I Rois 3:3 - Ma Zhiklè

³ A Salomon a woy Ndo nzi pèc pècèk a ndav na, a ndzodzora ara ma nkwèr David, bab na. Aman skwi man a zla na Zhiklè, a ɓurdi man a ndara na a Zhiklè, a da a géɗ za.

I Rois 3:3 ပူးပေါင်းရင်းမြစ်များ

I Rois 11:34

Aman i da ngezlama na bi auda te ri a nengaʼa azɓai, da nza a bai, ha a mʼmets na, a géɗ David, ɓèl ga, man i ngotskoɗauda, man a ndzodzor ma nkwèr ga a ma man i de ta a vna.

I Rois 11:38

Aman ka da fi géɗ a skwi tèlèba man i ngreda ka, aman ka dè a civèɗ ga, a ka gi skwi zuraʼa a sam di ga, a ka jèjèr ma nkwèr ga a ma kita ga, ara man David, ɓèl ga, a gau, i da zhè a nda ka, i da tila ka gi ngaya gedeng-gedengaʼa, a verzi ngaya a dè a ma ma, ara man i tila na David, a i da va ka Israel.

I Rois 11:4

Aman Salomon nhala ma, ngwozi ta zlakeda a civèɗ na, a ta gedessama na ndav aussa, a njèjèr zhiklè ngiɗè, a hér Ndo nzi pèc pècèk staɗ genè ka ɓai, ara man David, bab na, a gau.

I Rois 11:6

Salomon a nʼnga skwi man ambaha Ndo nzi pèc pècèk ɓai, a ndzodzor Ndo nzi pèc pècèk tèlè ɓai, ara man David, bab nengaʼa a gau.

I Rois 14:23

Juda ba a ngau sam mʼmbèh skwai a géɗ za. A ta Zlatseda kwa, Astarté, a géɗ za staɗ staɗ tèlèba, te verzi wof tèlèba man vah a wushè azɓai.

I Rois 14:8

i ngezlama na bi auda te ri bi David, a i vaka ka. Aman ka nzuraʼa ara David, ɓèl ga, ka ɓai, man a fu gèɗ a ma nkwèr ga tèlèba, a dzadzarkayè a ndav tèlèba, man a ngu sèi skwi man ambahayè.

I Rois 15:11

Asa a ngau skwi man ambaha Ndo nzi pèc pècèk, lèmèlèmè ara David, bab na.

I Rois 15:14

Aman sam mʼmbèh skwi a géɗ za, a ngedas ta ɓai, ko ndav Asa a ngso va a Ndo nzi pèc pècèk a pats nshèffè nengaʼa tèlèba.

I Rois 15:3

A nengaʼa a ndzodzor mali bab na man a nyokoɗi tèlèba. Ndav nengaʼa a ngsa va a Ndo nzi pèc pècèk, Zhiklè nengaʼa, tèlè bai, az ara David, babab na ɓai.

I Rois 15:5

te man David a ngau skwi man ambaha Ndo nzi pèc pècèk, te nshèffè nengaʼa tèlèba ndzara ma bai, a mfu gèɗ a ma nengaʼa tèlèba, sèi a sam Urie, ndo Heth, man a ngu malai.

I Rois 22:43

A nengaʼa a ndzodzor civèɗ Asa, bab na, te skwi tèlèba, a mbeza zlawa bai, a ngau skwi man ambaha Ndo nzi pèc pècèk.

I Rois 22:44

Aman sam mvi skwi a Zhiklè a géɗ za, a ngedas ta bai. Ndohi to do a ta zla na skwi a Zhiklè a ta ndara na ɓurdi a géɗ za pèc pècèk.

I Rois 3:14

Aman ka da dè a civèɗ ga, a ka jèjèr ma nkwèr ga a ma kita ga, lèmèlèmè ara David, bab ngaya, i da va ka nshèffè man a nzi dai.

I Rois 3:6

A Salomon a ngaɗa: Ka gu skwi man amba a vata a sam ɓèl ngaya, David, bab ga, te man a ndzadzar ka a vava, te ngi zuraʼa, a ndav nzuraʼa, a ka va na pombai, a ka va na kra nguraʼa man a nzi a géɗ sam nʼnzi bi nengaʼa a patsna.

I Rois 8:25

Ani haha, Ndo nzi pèc pècèk, Zhiklè Israel, gau ara man ka pasla na ri a hi a David, ɓèl ngaya, bab ga, man ka gaɗa: Aman wudahi ngaya ta gi maya a civèɗ ga, a ta fi gèɗ a ma ga, lèmèlèmè ara man ka gu a sam ga, ndohi te verzi ngaya ta shkè auda a géɗ sam nʼnzi bi Israel asaɓai.

