II Samuel 21:6 - Ma Zhiklè

⁶ nga jhèdè tsaraɗ, a nga man ta a wof a sam Ndo nzi pèc pècèk, te Guibéa, a géɗ za Ndo nzi pèc pècèk. Bai a gaɗa: I da pa kinè.

II Samuel 21:6 ပူးပေါင်းရင်းမြစ်များ

Genèse 40:19

Te deɓ mʼmèn makar, Pharaon a di a mana teɓa a daʼai ngaya, a ta man ka a wof, a ɗiakihai ta da ndi zluèɗ va ngaya.

Genèse 40:22

Aman ndo nti ɗaf mbiaʼa a mʼmanda a wof, ara man Joseph a ngra ta.

II Samuel 17:23

Aman Achitophel a nrka, ta gu ara ma nengaʼa ɓai, a mfeda skwi a deɓ kɗèh, a nslambaɗa, a mdo a deɓa a kokwar na, a njè ta ma a ndohi gi na. Te deɓaʼa a mʼmanda teɓa a daʼai na, a mʼmets na. A ta feda a gi dzavi bab na.

II Samuel 18:10

Aman ndo ngiɗè a nrkaʼa, a nʼngra na Joab, a ngaɗa: Na haha, i rka Absalom nketsala te wof.

II Samuel 19:28

Aman ndohi gi bab ga tèlèba sèi nga zhèr mʼmetsi te ri bai, bi ga, a ka fiyè a va ndohi ngaya, aman i ndi skwi a sam ngaya genè. I slaha a i jhèɗè a vaʼa mè?

I Chroniques 12:3

Achiézer, tsuvomaʼa, a Joas, kra Shemaa, te Guibea. Jeziel a Péleth, wudahi Azmaveth; Beraca; Jéhu, te Anathoth;

Esdras 6:11

Ko wawa man a gi mèdègèɗ a ma bi haha, sèi ta cè wof staɗ te gi na a ta dzawda a pa, a mʼmets na a pa, a gi nengaʼa a ndi na a dikai.

Esther 9:10

Vajezatha, wudahi Haman 10, te verzi Hammedatha, ndo mayam Juif. Ta bazl ta, aman kolongwi tengaʼa ta lama na ɓai.

Matthew 27:5

A nengaʼa a nwushede Suli aussa a gi Zhiklè, a nʼndo na, a nkelawda teɓa a daʼai na, a mʼmets na.

Actes 13:21

Te deɓ nasa ta dzhoɗo bai; a Zhiklè a mva ta Saul, kra Kis, ndo te verzi Benjamin. A nengaʼa a ngu bai mvi kulkul faɗ.

Deutéronome 21:22

Ndo man ka fa na kita mʼmetsai a gèɗ, a géɗ man a nkeɗa ndo, ktsalda a wof! Nckondo nengaʼa da mana a pa ɓai!

Josué 10:26

Te deɓaʼa Josué a ngu a mbazl ta, a nkelaw ta a wof zlam, a ktsal ta a pa, ha dakwad.

Josué 8:29

Bi Ai, ta kelawda a wof, ha dakwad. Aman pats nkala ma, Josué a ngaɗa, aman ta ckoɗi nckondo a hi te wof, a ta kaldaussa a dal kokwar, a ta tsama, na kwa a deɓa a vata, ha patsna a zhè.

I Samuel 10:1

Samuel a nco gatsak mbar, a mbada na a gèɗ a Saul, a nhumbateda a ndav, a ngaɗa: Ndo nzi pèc pècèk, man a faɗa ka mbar a gèɗ, aman a ge ka a bi ndohi Israel nengaʼa. Gu bai a géɗ ndohi Ndo nzi pèc pècèk, a ka mbel ta te ri mayamhi tengaʼa man ta tèuda a pa. Na haha skwi man a ngra ka, Ndo nzi pèc pècèk a mfaɗa ka mbar a gèɗ, aman a ge ka a bi a géɗ skwi na:

I Samuel 10:24

Samuel a ngaɗa ta ndohi tèlèba: Kin rka ndo man Ndo nzi pèc pècèk a ngotskoɗauda dè? Ndo ngar nengaʼa azɓai te ndev ndohi tèlèba. A ndohi tèlèba ta wuffè a ta boho: Zhiklè da va ka nshèffè a ma ma!

I Samuel 10:26

Saul ba a mdo ngwai a Guibéa, a nda ngul ndohai, man Zhiklè a gaɗa ta te ndav ta.

I Samuel 11:4

Aman ndohi sak ta shkè a sam Saul a Guibéa, a ta njè ta ma haha a ndohai, ndohi tèlèba ta hinè a ta kuɗai.

I Samuel 24:21

Na haha, i suna, ka da gi bai, a kokwar bi Israel a da nzi dai te ri ngaya.

I Samuel 24:22

Sèi ka mbadayè, a sam Ndo nzi pèc pècèk: Te deɓ mʼmetsi ga, ka da zeda ndohi verzi ga ɓai, a ka gedassa nzlembaɗga a nzlembaɗ ndohi gi bab ga ɓai.