II Samuel 6:19 - Ma Zhiklè

¹⁹ A nkezla ta ndohi tèlèba, ndohi Israel mɓicaʼa tèlèba, ko ngurhi, ko ngwozhihi staɗ staɗ, movar staɗ, zluèɗ kètè, a matawi kètè. Te deɓaʼa ndohi to do ta ngwai.

II Samuel 6:19 ပူးပေါင်းရင်းမြစ်များ

II Samuel 6:18

Aman David a ndara na skwai, a mvi skwi a Zhiklè a nshid gèɗ klèng ma, a mpshè ta ma ndohi a nzlembaɗ Ndo nzi pèc pècèk, Zhiklè bi wuɗai.

II Samuel 6:20

Aman David a mshkè ngwai, ndohi gi nengaʼa ta ga na mbalai. Mical, dem Saul, a ndo aman tazli gèɗ, a ngaɗa: Bi Israel, a patsna ka pa ta hori a di a ndohi mi-zlinè ngaya, ngwozi a ngurhi; ka suɗa na maslaka ngaya auda a va, ara ndohi ambalai, èhèmè?

I Rois 8:66

A pats matsamakaɗaʼa, a mpra ta ndohai. Ta ga na mbalai a bai, a to do ngwai, ta wuffè, ta gu langlangaʼa, a gèɗ skwi man amba tèlèba man Ndo nzi pèc pècèk a nga na David, ɓèl na, a Israel, ndohi na.

I Chroniques 16:3

A nkezla ta ndohi tèlèba, ngurhi a ngwozi, staɗ staɗ tèlèba, movar staɗ, zluèɗ kètè, a matawi kètè.

I Chroniques 16:43

Te deɓaʼa ndohi tèlèba to do ta ngwai, staɗ staɗ tèlèba a gi na. A David a mdo, a mpshè ta ma ndohi gi na.

II Chroniques 30:24

te man Ezéchias, bi Juda, a mpa ta zlèhi 1.000, tambakihi 7.000 a ndohi mɓicaʼa. Tsuvomhi ta vau zlèhi 1.000, a tambakihi 1.000, a ndohi mvi skwi a Zhiklè kumba ta tila va ta, ta kezla va ta.

II Chroniques 7:10

A ki 7, mʼmèn 23, a mpre ta ndohai a to do ngwai, ta wuffè a ta gu langlangaʼa a gèɗ skwi man amba tèlèba man Ndo nzi pèc pècèk a ga na David a Salomon a ndohi Israel, ndohi nengaʼa.

Néhémie 8:10

Ta gaɗa ta: Vo-do, va-ndau zluèɗ, va-sau skwi nsi man a jèn, va-tsaka ta ndohi man ta ngatsa skwi bai, te man pats haha nkezla a sam Bi Zhiklè nga. Kin hur gèɗ ɓai! Mwuffè a géɗ Ndo nzi pèc pècèk, nengaʼa wuɗi kinè!

Cantique des Cantiques 2:5

Va-tsakay matawai a skwi nʼndai! Va-tay lak hutsoɗ! Mwoygola a fahay skwi ndzai!

Ezéchiel 45:17

A kra bai da vau skwi man a ndara na Zhiklè, movar a skwi nsai, a pats ngolala, mvangkaɗ kia, a pats nshèk va, a pats ngolala ndohi Israel tèlèba. Da vau skwi a géɗ malai, movar, skwi man a ndara na Zhiklè, skwi nshid gèɗ, skwi mpil gèɗ ndohi Israel.

Osée 3:1

Ndo nzi pèc pècèk a ngadayè zaʼa: Do, a ka woy ngwoz man a woy ndo ngidè, fali ngwoz, lèmèlèmè ara Ndo nzi pèc pècèk a woy ndohi Israel, a tengaʼa ta jèjèr zhiklèhi mbèh skwai a ta woy zamak.

Actes 20:35

I ngreda kinè skwi tèlèba, aman sèi nga gi mizlinè arsa, a nga takaha ta ndohi man wuɗi ta azɓai, a nga hér ma Bi Yèsu, man a gaɗa: man ka vi skwai, a wuffedè ndav ngaya a fena man ka ngècè skwai.

Ephésiens 4:8

Gar haha ta Windo: Ndè na a géɗèʼa, a hulta ndohi dzawaʼa a skwi man a verzai, a mva ta pombi tsaɗ tsaɗ a ndohai.

Josué 22:6

Te deɓaʼa Josué a mpshè ta ma, a mpre ta, a to do a gi tengaʼa.