I Rois 8:61

A kin va na ndav kinè tèlèba a Ndo nzi pèc pècèk, Zhiklè nga, a kin jèjèr ma nkwèrè a ma kita nengaʼa lèmèlèmè ara mpatsna.

I Rois 9:4

Aman ka, man ka da dzadzarkayè ara David, bab ngaya, a ndav nlèɓèslèa a nzuraʼa, a ka gi skwi tèlèba ara man i njè ka a gèɗ, a ka jèjèr ma nkwèr ga a ma man i de kinè a vna,

II Rois 12:3

Aman sam mvi skwi a Zhiklè te géɗèʼa, ta zhè genè. Ndohi ta vau skwi a Zhiklè a géɗ za genè, a ta ndara na ɓurdi a géɗ za.

II Rois 12:4

Joas a ngaɗa ta ndohi mvi skwi a Zhiklè: Suli tèlèba man ta va na Zhiklè te gi Zhiklè, iyam Suli ndo staɗ staɗ tèlèba, Suli man ta jhèɗè te ri ndo staɗ staɗ tèlèba, Suli tèlèba man ta tsakala te gi Zhiklè a vaʼa,

II Rois 14:3

A nengaʼa a ngau skwi nzuraʼa a sam di Ndo nzi pèc pècèk, aman nʼnga lèmèlè-mè ara David, babab na ɓai. Nengaʼa a nʼnza lèmèlèmè ara Joas, bab na.

II Rois 14:4

Aman sam mvi skwi a Zhiklè a géɗ za, nzede ɓai. Ndohi ta zloho skwi a Zhiklè a ta ndara na ɓurdi a Zhiklè a géɗ za genè.

II Rois 15:35

Aman sam mvi skwi a Zhiklè a géɗ za, nzeda ɓai. Ndohi ta zloho skwi a Zhiklè, ta ndara na ɓurdi a Zhiklè, a géɗ za genè. Nengaʼa a nrom ntamagi te man a géɗèʼa, a sam gi Ndo nzi pèc pècèk.

II Rois 15:4

Aman sam mvi skwi a Zhiklè a géɗ za, nzeda ɓai. Ndohi ta zloho skwi a Zhiklè, a ta ndara na ɓurdi a Zhiklè a géɗ za genè.

II Rois 18:22

Aman kin gaɗayè: Nga pi ndav nga a Ndo nzi pèc pècèk, Zhiklè nga — nengaʼa ka ɓi ɗè, man Ezéchias a ngedassa sam man ta va na skwi a pa, a kwa nzlatseda, a ngaɗa na Juda a Jérusalem: Sei kin tsi rai a sam mvi skwi a Zhiklè haha, te Jérusalem!

II Rois 18:4

Nengaʼa a ngedassa sam mvi skwi a Zhiklè a gèɗ za, a mʼmbeɗka ta kwa nzlatsedaʼa a hai, a nʼngelda mblom a hai, a mpasla zhüzhok züdo man Moise a gau. Ha pats sa, ndohi Israel ta ndara na ɓurdi, a ta baha na Nehushtan.

II Chroniques 15:17

Aman sam mvi skwi, sam mʼmbèh skwai a géɗ za ta gedassa tèlè ɓai te Israel, ko Asa a mpu ndav a Ndo nzi pèc pècèk, a nshèffè na tèlèba.

Psaumes 145:20

Ndo nzi pèc pècèk a ɓer ta ndohi man ta woyaʼa a ndav ta; a ndohi ambaɓihiaʼa tèlèba a da gedas ta aussa.

Psaumes 31:23

A pats man ndav ga a mʼmbeɗ na, i gada: Ka kaldyè aussa a sam di ngaya. Aman a vava ka tsena ntsi ri ga mbuh-mbuhaʼa, aman i kuɗau a sam ngaya.

Lèv. 17:5

Ndohi Israel sèi ta ckoɗi skwi man ta zlèhè a hwaɗ ta, a sam Ndo nzi pèc pècèk, a ntamagi mɓicè-va, a sam ndo mvi skwi a Zhiklè, a ta zla na Ndo nzi pèc pècèk te nshid gèɗ.

Matthew 22:37

Yèsu a ngaɗa na: Woy Bi Zhiklè ngaya a ndav ngaya tèlèba, a nshèffè ngaya tèlèba, a nhér gèɗ ngaya tèlèba.

