I Rois 22:6 - Ma Zhiklè

⁶ A bi Israel a mɓic ta ndohi nhadka ma 400, a ngaɗa ta: Amba aman i dè var a Ramoth te Galaad dè, dè i jèkeda dè? A ta gada na: Do, Bi Zhiklè a da pa ta a ri a bai!

I Rois 22:6 ပူးပေါင်းရင်းမြစ်များ

I Rois 12:9

Nengaʼa a ngaɗa ta: Kin ngècè maya mè, a nga da menda ta ndohi haha man ta dzhadyè, ma mè? Ta gadayè: Kedaha gèɗ a hai! Bab ngaya a nʼnga nga matakwan kumba!

I Rois 18:19

Anai zlündo ndo, a ka ɓicka ta ndohi Israel tèlèba a sam ga a géɗ za Carmel, a nda ndohi nhadka ma Baal 450, a nda ndohi nhadka ma Astarté 400, man ta ndi skwi te gi Jézabel tèlèba.

I Rois 18:20

A Achab a nzlündo ndo a sam ndohi Israel tèlèba, a mbaha ta ndohi nhadka ma a géɗ za Carmel.

I Rois 22:10

A bi Israel, a Josaphat, bi Juda, ta nza staɗ staɗ a géɗ sam nʼnzi bi tengaʼa, a maslaka bi tengaʼa a va, a ntamagi kokwar Samarie, a ndohi nhadka ma tèlèba ta hodko ma a sam ta.

I Rois 22:15

A nengaʼa a nshkè a sam bai, a bai a ngaɗa na: Michée, amba aman nga dè var a Ramoth te Galaad dè, dè nga jèkeda dè? A nengaʼa a ngaɗa: Do, ka da fen ta. Ndo nzi pèc pècèk a da pa ta a ri a bai.

I Rois 22:5

A Josaphat a ngaɗa na bi Israel: Dzhoɗo Ndo nzi pèc pècèk dai!

II Rois 10:19

Anai va-bahka ta ndohi nhadka ma Baal tèlèba a sam ga, a ndohi man ta jèjèrèʼa tèlèba, a ndohi mvi skwi a nengaʼa tèlèba, ko staɗ da pca ɓai! Aman i woy a i gi ngolala mvi skwi a Baal mbiaʼa. Nengaʼa man a dè azɓai, sèi da mets na! Aman Jéhu a ngu arsa, a mʼmbeɗka ta, a woya a nzede ta ndohi njèjèr Baal tèlèba.

II Rois 3:13

Elisée a ngaɗa na bi Israel: Nga gakaɗa ka mè? Do a sam ndohi nhadka ma bab ngaya, a sam ndohi nhadka ma mam ngaya! Bi Israel a ngaɗa na: Aʼai! Aman Ndo nzi pèc pècèk a mbaha ta bihi makar haha, aman a mpa na a ri a Moab dè?

II Chroniques 18:14

Aman a mshkè a sam bai, bai a ngaɗa na: Michée, ngo do a nga gi var a Ramoth te Galaad dè, dè i jèkeda dè? Nengaʼa a ngaɗa: Vo-do! A da gi amba a sam kinè, kin da gi a ngul ta.

Esaie 36:10

I shkè a i gi var a kokwar haha, aman i gé-dèshèʼa, ara man Zhiklè a woya ka ɓi ɗè? Zhiklè kinè a ngaɗayè: Do a ka gu var a kokwar sa, a ka gedassaʼa!

Jérémie 5:31

Ndohi nhadka ma ta hodko ma ta tsakal ma. Ndohi mvi skwi a Zhiklè ta takaha ta te pa. Ndohi ga, ambaha ta. Aman te deɓ nengaʼa, kin da gi mè?

Ezéchiel 13:22

A géɗ man kin mbeɗama na ndav a ndo nzuraʼa a ncèkèlma, ndo man i woy a i ga na matakwan bai, a kin va ta wuɗai a ndohi nderɗe Zhiklè; a ta ngwèdè gèɗ a deɓa te civèɗ tengaʼa ambaɓiaʼa azɓai, aman ta mbél ta.

Matthew 7:15

Va-gu maya a sam ndohi nhadka ma ncèkèlma; aman ta shkè a sam kinè, ta lèɓèslèʼa ara tambak, aman te ndav ta, ta ara kda dak man a woya a nʼnde kinè a ma.

2 Timothy 4:3

Aman pats a di a shkè, man nʼnjè ma man nzlerɗak a te pa ɓai, ambaha ta ndohi ɓai. Aman ta jèjèr skwi man ambaha ta tengaʼa, a ta ngècè ndohi njèngè ma tengaʼa, man ma tengaʼa a pa ta kocè kocè.

Apocalypse 19:20

A ta gso skwi dak a nda ndo nhadka ncèkèlma man a gu nrkedi a sam di na, man a pe ta ndohi man lamba skwi dak a va, a wai, aman ta tsi ri a skwi man ta roma ara skwi dak. A ta wushede ta cèw ba a vèvèɗ vogwa, man skwi nvècè vogwa te pa, a di tʼuda.