II Samuel 17:23 - Ma Zhiklè

²³ Aman Achitophel a nrka, ta gu ara ma nengaʼa ɓai, a mfeda skwi a deɓ kɗèh, a nslambaɗa, a mdo a deɓa a kokwar na, a njè ta ma a ndohi gi na. Te deɓaʼa a mʼmanda teɓa a daʼai na, a mʼmets na. A ta feda a gi dzavi bab na.

II Samuel 17:23 ပူးပေါင်းရင်းမြစ်များ

II Samuel 15:12

Absalom a mbaha na Achitophel, ndo Guilo, ndo ncko na gèɗ auda a bi David. Nengaʼa a mshkè te kokwar Guilo, aman Absalom a vi skwi a Zhiklè. A ta vhè ma a géɗ a David holholaʼa, a ndohi man ta dzodzor Absalom ta shkè na va.

II Samuel 15:31

A ta ngra na David: Achitophel ba te va ndohi Absalom, man ta vhè ka ma a gèɗ. David a ngaɗa: Ndo nzi pèc pècèk, gedassa skwi man Achitophel a woya a ngiaʼa.

II Samuel 16:23

Aman te va nasa ta dzhoɗo skwi a sam Achitophel, a nengaʼa a nʼngatsa ta maya, ta co lèmèlèmè ara man Zhi klè a gaɗa ta. A gu arsa a sam David a Absalom ba.

II Samuel 17:22

David a ndohi nengaʼa tèlèba ta slambaɗa, a ta tawaɗa woyam Jourdain. Aman sam nciɗaha ta, tèlèba ta zhè, te wud woyam Jourdain. Ndo man a ze na ba, azɓai.

I Rois 16:18

Aman Zimri a rka, ta duma kokwar ma, a mdo a gi ngurèa te gi bai, a nfa na vogwa a gai a ri na, a mʼmets na,

II Rois 20:1

Te ndev nasa Ezéchias mbelakaɓai holholaʼa, a woya a ndivdè va. A Esaie, kra Amots, ndo nhadka ma, a ndo a sam nengaʼa, a ngaɗa: Ndo nzi pèc pècèk a goɗ aranta: Njè ta ma a ndohi gi ngaya – ka da metsi ngaya, ka mbélè azɓai.

Job 31:3

Ndo man ambaɓai a ngècè matakwan azɓi dè? Ndohi malihai ta ngècè skwi mwuɗitpa azɓi dè?

Psaumes 109:20

Skwi háha da gu a skwi ntul ndohi mayamhi ga, a tengaʼa man ta gèɗè ma ambaɓiaʼa a géɗ ga.

Psaumes 5:10

Skwi nzuraʼa a te ma tengaʼa ɓai; te ndav tengaʼa ta hér ngédèshè skwai; vèvèɗ daʼai tengaʼa naragi dzavai mwinè fuwangaʼa; ma tengaʼa nara vongwom.

Psaumes 55:23

Skwi man a nzala ka a gèɗ, fedahi a gèɗ Ndo nzi pèc pècèk; nengaʼa a ngaka ka auda. Zhiklè a woy aman ndo nzuraʼa a sléfèɗè azɓi fèt.

Proverbes 16:18

Ndo nfi va, a fa va na di ba, a di a gédèsh na. Ndo njégèr va a dzagara va na di ba, a di a kèlnahai.

Proverbes 19:3

Nrzlè a zlèkèdè ndo, te deɓaʼa a gi ndav a géɗ Ndo nzi pèc pècèk.

Esaie 38:1

A pats sa, Ezéchias mbelakaɓai holholaʼa, a woya a ndivdè va. Esaie, kra Amots, ndo nhadka ma, a ndo a sam nengaʼa, a ngaɗa: Ndo nzi pèc pècèk a goɗ aranta: Njè ta ma a ndohi gi ngaya; ka da metsi ngaya, ka mbelè azɓai.

Matthew 27:5

A nengaʼa a nwushede Suli aussa a gi Zhiklè, a nʼndo na, a nkelawda teɓa a daʼai na, a mʼmets na.