II Samuel 24:14 - Ma Zhiklè

¹⁴ David a ngaɗa na Gad: I gi zlau a vata; aman dara nga kala a ri Ndo nzi pèc pècèk. Aman nengaʼa, ndohi ta sia te va a vata. I woy a i kèlè a ri ndohi ɓai.

II Samuel 24:14 ပူးပေါင်းရင်းမြစ်များ

II Samuel 9:8

Mephibosheth a ngurɓahai, a ngaɗa: Ɓèl ngaya wa, a ka héryè, i kda ambalai.

II Rois 6:15

Gol ndo Zhiklè a nslambaɗa a prèk te gai, a ndo auda. Ndohi var ta tèuda kokwar a pa, a ndohi var a plèsh. A gol nengaʼa a ngaɗa na; Nga da gi ma kè, bi ga?

I Chroniques 21:13

David a ngaɗa na Gad: I gi zlau a vata. Aman dara man i kèlè a ri Ndo nzi pèc pècèk. Aman ndohi ta sia te va a vata. I woy a i da kala a ri ndohi ɓai.

Psaumes 119:156

Ndo nzi pèc pècèk, ndo a se ka te va kumba; vay nshèffè te kita ngaya!

Psaumes 130:4

Aman ka, ka prè malai, a ndohi ta gi hu-yokokoʼa a sam ngaya.

Psaumes 130:7

Israel da gso va a Ndo nzi pèc pècèk, aman pombi Ndo nzi pèc pècèk a zhè. Skwi mpil gèɗ malai a zhè a sam na kumba.

Psaumes 145:9

Ndo nzi pèc pècèk amba a sam ndohi tèlèba, a skwi man a gu tèlèba ta sia te va.

Psaumes 51:1

Psaume David,

Psaumes 86:15

Aman ka, Bai, Zhiklè man ndo a se ka te va, man ka vi pombai. Ka gi ndav tsam-tsam azɓai, ka woy ndo a ndav.

Psaumes 86:5

Bai, ndav ngaya amba, mprè malai ambaha ka, ndohi tèlèba man ta tsi ri a ka, ta se ka te va kumba.

Proverbes 12:10

Ndo nzuraʼa a sun nwèr di skwi kudom na; aman ndo ambaɓiaʼa, skwi a sia te va azɓai.

Esaie 47:6

I gu ndav a géɗ ndohi ga; i rka nʼndi-gi ga ara skwi mphomaʼa, i pa ka a rai. Ta se ka te va ɓai; ko babgai, ka kelawa na wof a daʼai.

Esaie 55:7

Ndo man ambaɓai da jèkeda civèɗ nengaʼa. Ndo malai da jèkeda skwi ambaɓiaʼa man a nhuro, da menkaɗa deɓa a sam Ndo nzi pèc pècèk, a da sia te va; a sam Zhiklè nga, aman nengaʼa a prè mali kumba.

Jérémie 39:17

Aman a pats nasa i da preka ka auda, Ndo nzi pèc pècèk a gaɗa. Ta fe ka a ri ndohi man ka gi zlau ta azɓai.

Lamentations de Jérémie 3:22

Pombi Ndo nzi pèc pècèk nʼndev di ɓai, nsi ndo nengaʼa te va klèng di ɓai.

Daniel 9:9

Bi Zhiklè nga, ndo a sia te va, a prè malai; a nga, nga slambaɗa na va.

Jonas 4:2

Wa Zhiklè, man i te kokwar ga dai, i goɗ ɓi ɗè! A géɗ nasa i hu ga a kokwar Tarsis nshèlèkuraʼa, te man i suna, ka Zhiklè, pombi ngaya a zhè, ndohi ta se ka te va, ka zhèrè te ndav, ndav ngaya amba, ka ngwèdè skwi mwuɗitpa.

Michée 7:18

Zhiklè, ngar ka wa? Man a keɗa na gèɗ dai a mphömè, a pra ta mali a ndohi nʼndi gi na, a gi ndav a mèdèp azɓai, aman a wuffè a mvi pombai.

Michée 7:19

Nga da sia te va zaʼa, a da kerɗda mali nga a hwaɗ sak na. Ka da wusheda mali nga tèlèba a drav iyam mbiaʼa.

Zacharie 1:15

aman i gi ndav kumba a géɗ ndohi nte deɓa man ta sassaya di ta a sam ga. I woya a i ga ta matakwan a ndohi Israel kètè genè; aman tengaʼa ta ga ta matakwan holholaʼa.

Jean 12:27

Antanta ndav ga a kuɗai, a i gèɗè ma kè? Bab ga, mbelkay auda te sam nta! Aman i shkè a sam nta a géɗ nengaʼa.

Philippiens 1:23

Cèw cèw ambahayè: i woya man i dè ga, a i nzi a sam Kristi, skwi man amba holholaʼa.

I Samuel 13:6

Aman ndohi Israel ta rka, ndohi Philistie ta da ga ta matakwan, a da gi wuɗitpa a sam ta, ta ngheda va ta a gi za, te vèvèɗ, te slrats, a di kwa, a bodom, a vèvèɗ iyam.