II Samuel 5:21 - Ma Zhiklè

²¹ Ta jèkeda mblom tengaʼa a pa. A David a ndohi nengaʼa ta heldama.

II Samuel 5:21 ပူးပေါင်းရင်းမြစ်များ

Esaie 37:19

Ta wusheda zhiklèhi mbèh skwi tengaʼa a vogwa. Tengaʼa Zhiklè ka ɓai, sèi skwi man ri ndo a ngau, wof a kwa. Skwi man ta slaha ta gedassaʼa.

Jérémie 43:12

A da fa na vogwa a gi zhiklèhi Egypte, ngiɗè a da fa ta vogwa, ngiɗè a da hel ta zhiklèhi a ma. A da jèkeda kokwar Egypte azɓai, ara ndo man a til maslaka na te ri tinɗi. Te deɓaʼa a dè na, man a nrufa skwi na.

Jérémie 48:7

A géɗ man ka pu ndav a skwi man ka gau, a skwi mèshèlè ngaya, ka ba ta gs ka: Kemosh a ndohi mvi skwi a Zhiklè, a wud bihi nengaʼa, ta dè ɓèlè.

Daniel 11:8

Zhiklèhi tengaʼa ba, a skwi man ta vüdo a kolongwi guro a verzhègenè tengaʼa mbelaʼa, a da heldama a kokwar Egypte. Mvi a zhe, a njè-keda bi te civèɗ kozlar mazlam a pa kata.

Deutéronome 7:25

Sèi kin fa na vogwa a skwi mbèh skwi tengaʼa, kin gu ntétékè guro a verzhègenè tengaʼa ɓai, kin co ɓai, man ɓai a da slafadama kinè sak; te man skwi horai a sam Ndo nzi pèc pècèk, Zhiklè kinè.

Deutéronome 7:5

Sèi kin gia arsa a nda tengaʼa: Kin da mbeɗda sam mʼmbèh skwi tengaʼa aussa; kwa nzlatseda kin kaldahai; vrai va-bazldaussa, va-fa na vogwa a skwi mbèh skwi tengaʼa!