II Samuel 2:27 - Ma Zhiklè

²⁷ Joab a ngaɗa: Ara man Zhiklè a zhè; aman ka da goɗ aranta ɓai, ar ndohi ta hi a verzi kramamhi ta genè. Sèi ta da jèkaʼa a prèk ma kla!

II Samuel 2:27 ပူးပေါင်းရင်းမြစ်များ

II Samuel 2:14

Abner a ngaɗa na Joab: Golahi sèi ta slèmbèdè a ta zli gèɗ a sam di nga! Joab a ngaɗa: Da gu arsa!

II Samuel 2:26

Abner a mbaha na Joab, a ngaɗa: Tsakwal da bazla ndo pèc pècèk dè? Ka sun ɓi ɗè, a da gi a skwi nduzlekzlekaʼa te deɓaʼa! Ka woy a ka gaɗa ta ndohai, a ta jèke ta kramamhi ta, a ta bazl ta asaɓai, a ngèmè?

II Samuel 2:28

A Joab a ntsu tolom, a ndohi tèlèba ta jèke-da nhi a verzi Israel, a ta gu var asaɓai.

Job 27:2

Zhiklè, man a ngay kita a géɗ; Zhiklè Bi-wuɗai, man a ɗawaramay ndav, a zhè a nshèffè.

Proverbes 15:1

Man ka mbeɗa na ma a ndo zhèhèɗ zhèhèɗèʼa, a mbatsedaha ndzoan; ma man a ɗèwèrè ndav, a slambaɗda ndzoan.

Proverbes 17:14

Ndo man a hinè mbèzl va, nara ndo man a mbeɗkoɗi iyam nʼngaʼa. Gar haha, ga a hinèʼa, menda va ngaya a deɓa!

Proverbes 20:18

Skwi man ka woy a ka giaʼa, dzhoɗo maya a vaʼa, te deɓaʼa a gai. Aman ka gi var, sèi zolom ndo var a zhè.

Proverbes 25:8

Aman di ngaya a rka skwi ngiɗè ka ngreda a sam kita tsam tsam ɓai! Ka da gi kè, aman ndo ngiɗè a pa ka hori a dai?

Esaie 47:7

Ka gaɗa: I dem bi kokwar a mèdèp. Ka hur skwi te ndav ɓai, ka hur ndikèma skwi ɓai.

I Samuel 25:26

Anai, bi ga, ara man Zhiklè a zhè, ara man ka, ka zhè, ka man Ndo nzi pèc pècèk a ɓer ka te ri mali a ka keɗe ndo ɓai, a ntakaha ka a ri nengaʼa: mayamhi ngaya a ndohi man ta hur skwi ambaɓiaʼa a géɗ bi ga, da ga a nrzlaʼa ara Nabal.