II Samuel 23:4 - Ma Zhiklè

⁴ nengaʼa a hél sam ara man pats a hulko gèɗ, ara pats wushèr man vani a te di ɓai, man a fcè skwi tʼherkeda, man iyam a zhè.

II Samuel 23:4 ပူးပေါင်းရင်းမြစ်များ

Psaumes 110:3

Ka bi te nyekad ngaya, a nʼnjèlè nkezlaʼa. A pats man ka jèkeda wa mam ngaya, wuɗi gola ngaya a zhè ma.

Psaumes 72:6

Nara iyam man a gi a sam ndaʼa; aman iyam a gai, a hi a géɗ herkeda.

Psaumes 89:36

I mbaɗa sak staɗ a nshèffè ga nkezlaʼa, te deɓaʼa klèng. I cèkèlma a sam David azɓai.

Proverbes 4:18

Civèɗ ndohi nzuraʼa, nara skwi nhél sam man a hél sam a ma ma, ha géɗ pats.

Esaie 18:4

Aman Ndo nzi pèc pècèk a ngaɗayè aranta: A sam man i zhè a pa, i nza ga nshèffaʼa, a i pi dai, ara pats a vècè, ara minmèn man a gi te ndev ntsi dau.

Esaie 4:2

A pats nasa, skwi Ndo nzi pèc pècèk a da fcè, angrédè nʼnjèl nengaʼaauda. Skwi man a shkè auda te pa, ndohi manta mbel ta te Israel ta da jégèr va a géɗèʼa, a ta jé-zlè va a vna.

Esaie 60:1

Slambaɗa, do a sam nhelaʼa! Aman skwi nhél sam ngaya a shkè, a nʼnjèl Ndo nzi pèc pècèk a vèngè a géɗ ngaya.

Esaie 60:3

Ndohi herkeda ta hi a sam skwi nhél sam ngaya; a bihi a sam nhelaʼa aman a vèngè a géɗ ngaya.

Osée 6:3

Nga fa na gèɗ a pa a nga shin Ndo nzi pèc pècèk! Nga ngècèʼa a vava ara mvangkaɗ pats. A da shkè a sam nga ara iyam man a shkè, ara iyam nshèlèkuraʼa man a ruɓa herkeda.

Osée 6:5

A géɗ nengaʼa i kerzh ta a ri ndohi nhadka ma, i bazl ta a ma te ma ga. A kita ga a gi ara skwi nhel sam man a si dai.

Michée 5:7

Te deɓaʼa njèkèɗi ndohi Jacob ta zhè te va ndohi herkeda, te ndev ndohi kumba, ara marizhèlè te ndev skwi dak, ara kra marizhèlè te va rèwè tambakihai. Aman a bizhè a pa, a nkeɗaʼa, a ncizl ta, ndo a slaha a nkoldokona auda te ri nengaʼa ɓai.

Mal. 4:2

Aman a kinè, man kin slébèrdè nzlembaɗ ga, pats ngizuraʼa a vèngè, a skwi mʼmbel ndo te va sakaʼa. Kinè, kin dè auda a kin tsi ɓarwasl ara kra zlè man a hakaɗauda te kuɗom.

Jean 1:7

Nengaʼa a mshkè, aman a gi malwudai, a ngréɗè skwi nhél sam, aman ndohi tèlèba ta cèʼa a ndav a géɗ nengaʼa.

Deutéronome 32:2

Njè ma ga da pshèhi ara iyam, ma ga da pu a sam ara minmèn, ara iyam man a ɓaya sam, ara iyam man a gakaɗa gèɗ herkeda!

Juges 5:31

Ndo nzi pèc pècèk, mayamhi ngaya tèlèba da ze ta aranta; aman tengaʼa man ta woy ka, sèi ta gi ara pats man a vangkaɗauda a wuɗai! Te deɓaʼa kokwar a nʼnza a gumai, mvi 40.