II Samuel 24:10 - Ma Zhiklè

¹⁰ Te deɓ nengaʼa, mèzhèɓ ndav a nʼngra na David: i gau ambaɓai, a géɗ man i nger ta ndohai. A ngaɗa na Ndo nzi pèc pècèk: I gau malai te skwi man i gau. Anai, Ndo nzi pèc pècèk, pray malai. I gau ara ndo nrzlaʼa.

II Samuel 24:10 ပူးပေါင်းရင်းမြစ်များ

II Samuel 12:13

David a ngaɗa na Nathan: I gau malai a sam Ndo nzi pèc pècèk. Nathan a mʼmbeɗa na a ma David: Gar haha Ndo nzi pèc pècèk a mpra ka malai. Ka metsi azɓai.

I Rois 8:35

Aman giɗfèk mɓaraʼa, a iyam a shkè azɓai, a géɗ man ta gu mali a sam ngaya, a ta da tsi rai a sam haha a ta slébèrdè nzlembaɗ ngaya, a ta menkaɗa deɓa te civèɗ mali ta, a géɗ man ka manda ta gèɗ a hai,

I Chroniques 21:7

Skwi haha ambaha Zhiklè ɓai, a nʼnga na matakwan a Israel.

I Chroniques 21:8

Te deɓaʼa a David a ngaɗa na Zhiklè: I gu mali a vata a skwi man i gau. Anai pra na mali a ɓèl ngaya. I gau ara ndo nrzlaʼa.

II Chroniques 16:9

Aman Ndo nzi pèc pècèk a ngél di a géɗ herkeda tèlèba, a ngra ta wuɗi na a sam tengaʼa man ta pu ndav a nengaʼa tèlèba. A haha ka gu skwi a nrzlè. Aman antanta ha ndè a ma ma, sèi ka gi var mènè.

II Chroniques 32:26

Te deɓ nfi va nengaʼa, Ezéchias a mʼmanda gèɗ a hai a ndohi Jérusalem, a Ndo nzi pèc pècèk a nʼnga ta kita ɓai, te va man Ezéchias a zhè a nshèffè dai.

Job 7:21

Ka pray mali ga azɓai èhèmè? Ka fa na kwa a géɗ mali ga azɓi èhèmè? Man i ma, i dè vèvèɗ; aman ka da woy iyè, ka da ngatsyè asaɓai.

Psaumes 32:5

Te deɓaʼa i ngreda ka mphömè ga auda, i ngheda mali ga ɓai. I gaɗa: I woy a i ngreda na maharam ga a Ndo nzi pèc pècèk. A ka, ka pray mphömè mali ga.

Exode 10:16

A Pharaon a mbaha ta nda Moise a Aaron tsam tsam, a ngaɗa ta: I gu malai a sam Ndo nzi pèc pècèk, Zhiklè kinè, a sam kinè ba.

Proverbes 28:13

Ndo man a ngheda mali na, a grè a ma ma azɓai; aman ndo man a ngreda auda, a jèkeda, a si Zhiklè te va.

Osée 14:2

Va-nju ma mali kinè, va-menkaɗa a deɓa a sam Ndo nzi pèc pècèk, va-gaɗa na: Pra mali nga tèlèba, a nga ngècè pombai, a nga slébèrde ka a ma, te di man a marai.

Joel 2:12

Aman ko antanta ba, Ndo nzi pèc pècèk a gaɗa: Va-ngwodko ndav kinè tèlèba a sam ga, va-jèkeda skwi nʼndai, va-kudau, va-gu wobau, kin kuratsa maslaka kinè ɓai, aman va-kuɗu te ndav kinè!

Nombres 12:11

Aaron a ngaɗa na Moise: Kam kam bi ga, ka ga nga kita a gèɗ ɓai, nga gu ara ndohi nrzlaʼa, nga gu malai.

Marc 7:22

ta gi mphömè, ta tétékè skwi ndo ngiɗè, ta gi shèwa, ta ngwèdè ndo, ta bizhè zlawa, ta gi srak, ta tsi derngasl, ta fi va, ta rzla.

Jean 1:29

Te mangoslèmaʼa Jean a rka, Yèsu a shkè a sam na, a ngaɗa: Na haha, kra tambak Zhiklè, man a cè mali herkeda!

Jean 8:9

A ndohi man ta tsena ma nengaʼa, to do ta, ngiɗè a jèjèr ngiɗè te deɓa, ngiɗè a jèjèr ngiɗè te deɓa, a hüno te ndohi nhalaʼa. A ta jèkeda Yèsu a ngwoz matsa a pa a géɗ ta.

Deutéronome 32:6

Kinè ndohi nrzlaʼa man maya kinè azɓai: Kin sheda na gèɗ a Ndo nzi pèc pècèk arsa dè? Nengaʼa man a nge kinè, nengaʼa man a fe kinè a pa, a til kinè, nengaʼa bab kinè ka bi dè?

Titus 3:3

Aman nga ba halaʼa maya nga azɓai, nga fi gèɗ a ma ndo azɓai, nga zlak nga, nga gu ɓèl skwi haha a ntétékè tsaɗ tsaɗ, a nga gu ndzoan a srak, ngiɗè a woy ngiɗè ɓai, ndohi ngiɗè ta ga nga shèwa, a nga ba nga gu shèwa a ndohi ngiɗè.

1 John 1:9

Aman nga ngreda mali nga auda, nengaʼa nlèɓèslèa a nzuraʼa, aman a pra nga mali nga, a pan nga te skwi man nzura ka ɓai tèlèba.

I Samuel 13:13

Samuel a ngaɗa na Saul: Ka gau ambaɓai! Aman agassa ka dzodzor ma man Ndo nzi pèc pècèk, Zhiklè ngaya, a gaɗa ka, ar Ndo nzi pèc pècèk a nzala ka bi ngaya te Israel antanta a mèdèp.

I Samuel 24:5

Ndohi David ta gaɗa na David: A patsna Ndo nzi pèc pècèk a mva ka mayam ngaya a ri a ka, ara man a gaɗa ka halakai. Ka gi a vna ara man ambaha ka. A David a nslambaɗa, a nʼngulo ma dawar maslaka Saul a metsar.

I Samuel 24:6

Aman te deɓaʼa ndav David a mbedè, a géɗ man a ngulo ma dawar maslaka Saul.

I Samuel 26:21

Saul a ngaɗa: I gau malai. Washkè a deɓa, David, kra ga, anai i da ga ka matakwan ngiɗè asaɓai, a géɗ man ka jèkay nshèffè ga a patsna. Halau, i gau ambaɓai, i gau mali kumba.