II Samuel 21:7 - Ma Zhiklè

⁷ Aman bai a mva ta Mephibosheth, kra Jonathan, kra Saul, ɓai, a géɗ ma mʼmbèdè man David a Jonathan, kra Saul, ta mbada a sam Ndo nzi pèc pècèk.

II Samuel 21:7 ပူးပေါင်းရင်းမြစ်များ

II Samuel 16:4

Bai a ngaɗa na Tsiba: Aman ar haha, skwi Mephibosheth tèlèba, a ngaya! Tsiba a ngaɗa: I kalahai a deɓ sak ngaya! I da ngots pombai a sam ngaya a ma ma, bai, bi ga!

II Samuel 19:25

Aman a mshkè te Jérusalem, a nda zli gèɗ a bai, bai a ngaɗa na: Mephibosheth, ka shkè a verzi ga bi èhèmè?

II Samuel 4:4

Kra Jonathan, kra Saul, a zhè, ndo vedal. Aman labar ma mʼmetsi Saul a Jonathan a mshkè te Jizreel, mvi nengaʼa 5. A ngwoz nwara na dai a nco, a mhu na a vna. Aman a hi na tsam-tsam, kra a nkalahai, a sak a mpasl na. Nzlembaɗ kra, Mephibosheth.

II Samuel 9:1

David a ngaɗa: Njèkèɗi ndo te gi Saul a zhi ɗè? I woy a i takaha, a géɗ Jonathan.

II Samuel 9:10

Ka peza na gi dau, kinè a wudahi a ɓèlèlihi ngaya, a kin ɓica na skwai, a ndohi gi bi ngaya ta ngècè skwi nʼndai, a ngu dèha ta. Aman Mephibosheth, kra bi ngaya, da ndau skwi te ri ga pèc pècèk. Wudahi Tsiba, 15, ɓèlèlihi nengaʼa 20.

II Samuel 9:6

Aman Mephibosheth, kra Jonathan, kra Saul, a mshkè a sam David, a nkalahai a deɓ sak nengaʼa, a ngurɓahai. David a ngaɗa: Mephibosheth! A nengaʼa a mʼmbeɗa na a ma: ɓèl ngaya: anai.

II Samuel 9:7

David a ngaɗa na: Ka gu zlau ɓai, aman i woy a takaha ka a géɗ Jonathan, bab ngaya, i woy a i va ka sam man Saul, babab ngaya a kworo tèlèba a deɓa. A ka da ndi skwi nte ri ga pèc pècèk.

Ecclésiaste 8:2

I gaɗa ka: Fu gèɗ a ma bai! Aman ka mbada a sam di Zhiklè tsam tsam ɓai!

I Samuel 18:3

A Jonathan a nda David ta derzʼa ma ta, te man a woyaʼa kumba.

I Samuel 20:12

Jonathan a ngaɗa na David: Ndo nzi pèc pècèk, Zhiklè Israel, a gi malwudai: Gar angoslèm, gar anvakastaɗ, i da pèr ma auda tʼhwaɗ bab ga. Aman ka nʼngots pombai a sam di na, i da zlindè ndo a sam ngaya, a da ngra ka, a vava.

I Samuel 20:15

ka vay pombi ngaya a géɗ gi ga genè. Aman Ndo nzi pèc pècèk a da gedas ta mayamhi David, staɗ staɗ tèlèba tʼherkeda,

I Samuel 20:17

Jonathan a mʼmenda na a géɗèʼa a David zaʼa, a géɗ man a woya a ndav na. A woyaʼa ara man a woy nshèffè na.

I Samuel 20:42

A Jonathan a ngaɗa na David: Do a gumai! Skwi man nga cèw nga mbada a nzlembaɗ Ndo nzi pèc pècèk, Ndo nzi pèc pècèk a gi malwudai te ndev nga a ka, te ndev ndohi verzi ga a ndohi verzi ngaya a mèdèp.

I Samuel 20:8

Gar haha ɓèl ngaya da se ka te va, kin derzla ma a ɓèl ngaya ma. Aman mali ga a zhè, dara ka, ka kedyè. Ka woy a ka dyè a sam bab ngaya èhèmè?

I Samuel 23:18

Te deɓaʼa ta cèw ta derzla ma ta a sam di Ndo nzi pèc pècèk. A David a nʼnza te Horsha, a Jonathan a mdo na ngwai.

I Samuel 24:22

Sèi ka mbadayè, a sam Ndo nzi pèc pècèk: Te deɓ mʼmetsi ga, ka da zeda ndohi verzi ga ɓai, a ka gedassa nzlembaɗga a nzlembaɗ ndohi gi bab ga ɓai.