chérubimhai ta wuzhè kelpasl ta. Kelpasl chérubim staɗ a lama na dergi ngiɗè, kelpasl chérubim ngiɗè a lama na dergi ngiɗè, te ndev gai, kelpasl cèw ta derzla va.

I Rois 7:25

Sak skwi mpèn va nara zlèhi 12. Makar ta pu di a civèɗ man a géɗèʼa, makar a civèɗ nkèl pats, makar a dukwaɗ, makar a civèɗ mvèng pats. Skwi mpèn va a deɓ tengaʼa. Zlèhi ta derzla verzai.

I Rois 7:28

Ta gu aranta: Ta peda züdo ngiɗè a hai, a ta manda na ngiɗè a deɓa.

I Rois 7:30

Kreblom staɗ staɗ tèlèba a sak züdo fad, skwi nderzla sak a züdo, a skwi ngshè sak fad mwosla na va tʼhwadaʼa a sam tassa züdo.

Exode 25:18

A ka gi chérubimhi cèw a guro – ka viɗ ta – staɗ te tsagi nguzlohaʼa cèw, a skwi mpizl kotai.

Exode 37:7

A ngau chérubimhi cèw a guro, a mviɗèʼa, a mpe ta a pa a ma cèw a skwi mpizl kotai.

Ezéchiel 1:10

Di tengaʼa faɗ tèlèba: di man a ma, di ndo; te civèd ri mandai, di marizhèlè; te civèɗ ri gula, di marai; te civèɗ ngiɗè, di vezai.

Ezéchiel 10:14

Staɗ staɗ tèlèba a medi faɗ. Nshèlèkuraʼa di chérubim, macecèwaʼa di ndo, mamakaraʼa di marizhèlè, mafadaʼa di vezai.

Osée 5:14

Iyè a sam Ephraim ara kokoya, a sam ndohi gi Juda ara marizhèlè. Iyè i cizleda pa a i dè ga. I ceda skwi a ma, a mbélè auda te ri ga azɓai.

Hébreux 9:5

A géɗèʼa, chérubimhai nʼnjèl Zhiklè, man ta pizleda sam mpil gèɗ a pa. A géɗ tengaʼa nga gèɗè ma ngiɗè a vaʼa azɓai antanta.

1 Peter 2:5

Kinè ara kwahi nshèffè, man ta gi gi Mèzhèɓ Zhiklè a vna, kinè ndohi mvi skwi a Zhiklè nkezlaʼa, man ta zli skwi te Mèzhèɓ a Zhiklè, man te Yèsu Kristi ta ambaha Zhiklè.

Apocalypse 5:5

A ndo nhalaʼa staɗ a ngaɗayè: Ka kuɗ ɓai! Na haha, marizhèlè te verzi Judée, zluzlor David, nʼngaʼa a ngulaʼa, a da winè ɗèlèwèr a skwi mpizlè ntkotsaʼa a pa tsaraɗ.