I Rois 3:6 - Ma Zhiklè

⁶ A Salomon a ngaɗa: Ka gu skwi man amba a vata a sam ɓèl ngaya, David, bab ga, te man a ndzadzar ka a vava, te ngi zuraʼa, a ndav nzuraʼa, a ka va na pombai, a ka va na kra nguraʼa man a nzi a géɗ sam nʼnzi bi nengaʼa a patsna.

I Rois 3:6 ပူးပေါင်းရင်းမြစ်များ

Genèse 24:40

A ngaɗayè: Ndo nzi pèc pècèk, man i zhè a nshèffè a sam di nengaʼa, a di a zlindè gol nengaʼa a ma ngaya, a da takaha ka a sam nshèwèlè ngaya, a ka da ngatsa na ngwoz a kra ga te va gwoli ga, te gi bab ga.

II Samuel 22:21

Ndo nzi pèc pècèk a ngayè ara skwi nzuraʼa man i gau, a mpshèy ma, a gèɗ man ri ga mpanaʼa.

II Samuel 22:25

A géɗ nengaʼa Ndo nzi pèc pècèk a mpelayè ara skwi nzuraʼa man i gau, ara ndav ga man mpana a sam di nengaʼa.

II Samuel 7:5

Do a ka gaɗa na David, ɓèl ga: Ndo nzi pèc pècèk a goɗ aranta: Ka, man ka da ramay gi a i nzi a pa ɗè?

I Rois 1:48

A ngod ar haha: I shid gèɗ a Ndo nzi pèc pècèk, Zhiklè Israel, nengaʼa man a patsna a mvay ndo te verzi ga a nʼnzi a géɗ sam nʼnzi bi ga, a i ngotso a di ga dai.

I Rois 15:5

te man David a ngau skwi man ambaha Ndo nzi pèc pècèk, te nshèffè nengaʼa tèlèba ndzara ma bai, a mfu gèɗ a ma nengaʼa tèlèba, sèi a sam Urie, ndo Heth, man a ngu malai.

I Rois 2:4

A skwi man Ndo nzi pèc pècèk a mpasla ri a pa, a da gi a ma ma, man a ngadayè: Aman wudahi ngaya ta dè a sam di ga zuraʼa, a ndav tèlèba, a nshèffè tèlèba, i da geda ka verzi ngaya auda a sam nʼnzi bi Israel azbai.

I Rois 3:14

Aman ka da dè a civèɗ ga, a ka jèjèr ma nkwèr ga a ma kita ga, lèmèlèmè ara David, bab ngaya, i da va ka nshèffè man a nzi dai.

I Rois 9:4

Aman ka, man ka da dzadzarkayè ara David, bab ngaya, a ndav nlèɓèslèa a nzuraʼa, a ka gi skwi tèlèba ara man i njè ka a gèɗ, a ka jèjèr ma nkwèr ga a ma man i de kinè a vna,

II Rois 20:3

Na haha Ndo nzi pèc pècèk, heryè, i do a civèɗ ngaya a nlèɓèslè, a ndav tèlèba, a i gau skwi man ambaha ka te di ngaya. Ezéchias a nkuɗau ngezler-ngezleraʼa.

II Chroniques 1:8

Salomon a ngaɗa na Zhiklè: Ka gu skwi man amba a vata a sam David, bab ga, a ka fiyè a bai te di man a nengaʼa.

Psaumes 116:7

Menkada deɓa, ndav ga, a ka sok va, aman Ndo nzi pèc pècèk a nʼnga ka skwi man amba.

Psaumes 119:17

Gay skwi man amba, i bèl ngaya; a i nzi a nshèffè, a i da jèjèr ma ngaya.

Psaumes 13:6

Aman iyè, i gshè va a pombi ngaya. Ndav ga a wuffè a géɗ man ka mbelyè. I woy a i sla na dimèsh a Ndo nzi pèc pècèk, te man a ngay skwi man amba.

Psaumes 15:2

Nengaʼa man a gi mali azɓai, a gi skwi nzuraʼa, a gèɗè ma nzuraʼa a ndav tèlèba.

Nombres 12:7

A sam Moise, ɓèl ga, az arsa ɓai. Nengaʼa nlèɓèslè a sam gi ga tèlèba.

2 Corinthians 9:11

Gar haha kin gi a ndohi mèshèlè te skwi tèlèba, a kin slaha a kin vi skwi a ndav amba, a ndohi kumba ta shid gèɗ a Bi Zhiklè a géɗèʼa.

2 Corinthians 9:5

Gar haha i hur amba, a i bid ta kramamhai, aman ta dè a ma ma a sam kinè, a ta til mpshè ma man kin pasla nga rai, aman ntila a vava, da gu a skwi man kin vau a mpshè ma, man kin ga keda a pa ɓai.