Jean 14:15

Aman kin woy iyè a ndav kinè, va-fu gèɗ a ma nkwèr ga,

Jean 14:21

Ndo man a ngots a ma nkwèr ga a fi gèɗèʼa, nengaʼa ndo man a woy iyè a ndav na. Ndo man a woy iyè a ndav na, Bab ga ba a woy nengaʼa a ndav na, a i woyaʼa a ndav ga, a i da ngreda na va ga.

Romans 8:28

Aman nga suna, skwi tèlèba ta mbi a ma a ngi amba a sam tengaʼa man ta woy Zhiklè a ndav ta, a sam tengaʼa man Zhiklè a mpar ta, ara man a huro halaʼa.

1 Corinthians 8:3

Aman ndo man a woy Bi Zhiklè, Zhiklè a sun nengaʼa.

Deutéronome 10:12

Anai, Israel, Ndo nzi pèc pècèk, Zhi-klè ngaya, a jhèɗè a sam ngaya mè? Sèi ka gi zlau Ndo nzi pèc pècèk, Zhiklè ngaya, a ka dè a civèɗ nengaʼa tèlèba! Ka woyaʼa, a ka gi mizlinè Ndo nzi pèc pècèk, Zhiklè ngaya, a ndav ngaya tèlèba, a nshèffè ngaya tèlèba,

Deutéronome 10:13

a ka dzodzor ma nkwèr Ndo nzi pèc pècèk, a ma ndè kinè man i va kinè a patsna, a ka da nzi amba.

Deutéronome 11:13

Aman kin da cinè ma nkwèr ga man i njè kinè a gèɗ a patsna, a kin woy Ndo nzi pèc pècèk, Zhiklè kinè, a kin gi mizlinè nengaʼa a ndav kinè tèlèba, a nshèffè kinè tèlèba,

Deutéronome 30:16

Aman a patsna i njè ka aman ka woya Ndo nzi pèc pècèk, Zhiklè ngaya, a ka bizhè a civèɗ nengaʼa, a ka jèjèr ma nkwèr nengaʼa, ma kita nengaʼa, ma man a de ka a vna, a ka da nzi a nshèffè, a ka mènè a vata; Ndo nzi pèc pècèk, Zhiklè ngaya, da pshè ka ma te kokwar man ka da dè a pa.

Deutéronome 30:20

a ka woy Ndo nzi pèc pècèk, Zhiklè ngaya, a ka fi gèɗ a daʼai nengaʼa, a ka gshè va a vna. Aman nshèffè ngaya a hün te pa; a Zhiklè a da nderɗa ka pats nshèffè ngaya a ma ma. Aranta ba ka da nzi te kokwar man Ndo nzi pèc pècèk a mbaɗa a da va ta babhi ngaya, Abraham, Isaac a Jacob.

Deutéronome 30:6

Ndo nzi pèc pècèk, Zhiklè ngaya, a da va ka ndav mɓuaʼa, kinè a ndohi te verzi ngaya, ndav mɓuaʼa te nʼngél ngwon genè ka ɓai, te ntil ndav ngaya. A ka da woy Ndo nzi pèc pècèk, Zhiklè ngaya, a ndav ngaya tèlèba, a nshèffè ngaya tèlèba, a ka da nzi a nshèffè.

Deutéronome 6:5

Sei ka woy Ndo nzi pèc pècèk, Zhiklè ngaya, a ndav ngaya tèlèba, a nshèffè ngaya tèlèba, a wuɗi ngaya tèlèba!

Jacques 1:12

Mwuffe a sam ndo man a nza taraʼa man ta pi a wai. Aman ndo man a tsoko gèɗ na auda a sam skwi mpeda a wi ma, a da ngècè skwi mpèɗè gèɗ nshèffè, man Zhiklè a pasla ta ri a ndohi man ta woyaʼa a ndav ta.

Jacques 2:5

Dalahimam ga, va-tsenaʼa! Zhiklè a mpar ta ndohi ntawassaʼa a géɗ herkeda haha, aman te ncè-a-ndav, ta ndi a ndohi mèshèlè, a ndohi nʼndi kokwar-Bi Zhiklè, man a mpasla ta ri a ndohi man ta woyaʼa a ndav ta.

I Samuel 9:12

Ta mbeɗa ta a ma: Halau, na zhè a ma kinè. A mshkè a kokwar haha antanta; a patsna ndohi ta gi ngolala mvi skwi a Zhiklè a gèɗ za.