II Samuel 3:12 - Ma Zhiklè

¹² Abner a nzlinde ta ndohi sak a sam David, a ngaɗa na: Nda kwèr kokwar haha wa? Sèi nga derzla ma nga a ka, a i takaha ka, aman ndohi Israel tèlèba ta gshè va a ka.

II Samuel 3:12 ပူးပေါင်းရင်းမြစ်များ

II Samuel 19:14

A ndohi Juda tèlèba ta ngwodko gèɗ ta a sam bai, a ta gaɗa na bai a ndav staɗ: Washkè a deɓa, kinè a bèlèlihi ngaya tèlèba!

II Samuel 19:41

Ndohi Israel ta shkè tèlèba a sam bi tsam tsam, a ta gaɗa na: Ndohi Juda, kramamhi nga, ta ce ka, a ta da bai a ndohi gi nengaʼa a wud woyam Jourdain, a ndohi nengaʼa tèlèba a nda nengaʼa, èhèmè?

II Samuel 19:6

Ka woy ndohi man ta gi shèwa a ka, a ka gi shèwa a tengaʼa man ta woy ka. A patsna ka ngreda nga, ara man bihi sojè bèlèlihi ngaya, skwi ambali a sam ngaya. Halau, anai i suna: sèi Absalom a zhè a nshèffè dai, a gi ambaha ka te ndav ngaya, ko nga ndohi ngaya tèlèba nga bazl nga a patsna.

II Samuel 3:11

A Ish-Bosheth a gi zlau Abner, a mʼmbeɗa na a ma ɓai.

II Samuel 3:13

David a mʼmbeɗa na a ma: Amba! nga derzla ma nga a ka. Aman i jhèdè skwi staɗ a sam ngaya. Ka zlècè a sam ga di azɓai, sèi man ka shkè a ka Ckoy Mical, dem Saul.

II Samuel 3:21

Abner a ngaɗa na David: I woy a i dè a i ɓic ta ndohi Israel tèlèba a verzi bai, bi ga, a ta derzla ma a ka, a ka gi bai, a sam tèlèba ara man ndav ngaya a woyaʼa. A David a mva na civèɗ a Abner, a nde na a gumai.

II Samuel 3:27

Aman Abner a mshkè a deɓa a Hebron, Joab a ndaʼa a daɓagai, ara man ta da tsi mbrok. Te pa a ntuzo a hwaɗ, a mʼmets na — a mpela Asael, kramam na.

II Samuel 3:38

A bai a ngaɗa ta ɓèlèlihi nengaʼa: Kin sun ɓi dè? A patsna ta keɗa bai, ndo mbiaʼa te Israel.

Psaumes 62:9

Kin mpi ndohi tèlèba, va-pu ndav a nengaʼa pèc pècèk, va-hada na ndav kinè! Bi Zhiklè sam nga nlèaʼa.