II Samuel 2:26 - Ma Zhiklè

²⁶ Abner a mbaha na Joab, a ngaɗa: Tsakwal da bazla ndo pèc pècèk dè? Ka sun ɓi ɗè, a da gi a skwi nduzlekzlekaʼa te deɓaʼa! Ka woy a ka gaɗa ta ndohai, a ta jèke ta kramamhi ta, a ta bazl ta asaɓai, a ngèmè?

II Samuel 2:26 ပူးပေါင်းရင်းမြစ်များ

II Samuel 11:25

David a ngaɗa na ndo sak: Do a ka gaɗa na Joab: Ka hur gèɗ a géɗ nengaʼa ɓai. Sulom a mbazla ndohi mènè. Nzala va a ma ma genè, a ka duma kokwar. Ka da va na wuɗi a va arsa.

II Samuel 2:14

Abner a ngaɗa na Joab: Golahi sèi ta slèmbèdè a ta zli gèɗ a sam di nga! Joab a ngaɗa: Da gu arsa!

II Samuel 2:16

A ndohi Benjamin staɗ staɗ ta gso ndo man ta bozl va a vna te daʼai, a ta tez ta a zlazlar, a ta bazl ta a tsakwal. A géɗ nengaʼa ta baha na samaʼa ‘dak gwèsh, man a zhè te Gabaon’.

II Samuel 2:25

Ndohi Benjamin ta ɓiceda va a sam staɗ, a verzi Abner, a ta ɗaha va a géɗ za Amma.

II Samuel 2:27

Joab a ngaɗa: Ara man Zhiklè a zhè; aman ka da goɗ aranta ɓai, ar ndohi ta hi a verzi kramamhi ta genè. Sèi ta da jèkaʼa a prèk ma kla!

Job 18:2

Ka da ndivè njè-ma ngaya a ngèmè? Fu zlembaɗ, aman nga, nga gèɗè dai!

Job 19:2

Kin mbeɗamay ndav, kin da jèkè a ngèmè? Kin gatsyè a hi a ma kinè.

Psaumes 4:2

Aman i bèhè, mbeɗkay a ma, Zhiklè, ndo nʼnzay a deɓa! Te nlèyè, prekay auda; i da se ka te va, co ntsi ri ga!

Proverbes 17:14

Ndo man a hinè mbèzl va, nara ndo man a mbeɗkoɗi iyam nʼngaʼa. Gar haha, ga a hinèʼa, menda va ngaya a deɓa!

Esaie 1:20

Aman kin woya ɓai, a kin kwolyè genè, ta da bazl kinè a tsakwal. Aman Ndo nzi pèc pècèk a ngoɗ te ma na.

Jérémie 12:12

A géɗ za tʼhèshèkèɗ tèlèba, ndohi metsarhi ta zhè. Ndo nzi pèc pècèk a gidè tsakwal te rai, a bèzlè ndohi te verzi herkeda ngiɗè, a kèlè man a verzi herkeda ngiɗè. Ndohi tèlèba ta nzi a gumi azɓai.

Jérémie 2:30

I bazl ta wudahi kinè ambalai. Ko i ngatsa ta maya arsa, ta ca ɓai. Kin bazl ta ndohi nhadka ma kinè a tsakwal, kin bazl ta ara marizhèlè man a cizlè skwai.

Jérémie 4:21

I rka bata nzlatseda, i tsena tolom a da ndèlè a ngèmè?

Jérémie 46:10

Na haha, pats sa, pats mpil gèɗ a sam Bi Zhiklè, Zhiklè bi mbiaʼa, man a jhèɗè skwi mpil gèɗ a sam ndohi mayamhi na. Tsakwal a keɗa ndo, a si pombaz a pa tèlè. Skwi man ta zla na Bi Zhiklè, Zhiklè bi mbiaʼa, te kokwar te man a géɗèʼa, a ma woyam Euphrate.

Jérémie 46:14

Va-njo te Egypte! Vo-goɗ te Migdol, a ta cinè te Noph, te Tachpanès! Vogoda: Slambaɗa, tila va ngaya, aman tsakwal a keɗa ndo a tsagi ngaya.

Osée 11:6

Tsakwal a da gedassa kokwarhi tengaʼa, a da bazl ta ndohai.

Actes 7:26

Te mangoslèmaʼa a mshkè a sam ta, aman ta bozl va, a ngaɗa ta, aman ta tsi gumai: Dalahimam ga, kinè a kramama! Ngidè a ga na skwi ambaɓiaʼa a ngiɗè èhèmè?