I Rois 14:9 - Ma Zhiklè

⁹ Ka gu skwi ambaɓiaʼa kumba, a fena ndohi mpats ngiɗè tèlèba. Ka gu zhiklèhi ngaya, a ka vüɗo skwi mʼmbèh skwai, a ka pokoy gèɗ ndav auda a vna, a ka ngwoday deɓa.

I Rois 14:9 ပူးပေါင်းရင်းမြစ်များ

I Rois 12:28

Gar haha bai a hur maya na ngiɗè tsaɗ: A mvüdo marihi guro cèw a ngaɗa ta ndohai: Kai, kin do Jérusalem pèc pècèk nʼnzi a zhè – dra! Israel, na haha Zhiklè ngaya man a helka kinè auda te kokwar Egypte!

I Rois 14:16

A da jèkeda Israel, a géɗ mali Jéroboam, a géɗ mali man a mpe ta ndohi Israel a wi a vna.

I Rois 14:22

A Juda a nʼnga skwi man ambaha Ndo nzi pèc pècèk ɓai. A mali tengaʼa man ta gau, a fena man a babhi tengaʼa, a ta poko na gèɗ ndav auda.

I Rois 15:29

Aman a gi bi ma, a bazl ta ndohi gi Jéroboam tèlèba, a njèka ndo te verzi Jéroboam a nshèffè ɓai, ara man Ndo nzi pèc pècèk a goɗ te ma Achija, ɓèl nengaʼa, te Silo,

I Rois 15:30

a géɗ mali Jéroboam, a mali man a pe ta ndohi Israel a wi a vna, a mpoko na gèɗ ndav auda a Ndo nzi pèc pècèk, Zhiklè Israel, a vna.

I Rois 15:34

A nengaʼa a nʼnga skwi man ambaha Ndo nzi pèc pècèk ɓai. A ndzodzor civèɗ Jéroboam, a ngu mali lèmèlèmè ara Jéroboam, man a pe ta ndohi Israel a wi a vna.

I Rois 16:25

A Omri a nʼnga skwi man ambaha Ndo nzi pèc pècèk ɓai, a ngu mali a fena ngiɗè tèlèba man ta gu pats ngiɗè.

I Rois 16:30

Achab, kra Omri, a nʼnga skwi man ambaha Ndo nzi pèc pècèk ɓai, a fena tengahia ngiɗè man ta gu pats ngiɗè.

I Rois 16:31

A ga mali Jéroboam, kra Nebath, genè ka ɓai, aman a ngu mali a vaʼa: a nco Jézabel, dem Ethbaal, bi ndohi Sidon, a ngwoz. A ndzodzor Baal, a ntsu ri a nengaʼa.

I Rois 16:33

Achab a ngau Astarté a vaʼa, a ngau skwi ngiɗè tsaɗ tsaɗ, a mpoko na gèɗ ndav auda a Ndo nzi pèc pècèk, Zhiklè Israel, holholaʼa, a fena bihi Israel man ta gu pats ngiɗè tèlèba.

II Rois 21:3

Nengaʼa a hüno a nrom sam mʼmbèh skwai a géɗ za, man Ezéchias, bab na, a mbeɗdaussà zaʼa, a ngau sam mvi skwi a Baal. A ngau mblom, lèmèlèmè ara man Achab bi Israel, a ngau, a ntsu ri a bantihai, a kia, a pats te giɗfèk, a ndzodzora.

II Rois 23:26

Ko gar haha Ndo nzi pèc pècèk a gi ndav kumba genè, a ndav a ndza na a géɗ Juda genè, a géɗ skwi man Manasse a mpoko na gèɗ ndav auda a vna.

II Rois 3:3

Aman mali Jéroboam, kra Nebath, man a pe ta ndohi Israel a wi a vna, a giaʼa genè, a njèkeda ɓai.

II Chroniques 11:15

a Jéroboam a nʼngots ndohi mvi skwi a zhiklè nengaʼa a sam mvi skwi a zhiklè a géɗ za, a sam madzagihai, a sam wud zlèhi man a gau.

II Chroniques 33:6

A mbezde ta wudahi nengaʼa a ndev vogwa te slrats Ben-Himmon, a mpu kwa, a mʼmboh skwi a zhüzhokihai, a mʼmboh skwai, a ngu vrai, a tèwèlè gèɗ, a ngau skwi kumba, man ambaha Ndo nzi pèc pècèk ɓai, a mpoko na gèɗ ndav auda vna.

