I Rois 11:4 - Ma Zhiklè

⁴ Aman Salomon nhala ma, ngwozi ta zlakeda a civèɗ na, a ta gedessama na ndav aussa, a njèjèr zhiklè ngiɗè, a hér Ndo nzi pèc pècèk staɗ genè ka ɓai, ara man David, bab na, a gau.

I Rois 11:4 ပူးပေါင်းရင်းမြစ်များ

I Rois 11:2

te va ndohi man Ndo, nzi pèc pècèk a ngaɗa ta ndohi Israel: kin derzla va a tengaʼa ɓai, a tengaʼa da derzla va a kinè ɓai! Man ɓai ta da pe kinè a wai a kin jèjèr zhiklè tengaʼa. Aman ngwozi sa ta co ndav Salomon.

I Rois 11:33

A géɗ man Salomon a njèkyè, a tsi ri a Astarté, zhiklè mʼmbèh skwi Sidon, a Kemosch, zhiklè ndohi Ammon, a ndzodzor civèɗ ga ɓai, a nʼnga skwi zuraʼa a sam di ga ɓai, a ndzadzara ma nkwèr ga a ma man i da ta a vna ɓai, ara man David, bab na, a gau.

I Rois 11:38

Aman ka da fi géɗ a skwi tèlèba man i ngreda ka, aman ka dè a civèɗ ga, a ka gi skwi zuraʼa a sam di ga, a ka jèjèr ma nkwèr ga a ma kita ga, ara man David, ɓèl ga, a gau, i da zhè a nda ka, i da tila ka gi ngaya gedeng-gedengaʼa, a verzi ngaya a dè a ma ma, ara man i tila na David, a i da va ka Israel.

I Rois 11:42

Salomon a ngu bi te Jérusalem, a géɗ Israel tèlèba, mvi 40.

I Rois 11:6

Salomon a nʼnga skwi man ambaha Ndo nzi pèc pècèk ɓai, a ndzodzor Ndo nzi pèc pècèk tèlè ɓai, ara man David, bab nengaʼa a gau.

I Rois 11:9

A Ndo nzi pèc pècèk a ngu ndav a géɗ Salomon, a géɗ man a ngwoda na deɓa, Zhiklè Israel, man a ngudoko na va a dai sak cèw.

I Rois 14:21

Roboam, kra Salomon, a ngu bi te Juda. Mvi Roboam 41, aman ta feda a bai. A ngu bi te Jérusalem, te kokwar man Ndo nzi pèc pècèk a ngotskoɗauda te va kokwar Israel tèlèba, aman nzlembaɗ nengaʼa a da nzi a pa, mvi 17. Nzlembaɗ mam na Naama, dem Ammon.

I Rois 15:14

Aman sam mʼmbèh skwi a géɗ za, a ngedas ta ɓai, ko ndav Asa a ngso va a Ndo nzi pèc pècèk a pats nshèffè nengaʼa tèlèba.

I Rois 15:3

A nengaʼa a ndzodzor mali bab na man a nyokoɗi tèlèba. Ndav nengaʼa a ngsa va a Ndo nzi pèc pècèk, Zhiklè nengaʼa, tèlè bai, az ara David, babab na ɓai.

I Rois 3:3

A Salomon a woy Ndo nzi pèc pècèk a ndav na, a ndzodzora ara ma nkwèr David, bab na. Aman skwi man a zla na Zhiklè, a ɓurdi man a ndara na a Zhiklè, a da a géɗ za.

I Rois 6:1

Mvi 480 te deɓ man ndohi Israel ta shkè auda te kokwar Egypte ma, te mvi bi Salomon a géɗ Israel mafaɗaʼa, a ki Ziv, ki macecèwaʼa, a hüno nrèm gi Ndo nzi pèc pècèk.

I Rois 8:61

A kin va na ndav kinè tèlèba a Ndo nzi pèc pècèk, Zhiklè nga, a kin jèjèr ma nkwèrè a ma kita nengaʼa lèmèlèmè ara mpatsna.

I Rois 9:10

Te deɓ mvi 20, man Salomon a rom gihi cèw—gi Zhiklè, a gi bai — bi Salomon a mpa na kokwar 20 te Galilée a Hiram, ara man a ndzhoɗo.

I Rois 9:4

Aman ka, man ka da dzadzarkayè ara David, bab ngaya, a ndav nlèɓèslèa a nzuraʼa, a ka gi skwi tèlèba ara man i njè ka a gèɗ, a ka jèjèr ma nkwèr ga a ma man i de kinè a vna,

II Rois 20:3

Na haha Ndo nzi pèc pècèk, heryè, i do a civèɗ ngaya a nlèɓèslè, a ndav tèlèba, a i gau skwi man ambaha ka te di ngaya. Ezéchias a nkuɗau ngezler-ngezleraʼa.

I Chroniques 28:9

Aman ka, Salomon, kra ga, sun Zhiklè bab ngaya, gu mizlinè nengaʼa a ndav nzuraʼa, a ndav tèlèba. Aman Ndo nzi pèc pècèk a wuzhè ndav ndohi tèlèba, a sun skwi man ndohi ta hérèʼa. Aman ka da hèshèʼa, ka da ngècèʼa. Aman ka da jèkeda, a da kwol ka a mèdèp.

I Chroniques 29:19

A Salomon, kra ga, va na ndav man a pi gèɗ cèw azɓai, man a jèjèr ma nkwèr ngaya, ma malwuɗi ngaya, ma ngaya man a de nga, a nrufa tèlèba, a rèm gi Zhiklè man i tilda skwi a hi a gèɗ nengaʼa!

II Chroniques 17:3

Ndo nzi pèc pècèk a zhè a nda Josaphat, a géɗ man a ndzodzor civèɗ David, bab na, krèh, a nfa na gèɗ a Baalhi bai, aman

II Chroniques 25:2

A ngau skwi man ambaha Ndo nzi pèc pècèk; aman a ndav tèlè ka ɓai.

II Chroniques 34:2

Nengaʼa a ngau skwi zuraʼa a sam di Ndo nzi pèc pècèk, a ndzodzor civèɗ David, babab na, a mbeza zlawa ɓai.

Exode 20:3

Ka gu Zhiklè ngiɗè a tsagi ga bai!

Deutéronome 17:17

A woy da hul ngwozi kumba ɓai, man ɓai ndav nengaʼa a nʼngwode na. A woy da ɓüc Suli, guro, a verzhègenè kumba ɓai!

Deutéronome 7:4

Ta da pe ta wudahi ngaya a wai a ta jèkeda Ndo nzi pèc pècèk, a ta jèjèr zhiklèhi ngidè. Te deɓaʼa ndav a da dza na Ndo nzi pèc pècèk worworaʼa a gèɗ kinè, a da zede kinè tsam tsam.