I Rois 3:9 - Ma Zhiklè

⁹ Anai vay ndav man a hér maya, man a slaha a ngi kita ndohi ngaya, a sun ndèl skwi man amba te va skwi man ambaɓai. Man ɓai, nslaha a ngi kita ndohi ngaya mbiaʼa haha wa?

I Rois 3:9 ပူးပေါင်းရင်းမြစ်များ

II Samuel 14:17

I huro: Ma bai, bi ga, a da menday mèzhèɓ a ndav. Te man bi ga nara gol Zhiklè, a slaha a nwoya skwi man amba te va skwi ambaɓiaʼa. Ndo nzi pèc pècèk, Zhiklè ngaya, da zhè a sam ngaya!

I Rois 10:24

Ndohi tèlèba ta woy a ta rka di Salomon, a ta tsena ma nengaʼa man maya te pa, man Zhiklè a mva na.

I Rois 3:10

Ma haha ambaha Bi Zhiklè, a géɗ man Salomon a ndzhoɗo skwi arsa.

I Rois 3:28

A ndohi Israel tèlèba ta tsena ara man Salomon a bèzlè kita nengaʼa, a ta slébèrdè bai. Ta rkaʼa, maya nengaʼa man a bèzlè kita a zhè, man a shkè te ri Zhiklè.

I Chroniques 22:12

Ndo nzi pèc pècèk da va ka maya nshin skwai, da ge ka a bi Israel, da takaha ka, a ka dzodzor ma kita Ndo nzi pèc pècèk, Zhiklè ngaya.

I Chroniques 29:19

A Salomon, kra ga, va na ndav man a pi gèɗ cèw azɓai, man a jèjèr ma nkwèr ngaya, ma malwuɗi ngaya, ma ngaya man a de nga, a nrufa tèlèba, a rèm gi Zhiklè man i tilda skwi a hi a gèɗ nengaʼa!

II Chroniques 1:10

Anai vay maya, a i sun ncè ta ma ndohi haha. Man ɓai, nslaha a ngi kita ndohi ngaya mbiaʼa haha wa?

Psaumes 119:144

Ma malwuɗi ngaya zuraʼa a mèdèp. Vay maya a i nzi a nshèffè.

Psaumes 119:34

Vay maya a gèɗ, a i ɓir ma kita ngaya, a i jèjèrèʼa a ndav ga tèlèba.

Psaumes 119:73

Ri ngaya a ngiyè, a ntilyè. Vay maya a gèɗ, aman i shindè ma nkwèr ngaya.

Proverbes 14:8

Ndo man a hér maya, maya nengaʼa a ngredè auda te man a gi maya a civèɗ na; aman nrzlè ndohi nrzlaʼa a zlèkèdè ndo.

Proverbes 16:16

Dara nga ngots maya, a gèɗ man nga ngots guro; dara man nga sun skwai, a géɗ man nga ngècè sulai.

Proverbes 20:12

Zlembaɗ man a tsena skwai, dai man a rka skwai, cèw ba Ndo nzi pèc pècèk a ngau.

Ecclésiaste 7:11

Maya amba, lèmèlèmè ara nʼndi gai, a takaha ta ndohi man ta zhè a nshèffè.

Ecclésiaste 7:19

Maya a va na wuɗi a ndo maya, a fena bihi kula te kokwar mbiaʼa.

Jérémie 1:6

I gaɗa: Aʼai, aʼai, Bi Zhiklè Ndo nzi pèc pècèk, i sun ngèɗè ɓai, i wudahi dai!

Jérémie 45:5

A ka, ka jhèdè skwi mbiaʼa a géɗ va ngaya dè? Ka dzhoɗo ɓai! Aman na haha i da gedassa ndohi tèlèba, Ndo nzi pèc pècèk a gaɗa. Aman ka, ka da mbél ngaya a sam tèlèba man ka dè a pa.

Daniel 2:21

Nengaʼa man a veni pats a vaɗ, a sam prèk a sam dakwaɗ, a cko ndo auda te bai, a fi ndo a bai, a va ta maya a ndohi maya a nshin skwai a ndohi man ta sun skwai.

Matthew 3:11

Iyè i ga kinè baptême te iyam, te man kin ngwoda ndav kinè. Aman ndo ngiɗè a di a shkè te deɓ ga, man a fena wuɗi ga, i gi huyokokoʼa, i slaha a i gshè kotokoroh nengaʼa a ri ɓai. Nengaʼa a da ga kinè baptême te Mèzhèɓ Zhiklè nkezlaʼa, a vogwa.

Matthew 3:14

Aman Jean a mʼmende va na a deɓa, a ngaɗa: Sèi ka gay baptême ar kal Anai ka, ka shkè a sam ga ɗè?

Jean 5:30

I slaha a i gi skwi a géɗ ga ɓai; i bèzlè kita, ara man i tsenaʼa. Kita ga nzuraʼa. I woy skwi ara man iyè i woya ka ɓai, aman skwi man nengaʼa man a zlindekayè a woyaʼa.

2 Corinthians 2:16

A sam ndohi haha skwi mʼmetsai a zhkè a mʼmetsai, a sam ndohi ngiɗè skwi nshèffè a zhkè a nshèffè. Nslaha a ngi ar haha wa?

2 Corinthians 3:5

Ara man nga slaha skwi a ri nga ka ɓai, a nga hérè a maya nga ka ɓai. Skwi man nga slaha, nga ngots a sam Bi Zhiklè,

Ephésiens 5:17

Gar haha kin rzla va ɓai, aman va-sun skwi man Bi Zhiklè a woyaʼa.

Philippiens 1:10

aman kin ɗèlè ar haha skwi man amba a skwi man ambaɓai. Te deɓaʼa a pats Kristi kin gaʼa a ndohi nzuraʼa, mali az a sam kinè ɓai;

Hébreux 5:14

Aman ɗaf ta va ta ndohi ngraʼa, man a géɗ mizlinè man ta gia pèc pècèk, ta sun maya, a ta sun nɗèl skwi man amba a skwi man ambaɓai.

Jacques 1:5

Aman maya ndo ngiɗè te ndev kinè a hcè, da tsu ri a Zhiklè, nengaʼa man a woya a va na ko wawa, a ndav amba, a jè-kaha azɓai.

Jacques 3:17

Aman maya te géɗèʼa, nengaʼa nzuraʼa, ma nhènèkèa, ma gumai, ma wuɗi ka ɓai, a cè ma ndo ngiɗè ba, ndo a sia te va kumba, a gi skwi man amba, a pèr ndo mpèrè azɓai, a ngwèdè ndo azɓai.