I Rois 13:18 - Ma Zhiklè

¹⁸ A nengaʼa a ngaɗa na: I ba i ndo nhadka ma, lèmèlèmè ara man a ngaya. Gol Zhiklè a mʼmenday ma Ndo nzi pèc pècèk, a ngaɗa: Da ckoɗa gi ngaya, aman a da ndi skwai, a si iyam. A nʼngul ma a sam na.

I Rois 13:18 ပူးပေါင်းရင်းမြစ်များ

Genèse 27:24

A ngaɗa na: A vava ka Esau, kra ga, ɗè? Jacob a mʼmbeɗa na a ma: Halau, i nengaʼa.

Genèse 3:13

A Ndo nzi pèc pècèk Zhiklè a ngaɗa na ngwoz: Ka ga mè? A ngwoz a mʼmbeɗa na a ma: Zhüzhok a mpiyè a wai, a i ndau.

I Rois 13:19

A ndo sa a nshkè a deɓa a verzi nengaʼa, a nʼndau skwai, a nsau skwai te gi na.

I Rois 20:35

A ndo ngiɗè te va ndohi nhadka ma a ngaɗa na mandal na, ara man Ndo nzi pèc pècèk a ngaɗa na: Tsyè dakwa! Aman ngiɗè a woya a ntsia ɓai.

I Rois 22:22

A nengaʼa a ngaɗa: I dè a i ngwèdè va ga a mèzhèɓ ncèkèlma a ma ndohi nhadka ma nengaʼa tèlèba. Ndo nzi pèc pècèk a ngaɗa: Ka da pi a wai, ka da slaha. Do a ka gu arsa!

Proverbes 12:19

Nèʼèn man a gèɗè skwi nzuraʼa, a nzi a mèdèp. Nèʼèn ncèkèlma a ndev na a nasa nasa.

Proverbes 12:22

Ndohi ncèkèlma ta ndara na Ndo nzi pèc pècèk; aman tengaʼa man ta gi zuraʼa, ta ambaha.

Proverbes 19:5

Ndo malwuɗi ncèkèlma a ngècè kita na. Ndo ncèkèlma a mbelè azɓai, ta gshèʼa.

Esaie 36:10

I shkè a i gi var a kokwar haha, aman i gé-dèshèʼa, ara man Zhiklè a woya ka ɓi ɗè? Zhiklè kinè a ngaɗayè: Do a ka gu var a kokwar sa, a ka gedassaʼa!

Esaie 9:15

A ndohi ncè ta ma ndohi haha, ta nde ta a ndohi mpe ta a wai, a ta zede ta ndohi man ta cè ta ma.

Jérémie 23:14

I rka skwi horai a sam ndohi nhadka ma te Jérusalem: ta gi mphömè, ta cèkèl ma. Ta ndha ri ndohi malihai, ta woya ndo da menkada deɓa te mali na bai. Ta tèlèba ta ga ara Sodome a sam di ga, lèmèlèmè ara ndohi kokwar Gomorrhe.

Jérémie 23:17

A ndohi man ta derɗyè, ta gaɗa ta: Ndo nzi pèc pècèk a ngoɗo: gumi a nda kinè! A ndohi tèlèba man ta sassaya ndav ta, ta gaɗa: Skwi mwuɗitpa a da ga kinè azɓai.

Jérémie 23:32

Ndohi nhadka nshunè ncèkèlma, ta ambahayè hai, Ndo nzi pèc pècèk a gaɗa, man ta njè ta ncèkèlma a nfi va tengaʼa, a ta zlakede ta ndohi ga. Iyè nzlinde ta ka ɓai, iyè ngaɗa ta ka ɓai. Ta takaha ta ndohi haha ɓai, ko kèshkata, Ndo nzi pèc pècèk a gaɗa.

Jérémie 29:31

Zlündo ɗèlèwèr a sam ndohi ɓèlè te Babylone tèlèba, a ka gaɗa: Ndo nzi pèc pècèk a goɗ a géɗ Shemaeja, ndo Néchélam: A géɗ man Shemaeja a nhodko kinè ma, iyè nzlinda ka ɓai, a gu aman a kin pu ndav a ncèkèlma,

Jérémie 29:32

a géɗ nengaʼa Ndo nzi pèc pècèk a gaɗa: Iyè i gi kita a géɗ Shemaeja, ndo Néchélam, a géɗ ndohi te verzi nengaʼa: Ndo azɓai te va gwoli na, man ta da nzi te ndev ndohi haha; nengaʼa a da rka skwi mbelaʼa man i ga ta ndohi ga azɓai, Ndo nzi pèc pècèk a gaɗa, a géɗ man a nju ma, a ndohi ta slambaɗa na va a Ndo nzi pèc pècèk.

