II Samuel 3:31 - Ma Zhiklè

³¹ David a ngaɗa na Joab a ndohi tèlèba man ta zhè a sam na: Va-kuratseda maslaka kinè aussa, va-feda maslaka sam kuɗa va, va-tsu nguzlah a verzi Abner! A bi David a ndzodzor nckondo.

II Samuel 3:31 ပူးပေါင်းရင်းမြစ်များ

Genèse 37:29

Aman Ruben a mshkè a deɓa a sam vèvèɗ iyam, a nʼngatsa Joseph te pa bai. A nkuratseda maslaka nengaʼa aussa a va.

Genèse 37:34

A Jacob a nkuratsa maslaka nengaʼa, a nkalda maslaka sam kuɗa a va, a nkuɗi kra na nʼnzi a zhè.

II Samuel 1:11

David a ngso maslaka a va na, a nkuratsedaussa, a ndohi a sam nengaʼa tèlèba ta gu arsa.

II Samuel 1:2

na haha ndo staɗ a nhakaɗauda te va nhèyè ndohi Saul, a maslaka nkuratsa a va, a herkeda te gèɗ. Aman a mshkè a sam David, a nkalahai a herkeda a nslébèrdèʼa.

I Rois 20:31

A ɓèlèlihi nengaʼa ta gaɗa na: Nga tsenaʼa, ara man bihi ndohi Israel, ndohi ta se ta te va. Va-nga civèɗ a nga peda maslaka sam kuɗa a va, a nga pèdè hubat a gèɗ, a nga dè a sam bi Israel. Wa ngiɗè ba a da jèka ka nshèffè.

I Rois 21:27

Aman Achab a ntsena ma haha, a nkuratseda maslaka nengaʼa aussa, a mfeda maslaka sam kuɗa a va, a njèkeda skwi nʼndai. A vaɗ a mʼmanahi a maslaka sam kuɗa a va, a pats a shèwèlè a gèɗ a ndav.

II Rois 19:1

Aman bi Ezéchias a ntsena ma haha, a nkuratseda maslaka nengaʼa aussa, a mfeda maslaka sam kuɗa a va, a ndo a gi Zhiklè.

II Rois 19:2

A nzlündo Eliakim, ndo mɓer gèɗ bai, a Shebna, ndo mwindè ɗèlèwèr, a ndohi mvi skwi a Zhiklè nhalaʼa, a maslaka sam kuɗa a va, a sam Esaie, kra Amots, ndo nhadka ma.

Luke 7:14

A mdo, a nlama na telai, man ta manda a pa. A ndohi man ta zuɓkoɗai, ta zlatsahai. A Yèsu a ngaɗa: Masli ga, i gaɗa ka, slambaɗa!

Josué 7:6

A Josué a nkuratseda maslaka nengaʼa aussa, a nkalahi a herkeda a medi na, a sam koti nderzlè-ma Ndo nzi pèc pècèk, ha dakwad, a ndohi nhalaʼa te Israel a nda nengaʼa, a ta peda hutsoɗ a gèɗ.

Apocalypse 11:3

A i woy a i gi aman ndohi malwuɗihi ga cèw ta hodko ma Zhiklè mʼmèn 1.260, a maslaka sam kuɗa a va.

Juges 11:35

Aman a nrkaʼa, a nkuratsa maslaka nengaʼa aussa, a ngaɗa: Woba dem ga, ka zlamay ndav! Ka fay nlèyè a gèɗ! Iye, i gaɗa na ma a hi a Ndo nzi pèc pècèk, man a fena wuɗi ga, ani i slaha a i mindè a deɓa asaɓai.