Néhémie 9:25

Ta duma kokwar mbiaʼa nʼngalaʼa, a herkeda mbelaʼa nduzoʼa. Ta duma gi a kolongwi te pa kumba, thal nraʼa klèng, gi lak, wof tsna, wof man a yiè kumba. Ta ndau skwai, ta ngeza, ta gra, ta wèl va, a ta wuffè a skwi ngaya man ka va ta kumba.

Néhémie 9:26

Aman ta gu mèdègèɗ, a ta slambaɗa ka va. Ta kwola ma kita ngaya, ta bazl ta ndohi nhadka ma man ta bidka ta a deɓa, a ta derde ka kumba.

Psaumes 106:29

a ta poko na gèɗ ndav auda a skwi man ta gau. A matakwan a mshkè a géɗ tengaʼa.

Psaumes 50:17

ka man ka woya man i ngatsa ka maya ɓai, a ka kwola ma ga!

Psaumes 78:40

Ta slambaɗa na vasak kumba tʼhèshèkèɗ, ta gu a civèɗ heshèkèɗ, a ndav nengaʼa a kuɗai.

Psaumes 78:56

Aman ta sassaya ndav ta, a ta poko na gèɗ auda a Bi Zhiklè, Zhiklè te géɗèʼa, a ta dzadzara ma kita nengaʼa ɓai.

Psaumes 78:58

A maya mbèh skwi tengaʼa ta gu a ndav a ndza na, a vrihi tengaʼa ta poko na gèɗ ndav auda a Bi Zhiklè.

Exode 34:17

Ka vüɗ skwi ngiɗè a ka sla na Zhiklè ɓai!

Jérémie 32:18

Ndohi gozhèm gozhèm ta se ka te va, aman ka gi kita a géɗ mali babhi ta, a sam wudahi te verzi ta. Ka Zhiklè mbiaʼa, man wuɗi ngaya a zhè, man nzlembaɗ ngaya: Zhiklè bi mbiaʼa.

Jérémie 7:18

Wudahi ta pèr shègwa, babhi ta ta kèl vogwa, ngwozi ta shidè a ta ta na movar a ngwoz man ta sla na zhiklè, a ta va ta skwi nsai a zhiklèhi mbèh skwai, a ta pokoy gèɗ ndav auda a vna.

Jérémie 7:26

Aman ta tsena ɓai, ta fa zlembaɗ ɓai, ta sassaya ndav ta, ta gu malai a fena babhi ta.

Ezéchiel 23:35

Gar haha Bi Zhiklè a gaɗa: A géɗ man i pca ka a gèɗ, a ka kaldyè a deɓa, sèi ka cè hori mphömè ngaya, a skwi ngaya nlizhèa.

Ezéchiel 8:17

A ngaɗayè: ka ndo, ka rka dè? Aman ndohi Juda ta gi skwi hori a haha, a slra ta ɓi ɗè? A ta ndha kokwar tèlèba a skwi man ta gi a wuɗai, a ta pokoy gèɗ ndav auda zaʼa. Ta gedko htsan a vah man ta peda a pa.

Ezéchiel 8:3

A ntorko skwi ngiɗè ara rai, a ngsyè te gwots gèɗ. A Mèzhèɓ Zhiklè a ndzavyè a géɗèʼa, te ndev nda giɗfèk a herkeda, a ndyè a kokwar Jérusalem, te skwi Zhiklè man a nrkay a dai; a ntamagi tʼhwaɗaʼa, man a nʼngwoda ma a civèɗ man a géɗèʼa, a sam skwi mbèh skwai man a mpoko na gèɗ ndav auda a Zhiklè, a srak.

Lèv. 19:4

Kin woy skwi mʼmbèh skwi bai, kin rom vri bai! Iyè Ndo nzi pèc pècèk, Zhiklè kinè.

1 Corinthians 10:22

Aman nga woy a nga poko na gèɗ auda a Bi Yèsu a ngi srak ɗè? Nga fena wuɗi nengaʼa ɗè?

Deutéronome 32:21

A ta pokoy gèɗ ndav auda a srak a skwi man Zhiklè ka ɓai. Ta pokoy gèɗ ndav auda a skwi mʼmbèh skwi tengaʼa man ambalai. Iyè i da poko ta gèɗ ndav auda a srak a ndohi ambaɓihiaʼa. I poko ta gèɗ ndav auda a ndohi nrzlaʼa.

Deutéronome 9:24

Aman daga man i sen kinè, kinè gi mèdègèd genè!

Juges 5:8

Ta dzodzor zhi klèhi ngiɗè mɓuaʼa: ndohi var Zhiklè ta nza; a sam ndohi Israel 40.000 ko gambar a tsakwal a te ri ta ɓai.