Jérémie 5:12

Ta cèkèl ma a géɗ Ndo nzi pèc pècèk, ta gaɗa: Zhiklè azɓai. Matakwan a da ga nga azɓai. Tsakwal a mai a da ga nga azɓai.

Jérémie 5:31

Ndohi nhadka ma ta hodko ma ta tsakal ma. Ndohi mvi skwi a Zhiklè ta takaha ta te pa. Ndohi ga, ambaha ta. Aman te deɓ nengaʼa, kin da gi mè?

Ezéchiel 13:22

A géɗ man kin mbeɗama na ndav a ndo nzuraʼa a ncèkèlma, ndo man i woy a i ga na matakwan bai, a kin va ta wuɗai a ndohi nderɗe Zhiklè; a ta ngwèdè gèɗ a deɓa te civèɗ tengaʼa ambaɓiaʼa azɓai, aman ta mbél ta.

Ezéchiel 13:8

Gar haha Bi Zhiklè a gaɗa: A géɗ man kin hadka ma nʼngwèdè ndo, a kin rka skwi ncèkèlma, a vava i gi a mayam kinè.

Nombres 22:35

Aman gol Ndo nzi pèc pècèk a ngaɗa na Balaam: Do a verzi ndohai! Aman ka da gèɗè sèi skwi man i da gada ka. Balaam a mdo a verzi ndohi Balak.

Matthew 24:24

Aman kristihi ncèkèlma, a ndohi nhadka ma ncèkèlma ta da slèmbèɗè, a ta ngreda skwi malwuɗi mbiaʼa, a nrkedai, aman ta pèkètède ta ndohi mparahiaʼa ba, man ta slaha.

Matthew 7:15

Va-gu maya a sam ndohi nhadka ma ncèkèlma; aman ta shkè a sam kinè, ta lèɓèslèʼa ara tambak, aman te ndav ta, ta ara kda dak man a woya a nʼnde kinè a ma.

Romans 16:18

Aman tengaʼa ta gi mizlinè Bi nga Kristi ka ɓai, aman mizlinè hwaɗ tengaʼa. Ma tengaʼa ara vongwom; ma tengaʼa man amba a pe ta a wai, man ta hér mali ta azɓai.

2 Corinthians 11:3

Aman i gi zlau, lèmèlèmè ara zhüzhok a mpeda Eve a wai a maya na, nhér gèɗ kinè nzuraʼa a nlèɓèslèa te Kristi, a da gedas na.

Galates 1:8

Aman ko nga, ko gol Zhiklè te géɗèʼa, a da njè kinè ma mbelaʼa tsaɗ, ara nengaʼa man nga njè kinè ka ɓai, da phomda!

1 Timothy 4:1

Aman Mèzhèɓ Zhiklè a ngra nga mbelambela, aman pats ngiɗè ndohi ngiɗè tsaɗ tsaɗ ta da jèkeda ncè-a-ndav ta, a ta jèjèr mèzhèɓhi man ta zlakede ta, a njè-ma madzagai,

1 Timothy 4:2

a ma mberzlalahaʼa a ndohi njèngè ncèkèlma, mèzhèɓ ndav ta nsassaya.

2 Peter 2:1

Ndohi nhadka ma ncèkèlma ta zhè halaʼa te va ndohai. Lèmèlèmè ara man a sam kinè ba ndohi njèngè ncèkèlma a di ta da shkè. Ta da ndèvèɗ ma tsaɗ tsaɗ. Ta woy a ta gedas kinè. Ta cèkèlma a géɗ Bai Yèsu, man a sumka ta a deɓa, a ta hurdkoɗi kita ngedas ta, tsam tsam, a ri ta.

1 John 4:1

Dalahimam ga, kin co mèzhèɓ tsaɗ tsaɗ tèlèba a ndav ɓai! Sèi kin jkede ta mèzhèɓhai, a kin wora, aman ta shkè te Bi Zhiklè. Aman ndohi nhadka ncèkèl-ma kumba ta zhè tʼherkeda.

Apocalypse 19:20

A ta gso skwi dak a nda ndo nhadka ncèkèlma man a gu nrkedi a sam di na, man a pe ta ndohi man lamba skwi dak a va, a wai, aman ta tsi ri a skwi man ta roma ara skwi dak. A ta wushede ta cèw ba a vèvèɗ vogwa, man skwi nvècè vogwa te pa, a di tʼuda.

Juges 13:3

Gol Ndo nzi pèc pècèk a mshkè a sam na, a ngaɗa na: Ani ka delai, ka yi kra azɓai. Aman a di ka da ngècè kra, ka da yi kra nguraʼa.