II Samuel 2:1 - Ma Zhiklè

¹ Te deɓaʼa David a ndzhoɗo Ndo nzi pèc pècèk, a ngaɗa: I ngatsa te va kokwar Juda staɗ a i do a pa dè? A Ndo nzi pèc pècèk a mʼmbeɗa na a ma: Do! David a ngaɗa: I do nangwa? A nengaʼa a mʼmbeɗa na a ma: Do Hébron!

II Samuel 2:1 ပူးပေါင်းရင်းမြစ်များ

Genèse 13:18

A Abram a nhul gi na, a mdo, a nʼnza a dal Mamré, te Hébron, a sam gètèl wof. A pa a nrom sam mvi skwi a Ndo nzi pèc pècèk.

Genèse 32:2

Aman Jacob a nrka ta, a ngaɗa: Ndohi var Zhiklè. A mbaha na sam haha Mahanaim.

II Samuel 15:7

Te deɓaʼa, te deɓ mvi fad, Absalom a ngaɗa na bai: Vay civèɗ a i dè a kokwar Hebron, a i gi ara man i gaɗa na hi a Ndo nzi pèc pècèk.

II Samuel 2:11

A David a ngau bi ndohi Juda te Hébron, mvi 7 a ki 6.

II Samuel 5:19

David a ndzhoɗo Ndo nzi pèc pècèk, a ngaɗa: I da gu var a ndohi Philistie dè? Ka da pay a ri dè? A Ndo nzi pèc pècèk a mʼmbeɗa na a ma David: Do, i da pa ka ndohi Philistie a rai a vava.

II Samuel 5:23

Aman David a ndzhoɗo Ndo nzi pèc pècèk, nengaʼa a mʼmbeɗa na a ma: Ko do zuraʼa a tengaʼa ɓai; aman ngalka ta a pa a nʼngélè, a ka kala ta va te civèɗ wof gevda.

I Rois 2:11

David a ngu bai a géɗ Israel, mvi 40. Mvi 7 te Hébron, mvi 33 te Jérusalem.

I Chroniques 29:7

Guro kilo 170.000, Suli gurso, kilo 10.000, verzhègenè kilo 340.000, zi pats kilo 630.000, züdo kilo 3.000.000, a géɗ mizlinè gi Zhiklè.

II Chroniques 11:10

Adoraim, Lakis, Azéka, Tsorea, Ajalon a Hébron, te Juda, te Benjamin. A nʼngalda kokwar haha a pa.

Psaumes 143:8

Vay pombi ngaya a prèk langa; aman i pi ndav a ka. Ngray civèɗ man ka woy a i dè a pa; aman i va ka nshèffè ga a ri a ka.

Psaumes 27:4

I dzhoɗo skwi staɗ a sam Ndo nzi pèc pècèk, man i hèshèʼa: I woy a i nzi a gi Ndo nzi pèc pècèk a pats nshèffè ga tèlèba, a i rka mbi man a Ndo nzi pèc pècèk, a i war gi nengaʼa a mwuffè.

Ezéchiel 36:37

Gar haha Bi Zhiklè a gaɗa: Aman ndohi Israel ta tsi ri a iyè, i céʼa, a i gi skwi haha a sam tengaʼa a vaʼa: a ndohi ta gi a vata ara rèwè tambak.

Nombres 13:22

Ta beza a civèɗ te man a dukwad, a ta ndikè a Hébron, man Ahiman, Seshai a Talmai, te verzi Anak, te pa. Hébron a mvu 7 ma, ga ta hün nrèm kokwar Tsoan te kokwar Egypte.

Nombres 27:21

Nengaʼa da zlatsa a sam Eléazar, a nengaʼa da bazla kita Urim a géɗ nengaʼa, a sam Ndo nzi pèc pècèk. A géɗ ma nengaʼa ta dè auda te kokwar, a géɗ ma nengaʼa ta shkè a deɓa a ngwi ta; nengaʼa, a ndohi Israel tèlèba a nda nengaʼa, mpi ndohi tèlèba.

Josué 15:13

Caleb, kra Jephunné, a nʼngots sam nengaʼa te ndev ndohi Juda, ara man Ndo nzi pèc pècèk a njè na Josué: nasa Kirjath-Arba, Arba, bab Anak. Nengaʼa a patsna Hebron.

Juges 1:1

Te deɓ mʼmetsi Josué, ndohi Israel ta dzhoɗo a sam Ndo nzi pèc pècèk, a ta gaɗa: Ndè a ngi var a ndohi Canaan te va nga wa?

I Samuel 10:22

A ta dzhoɗo a sam Ndo nzi pèc pècèk zaʼa: Masli sa a mshkè dè? Ndo nzi pèc pècèk a mʼmbeɗa ta a ma: Halau, a nʼngheda va na a va kolongwai.

I Samuel 23:2

David a ndzhoɗo Ndo nzi pèc pècèk: I dè a i bazl ta ndohi Philistie ɗè? A Ndo nzi pèc pècèk a mʼmbeɗa na a ma David: Do, a ka bazl ta ndohi Philistie. Mbela kokwar Keila!

I Samuel 23:4

David a ndzhoɗo Ndo nzi pèc pècèk zaʼa, a Ndo nzi pèc pècèk a mʼmbeɗa na a ma: Slambaɗa, do Keila! Aman i da pe ta ndohi Philistie a ri a ka.

I Samuel 30:31

a ndohi te Hebron; a sam tèlèba man David a ndohi na ta sawala a pa.