I Rois 16:7 - Ma Zhiklè

⁷ A Ndo nzi pèc pècèk a ngaɗa na Baescha a ndohi gi na, te ma Jéhu, ndo nhadka ma, kra Hanani, a géɗ skwi man ambaɓi tèléba man a gu a sam Ndo nzi pèc pècèk, a géɗ skwi man ri nengaʼa a ngau, aman a poko na gèɗ ndav auda a vna, lèmèlèmè ara ndohi gi Jéroboam ta gau, a Ndo nzi pèc pècèk a ngedas ta aussa.

I Rois 16:7 ပူးပေါင်းရင်းမြစ်များ

I Rois 14:14

A Ndo nzi pèc pècèk a da ngècè bi a géɗ Israel man a da zede ta ndohi gi Jéroboam. Na haha tiɗè sama ma!

I Rois 16:8

Aman Asa, bi Juda, a ngau bi te mvi 26, ta feda Ela, kra Baescha, a bi a géɗ Israel, te Thirtsa. A ngu bi mvi 2.

II Rois 17:13

Aman Ndo nzi pèc pècèk a mbid ta ndohi Israel a Juda a deɓa a ma ndohi nhadka ma nengaʼa tèlèba, a ndohi nsun skwi tèlèba, a ngaɗa: Vo-ngwodko ndav kinè te civèɗ kinè man ambaɓiaʼa, va-dzodzor ma nkwèr ga, ma man i de kinè a vna, ara ma kita tèlèba man i njè ta a gèɗ babhi kinè, a i zlündo a sam kinè a ma ndohi nhadka ma, ɓèlèlihi ga.

II Chroniques 16:7

Te ndev nasa, Hanani, ndo nsun skwai, a mshkè a sam Asa, bi Juda, a ngaɗa na: A géɗ man ka pu ndav a bi Syrie, a ka pu ndav a Ndo nzi pèc pècèk, Zhiklè ngaya bai, ndohi var bi Syrie ta wuc ta auda te ri ngaya.

Psaumes 115:4

Zhiklèhi mbèh skwi tengaʼa ta ga a kwa a rɓasl, ndo a ngu a ri na.

Exode 20:5

Ka gurɓa a sam tengaʼa bai, ka tsu ri a tengaʼa bai! Aman iyè Ndo nzi pèc pècèk, Zhiklè ngaya, i Zhiklè i srak, man a gi kita a sam wudahi a géɗ mali bab ta, te verzi bab ta, te mamakaraʼa, te mafadaʼa, a sam tengaʼa man ta gi shèwa a iyè.

Esaie 2:8

Kokwar tengaʼa nʼndha a skwi mbèh skwai. Ta kalahi a deɓ sak skwi man ta gau, a skwi man ta rom a ri ta.

Osée 1:4

A nengaʼa a nʼngots kra, a nyu kra nguraʼa. Ndo nzi pèc pècèk a ngaɗa na: Va na nzlembaɗ na Jizreel. Aman njèkè kètè dai, ndohi te gi Jehu sèi ta pela na gèɗ a Jizreel, a géɗ man ta bazl ta ndohi na, a i zede kokwar-bi Israel.

Actes 2:23

Te deɓaʼa, aman ta feda a kita ma, ara Zhiklè a nhur zlèzlèa a woya a ngiaʼa, kin gezlalaʼa, a kin va ta a ri a ndohi malihai a ta keɗaʼa.