II Samuel 21:17 - Ma Zhiklè

¹⁷ Abishai, kra Tseruja, a mshkè a ntakaha David, a nkeɗe ndo Philistie. A pats nasa ndohi ta gaɗa na David: Kam kam, ko do var a verzi nga asaɓai; skwi nhél sam Israel da mbatsa ɓai!

II Samuel 21:17 ပူးပေါင်းရင်းမြစ်များ

II Samuel 14:7

Anai ndohi gi ga ta slambaɗkayè a va, a ta jhèdè ndo nkeɗe kramam na, a ta gaɗa: Nga woya nga keɗaʼa te di man a kramam nengaʼa man a nkeɗaʼa; nga woy a nga keɗe ndo nʼndi gai. Ta woy a ta zeday njèkèdi skwi ga, ta woy a ta gedassa nzlembaɗ te verzi baki ga tʼherkeda.

II Samuel 18:2

David a nkezla ta ndohi te va makar. Nshè-lèkuraʼa a verzi Joab; macecèwaʼa a verzi Abishai, kra Tseruja, kramam Joab; mamakaraʼa a verzi Ittai, te Gath. Bai a ngaɗa ta ndohai: I ba i woy a i dè var a verzi kinè.

II Samuel 18:3

Aman ndohi ta gaɗa: Ko do a verzi nga ɓai! Aman nga hi nga, ta da zhidè di a nga azɓai. Ko rèta ndohi nga, ta bazl ta, ta zhidè di a nga azɓai. Aman ka staɗgenè, ka fena ndohi 10.000 te ndev nga. Mʼmbela man ka zhè te kokwar a haha antanta, a ka takaha nga te pa.

II Samuel 22:19

Ta kalay a va a pats matakwan ga; aman Ndo nzi pèc pècèk a nzalyè,

II Samuel 22:29

Ka, Ndo nzi pèc pècèk, skwi nhel sam ga! Zhiklè ga a helay sam te ruva.

I Rois 11:36

A kra na i da va na verzi ndohi staɗgenè, a skwi nhél sam David, ɓèl ga, a zhè a sam di ga te Jérusalem pèc pècèk, te kokwar man i ngotskoɗauda, a nzlembaɗ ga da nza a pa.

I Rois 15:4

Aman a géɗ David, Ndo nzi pèc pècèk, Zhiklè nengaʼa, a mfu kra nengaʼa a bai te deb nengaʼa, a mva na skwi nhél sam te Jérusalem, a Jérusalem a nzi dai,

Psaumes 132:17

Te pa i da va na wuɗai a David, i va na skwi nhél sam a ndo man i faɗa na mbar a gèɗ.

Psaumes 144:10

ka, man ka ge ta bihi a ngulaʼa, man ka mbela David, ɓèl ngaya.

Psaumes 46:1

Dimèsh ndohi Koré.

Jérémie 40:15

Te deɓaʼa Jochanan, kra Karéach, a ngaɗa na Guedalia te Mitspa a metsar: I do a i da keɗa Ismael, kra Nethania, dè? Ndo ngiɗè da senaha ɓai. Da keɗe ka èhèmè? Ndohi Juda mɓicaʼa a tsagi ngaya, da ksar ta èhèmè, a njèkèdi Juda da ze na èhèmè?

Jean 5:35

Nengaʼa skwi nhél sam nday-ndayaʼa. A kin woy a kin wuffè nʼnzi kètè a sam man a helaʼa.