II Samuel 16:22 - Ma Zhiklè

²² A ta tila na sam mʼmènè Absalom a géɗ gai, a nengaʼa a mdo a mʼmana a ngwozi bab nengaʼa a di ndohi Israel tèlèba.

II Samuel 16:22 ပူးပေါင်းရင်းမြစ်များ

Genèse 35:22

Te ndev nasa, man ta nza te kokwar Migdal-Eder, Ruben a mdo, a ta mana a Bilha, ngwoz bab na. Aman Israel a ntsenaʼa, a ngu ndav a vata. Wudahi Jacob 12.

II Samuel 11:2

Pats ngiɗè, a dakwaɗ, aman David a nslambaɗa a sam mʼmènè na, a shèwèlè a géɗ gi bi na, a mpoko di a hai, a nrka ngwoz ngiɗè a pèn va. Va nengaʼa amba, mbikaɓai.

II Samuel 15:16

A bai a mdo auda te kokwar, a ndohi gi nengaʼa tèlèba a verzi nengaʼa. Bai a njèke ta ngwozi nengaʼa kula a deɓa, a ta ɓer ntamagi bai.

II Samuel 20:3

Aman David a mshkè a kokwar Jérusalem, a gi na, a mhul ngwozi man a jèke ta a pa a ta ɓir ntamagi na, a mpe ta a gai a géɗ ta, a mva ta skwi nʼndai, aman a ngs ta a va a ngwozi asaɓai; a mpizl ta ma a pa, ha pats man ta bazl ta. Ta nza lèmèlèmè ara ngwozi mazihai, ko nshèffè baki ta a zhè dai.

Esaie 3:9

Ndohi ngi massayaf ta shin ta auda. Ta gidè mali auda ara ndohi Sodome, ta ngheda ɓai. Wobau a géɗ tengaʼa man ta gedassa va ta a ri ta.

Jérémie 3:3

A iyam a ngakaɗa herkeda ɓai, iyam nzlekai mshkè ɓai. Di ngaya di fali ngwoz, ka woy a ka gi hori ɓai.

Jérémie 8:12

A woy ta gi horai a gèɗ man ta gau skwi man ambaɓai; aman ta sun hori ɓai, hori a keɗ ta azɓai. Gar haha ta kèlèhai a nda ndohi ngiɗè man ta kèlèhai. A pats man i da gi kita ta, ta da kèlèhai, Ndo nzi pèc pècèk a gaɗa.

Ezéchiel 24:7

Aman Pombaz man ta badahi a zhè a pa dai, a géɗ pra, ta vsha na herkeda a di bai.

Nombres 25:6

A na haha, ndo Israel ngiɗè a mshkè, a nco ngwoz Madian, a nckoɗa a sam kramamhi na, a sam di Moise, a sam di mpi ndohi Israel tèlèba, te ndev man ndohai ta gi wobau a ma gi Zhiklè.

Philippiens 3:19

Ndikè-ma tengaʼa, sam ngédèsh ta. Zhiklè tengaʼa, hwaɗ ta. Nʼnjèl tengaʼa, hori ta, ta hér skwi herkeda.