I Rois 17:12 - Ma Zhiklè

¹² A nengaʼa a ngaɗa. Ndo nzi pèc pècèk, Zhiklè ngaya, a suna, a vava ɗaf azbai, sèi njèkè gufa zlukri staɗgenè te shiɗèf, mbar ndèok kata te gatsak. Ani haha i pèr shègwa kètè, aman i dè ngwai, a i da ti skwi nʼndi nga a kra ga; aman nga da nda ma, nga da tiɗè mènè.

I Rois 17:12 ပူးပေါင်းရင်းမြစ်များ

Genèse 21:15

Aman iyam te gozhèm a nʼndev na ma, a nkalda kra a verzi wof ntusntusaʼa,

Genèse 21:16

a ndo a nʼnzahi zuraʼa a nengaʼa, dra kètè ara man ka ɓèr sulom a ndikè a pa. A nhur a gaɗa: I da rka mʼmetsi kra ga ɓai. A nʼnza zuraʼa a kra, a hinè a nkudi a vata.

II Samuel 15:21

Ittai a mʼmbeɗa na a ma bai: Ara man Ndo nzi pèc pècèk a zhè, ara man bi ga a zhè, aʼai! A sam man bi ga a dè a pa, ko te mʼmetsai, ko te nshèffè, i ba i zhè.

I Rois 17:1

A Elie, ndo Thishbé, te Galaad, a ngaɗa na Achab: Ara man Ndo nzi pèc pècèk, Zhiklè Israel, a zhè, man i gi mizlinè nengaʼa, a mvi a mvai a haha, iyam a shkè azɓai, minmèn a gshè géɗ sam azɓai, sèi man i da goɗa.

I Rois 17:11

Aman a mdo a nda ɓala na iyam, a baha na te deɓaʼa: Ckoy ɗaf a vaʼa kètè ba!

I Rois 17:13

Aman Elie a ngaɗa na: Ka gu zlau ɓai! Do ngwai a ka gu ara man ka goɗo. Aman sèi ka gay skwi nʼndi kètè nshèlèkuraʼa, a ka ckoɗa a sam ga, ga kin gi skwi nʼndi kinè a kra ngaya te deɓaʼa.

Jérémie 14:18

Aman i dè auda a dala, nckondohi ndohi mbazlaʼa kumba; aman i dè a kokwar, ta tiɗè a mai. Ko ndo nhadka ma, ko ndo mvi skwi a Zhiklè, ta shèwèlè te kokwar, ta sun sam man ta dè a pa ɓai.

Jérémie 4:2

Aman ka mbaɗa a nzlembaɗ Ndo nzi pèc pècèk a vava, zuraʼa, te ngi-zuraʼa, te deɓaʼa ndohi herkeda ta pshè ka ma a nzlembaɗ Ndo nzi pèc pècèk, a ta nzal ka a nzlembaɗ nengaʼa.

Jérémie 5:2

Ta gaɗa: Ko Ndo nzi pèc pècèk a zhè, ta mbèɗè a ta cèkèl ma.

Lamentations de Jérémie 4:9

Dara ndohi man ta bazl ta a tsakwal, a géɗ man mi a mbazl ta, man ta tiɗ ta a mai, a ta bazl ta a géɗ man skwi nʼndi azɓai.

Matthew 26:7

ngwoz ngiɗè a mshkè a sam na, a koloba ɓurdi te rai, nshum nengaʼa a vata. Aman Yèsu a ndi skwai, ngwoz a mbaɗa na burdi a gèɗ.

I Samuel 14:39

Ara man Ndo nzi pèc pècèk a zhè a vava, nengaʼa man a ge ta ndohi Israel a ngul ndohai a patsna, ndo ngau, ko man Jonathan, kra ga, sèi a metsi na. Aman ndohi tèlèba ta mbeda na a pa ɓai, ko staɗ.

I Samuel 14:45

Aman ndohi ta gaɗa na Saul: Mè! Jonathan man a ge ta ndohi Israel a ndohi ngul ndohi mbiaʼa haha, da mets na dè? Wuɗitpa a sam nga! Ko gwots gèɗ nengaʼa staɗ da kala a herkeda ɓai! Aman skwi man a ngau a patsna, a ngau a nda Zhiklè. A ndohi ta prokodi Jonathan auda, aman a metsi azɓai.

I Samuel 20:21

Te deɓaʼa i da zlindè gol ga. Do, a ka cko sulom! Aman i da gaɗa na gol ga: Na haha, sulom a zhè a ma ngaya tʼuna, do a ka ckoɗa! – a ka shkè, skwi a gi amba a sam ngaya, skwi mwuɗitpa azɓai, ara man Ndo nzi pèc pècèk a zhè.

I Samuel 20:3

David a mʼmenda na a géɗèʼa: Bab ngaya a suna, i ambaha ka. A da hur: dara i ngra na Jonathan ɓai, man ɓai a da dza na a ndav. Aman ara man nshèffè ngaya a zhè, sak ga staɗ te vèvèɗ, ngiɗè tʼuda.

I Samuel 25:26

Anai, bi ga, ara man Zhiklè a zhè, ara man ka, ka zhè, ka man Ndo nzi pèc pècèk a ɓer ka te ri mali a ka keɗe ndo ɓai, a ntakaha ka a ri nengaʼa: mayamhi ngaya a ndohi man ta hur skwi ambaɓiaʼa a géɗ bi ga, da ga a nrzlaʼa ara Nabal.

I Samuel 26:10

David a ngaɗa: Ara man Ndo nzi pèc pècèk a zhè: Sèi Ndo nzi pèc pècèk a da keɗa a ri na, man ɓai a metsi na mʼmetsai, man ɓai ta keɗa nkéɗè te var.