II Samuel 19:43 - Ma Zhiklè

⁴³ Aman ndohi Israel ta mbeɗa ta a ma a ndohi Juda: Nga hér bi a fena man kin hérèʼa, a gi sak 10, 10. Nga tsuvomhi a géɗ kinè. Kin kwol nga èhèmè? Nga goɗ nshèlèkuraʼa ka ɓi de, nga da cko bi nga a deɓa a ngwai. Aman ndohi Juda ta versl ma holholaʼa, ta fena ndohi Israel man ta gèdèʼa.

II Samuel 19:43 ပူးပေါင်းရင်းမြစ်များ

II Samuel 19:14

A ndohi Juda tèlèba ta ngwodko gèɗ ta a sam bai, a ta gaɗa na bai a ndav staɗ: Washkè a deɓa, kinè a bèlèlihi ngaya tèlèba!

II Samuel 19:9

ndohi verzi Israel tèlèba ta gu ma a va ta, a ta gaɗa: Bi David a mʼmbel nga te ri mayamhi nga. Nengaʼa man a mpreka nga auda te ri ndohi Philistie. Te deɓaʼa a mhu na a Absalom, a njèkeda kokwar.

II Samuel 20:1

Fali ndo ngiɗè a zhè, a pa, nzlembaɗ na Shéba, kra Bicri, ndo Benjamin. Nengaʼa a ntsu tolom, a mboho: Skwi nga az a sam David ɓai! Nʼndi gi nga az a sam kra Isai ɓai! Israel, ndo staɗ staɗ tèlèba da nza a gi na!

II Samuel 20:6

David a ngaɗa na Abishai: Shéba a da ga nga matakwan holholaʼa, a fena Absalom. Hul ɓèlèlihi bi ngaya, hau a verzi ta, aman a slaha a nduma kokwar a mbel na te ri nga ɓai.

II Samuel 5:1

Ndohi te verzi Israel ta shkè tèlèba a sam David a kokwar Hebron, a ta gaɗa: nga, vatasl nga a vatasl ngaya, na staɗ. Zluèɗ va nga, a zluèɗ va ngaya, na staɗ.

I Rois 12:16

A ndohi Israel tèlèba ta rkaʼa, bai a nfa gèɗ a ma tengaʼa ɓai, a ndohi to do a ta menda na bai a ta gada na: Nga gakaɗa a nda David mè? Nga ndau skwi nʼndi gai te ri kra Isai ɓai! Ndohi Israel, va-slambaɗa, vo-do ngwai!

Proverbes 13:10

Ndo nfi va a poko ta gèɗ auda a ndohai, a ta bèzi va; aman maya a zhe a sam ndohi man ta cè ma ndo.

Proverbes 15:1

Man ka mbeɗa na ma a ndo zhèhèɗ zhèhèɗèʼa, a mbatsedaha ndzoan; ma man a ɗèwèrè ndav, a slambaɗda ndzoan.

Proverbes 17:14

Ndo man a hinè mbèzl va, nara ndo man a mbeɗkoɗi iyam nʼngaʼa. Gar haha, ga a hinèʼa, menda va ngaya a deɓa!

Proverbes 18:19

Aman ka ngwoda kramam ngaya, a Sala ka va a dai a fena zlazlar mbiaʼa. Shè-wa nengaʼa a ɓara ka sak a civèɗ.

Romans 12:21

Skwi ambaɓiaʼa da gu ngul ngaya ɓai – gu ngul skwi man ambaɓai a skwi man amba!

Galates 5:15

Aman kin bèzl va, a kin ndi va kinè a ma dai, va-gu maya, man ɓai kin ndeva va kinè!

Galates 5:20

ngi vrai, mʼmbèh skwai, ngi mayam, ngi ndav, srak, ndzoan, mbèzl va, tiflè man a kezla ta ndohai, njèjèr ma civèɗ Zhiklè ngiɗè,

Galates 5:26

Nga da woy nʼnjèl ambali ɓai, nga da poko ta gèɗ auda a ndohi ɓai, nga da gu srak a géɗ ndo ngiɗè ɓai!

Philippiens 2:3

Kin büzh va, a géɗ nfi va mbalai ɓai; aman va-manda gèɗ a hai, a kin rka ndo ngiɗè ara man a fen kinè.

Jacques 1:20

Aman ndo man a gi ndav, a gi skwi nzuraʼa a sam Bi Zhiklè azɓai.

Juges 8:1

Ndohi Ephraim ta gaɗa na Gédé-on: Ka ga nga skwi aranta èhème; aman ka de a ka gi var a ndohi Madian, ka ngra nga ɓi èhèmè? A ta ga na ndzoan kumba.

Juges 9:23

Te deɓaʼa Bi-Zhiklè a nzlündo mèzhèɓ ambaɓiaʼa, a mpa ta gèɗ a va a Abimélec a ndohi Sichem, a ndohi Sichem ta fi gèɗ a ma Abimélec asaɓai.