I Rois 15:3 - Ma Zhiklè

³ A nengaʼa a ndzodzor mali bab na man a nyokoɗi tèlèba. Ndav nengaʼa a ngsa va a Ndo nzi pèc pècèk, Zhiklè nengaʼa, tèlè bai, az ara David, babab na ɓai.

I Rois 15:3 ပူးပေါင်းရင်းမြစ်များ

I Rois 11:33

A géɗ man Salomon a njèkyè, a tsi ri a Astarté, zhiklè mʼmbèh skwi Sidon, a Kemosch, zhiklè ndohi Ammon, a ndzodzor civèɗ ga ɓai, a nʼnga skwi zuraʼa a sam di ga ɓai, a ndzadzara ma nkwèr ga a ma man i da ta a vna ɓai, ara man David, bab na, a gau.

I Rois 11:4

Aman Salomon nhala ma, ngwozi ta zlakeda a civèɗ na, a ta gedessama na ndav aussa, a njèjèr zhiklè ngiɗè, a hér Ndo nzi pèc pècèk staɗ genè ka ɓai, ara man David, bab na, a gau.

I Rois 15:14

Aman sam mʼmbèh skwi a géɗ za, a ngedas ta ɓai, ko ndav Asa a ngso va a Ndo nzi pèc pècèk a pats nshèffè nengaʼa tèlèba.

I Rois 3:14

Aman ka da dè a civèɗ ga, a ka jèjèr ma nkwèr ga a ma kita ga, lèmèlèmè ara David, bab ngaya, i da va ka nshèffè man a nzi dai.

I Rois 3:3

A Salomon a woy Ndo nzi pèc pècèk a ndav na, a ndzodzora ara ma nkwèr David, bab na. Aman skwi man a zla na Zhiklè, a ɓurdi man a ndara na a Zhiklè, a da a géɗ za.

II Rois 20:3

Na haha Ndo nzi pèc pècèk, heryè, i do a civèɗ ngaya a nlèɓèslè, a ndav tèlèba, a i gau skwi man ambaha ka te di ngaya. Ezéchias a nkuɗau ngezler-ngezleraʼa.

II Chroniques 25:2

A ngau skwi man ambaha Ndo nzi pèc pècèk; aman a ndav tèlè ka ɓai.

Psaumes 119:80

Ndav ga da rufa ma ngaya man a de nga tèp ba, a i da ngècè hori a di azɓai.

Deutéronome 17:20

A ndav nengaʼa da fu va a sam kramamhi na ɓai. Da tawaɗaha ma kita haha ɓai, ko te civèɗ ri mandai, ko te civèɗ ri gula, a nzi a nshèffè a ma mate kokwar-bi nengaʼa, nengaʼa a wudahi na, te ndev ndohi Israel.

I Samuel 25:28

Pra na malai a ɓèl ngaya. Ndo nzi pèc pècèk a vava a da gi aman gi ngaya a nzi dai. Ka gi var Ndo nzi pèc pècèk, a ta ngècè mali a sam ngaya azɓai, a pats nshèffè ngaya tèlèba.