II Samuel 7:8 - Ma Zhiklè

⁸ Gar haha sèi ka gaɗa na David, ɓèl ga: Ndo nzi pèc pècèk, Zhiklè bi wuɗai, a goɗ aranta: I cka ka a sam tambakihi te dak; a ka gi a bi Israel, ndohi ga.

II Samuel 7:8 ပူးပေါင်းရင်းမြစ်များ

II Samuel 12:7

Nathan a ngaɗa na David: Ndoʼa, ka! Ndo nzi pèc pècèk, Zhiklè Israel, a goɗ aranta: Iyè, man i bada ka mbar a gèɗ, a i ge ka a bi Israel. Iyè man i mbel ka auda te ri Saul.

II Samuel 14:13

A ngwoz a ngaɗa: Ka gu ar haha a sam ndohi Zhiklè èhèmè; man bi a mbasla gèɗ na ar haha, a ngu malai. Bai a va na civèɗ a ndo man a nkwolaʼa, a nshkè a deɓa a ngwi azɓai èhèmè?

II Samuel 23:1

Na haha nʼndiv ma David: David, kra Isai, a gèɗèʼa: ndo man ta Zlatseda a gédèʼa, a gédèʼa; ndo man Zhiklè Jacob a mbada na mbar a gèɗ, ndo man a sli dimèsh Israel man amba.

II Samuel 5:2

Te va nasa ba, aman Saul bi nga dai, ka, ka nde ta ndohi Israel a var, a ka shkè ngwai a nda ta. Ndo nzi pèc pècèk a ngaɗa ka: War ndohi Israel ga, gu bi a géɗ Israel!

II Samuel 6:21

David a ngaɗa na Mical: I woy a i gècè a sam Ndo nzi pèc pècèk. I shid gèɗ a Ndo nzi pèc pècèk, man a nckay auda, a nfiyè te di man a bab ngaya, a ndohi gi nengaʼa tèlèba, a nfyè a bai ndohi Ndo nzi pèc pècèk, a géɗ Israel. I woy a i gècè a sam Ndo nzi pèc pècèk.

I Rois 3:6

A Salomon a ngaɗa: Ka gu skwi man amba a vata a sam ɓèl ngaya, David, bab ga, te man a ndzadzar ka a vava, te ngi zuraʼa, a ndav nzuraʼa, a ka va na pombai, a ka va na kra nguraʼa man a nzi a géɗ sam nʼnzi bi nengaʼa a patsna.

I Rois 8:16

Daga man i helka ta ndohi Israel, ndohi ga, auda te kokwar Egypte, i dzhada man ta ramay gi te kokwar ngiɗè a sam verzi ndohi ngiɗè ɓai, a ngi a gi a nzlembaɗ ga. A i ngotsko Jérusalem auda, a nzlembaɗ ga a da nzi te pa. A i ngotsko David auda, a da gi bi a géɗ Israel, ndohi ga.

I Chroniques 17:7

Gar haha sèi ka gaɗa na David, ɓèl ga: Ndo nzi pèc pècèk, Zhiklè bi wuɗai a goɗ aranta: I cka ka a sam tambakihi te dak, a ka gi a bi Israel, ndohi ga.

I Chroniques 21:17

David a ngaɗa na Zhiklè: Iyè, man i dzhoɗo a ta ngér ndohai. Iyè a ngau malai, iyè i gau ambaɓai. Aman rèwè ndohi haha ta ga mè? Ndo nzi pèc pècèk Zhiklè ga, kam kam, ri ngaya da keɗyè a ndohi gi bab ga; aman da ga ta matakwan a ndohi ngaya ɓai!

Amos 7:15

Aman Ndo nzi pèc pècèk a mbahay auda a sam nwèr skwi ga, a Ndo nzi pèc pècèk a ngaâayè: Do, a ka hod ma a géɗ Israel, ndohi ga!

Actes 7:46

David a nʼngots pombai a sam di Zhiklè, a ntsu rai, aman a ngatsa na gi a Zhiklè Jacob.

I Samuel 10:1

Samuel a nco gatsak mbar, a mbada na a gèɗ a Saul, a nhumbateda a ndav, a ngaɗa: Ndo nzi pèc pècèk, man a faɗa ka mbar a gèɗ, aman a ge ka a bi ndohi Israel nengaʼa. Gu bai a géɗ ndohi Ndo nzi pèc pècèk, a ka mbel ta te ri mayamhi tengaʼa man ta tèuda a pa. Na haha skwi man a ngra ka, Ndo nzi pèc pècèk a mfaɗa ka mbar a gèɗ, aman a ge ka a bi a géɗ skwi na:

I Samuel 2:8

Mbelaw ndo a ftkoɗauda te mèrwèc, ndo ntawassaʼa a ckoɗauda te va koskosai, aman a nʼnzede ta a va bihai, a va ta sam nʼnzi bi mbiaʼa. Aman skwi ngshè verzi herkeda, a Ndo nzi pèc pècèk. A nfa na herkeda a gèɗ.

I Samuel 9:16

Angoslèm, aranta, i da zlinda ndo ngiɗè te kokwar Benjamin a sam ngaya. Ka da faɗa na mbar a gèɗ, a gi bai a géɗ ndohi Israel. Nengaʼa a da mbel ta ndohi ga te ri ndohi Philistie. I rka nlèyè matakwan ndohi ga, a i tsena kuɗ tengaʼa. Samuel a mʼmana staɗ, ga Saul a mshkè.