II Samuel 14:25 - Ma Zhiklè

²⁵ Te Israel tèlèba, ndo man amba a vata, ndaɓaraʼa ara Absalom, asaɓai. A hinè te sak, a nshkè a ma géɗèʼa, tèlèba sam ngedassa azɓai.

II Samuel 14:25 ပူးပေါင်းရင်းမြစ်များ

I Rois 1:6

Aman bab nengaʼa a zhè a nshèffè dai, a nʼngatsa na maya ɓai, a ngaɗa na: Ka gu ar haha èhèmè, kra ga? a ngaɗa na ɓai. Va nengaʼa ndaɓaraʼa. Haggit a myau, mbegèɗ Absalom.

Job 2:7

Te deɓaʼa madzagi a mdo auda a sam di Ndo nzi pèc pècèk, a mpa na mblè a va Job, a hüno tʼhwaɗ sak na, a ndè a ndev gèɗ.

Proverbes 31:30

Amba a dai, a di a ngwoda na. Ngwoz man amba te dai, mbambi nengaʼa skwi ambalai; aman ngwoz man a gi zlau Ndo nzi pèc pècèk, sèi ta slébèrdèʼa.

Esaie 1:6

a hinè tʼhwaɗ sak a ndè a ndev gèɗ, skwi mbe-laʼa te va asaɓai. Samaʼa murmuraʼa, mblè, sam ncizlaʼa man ta mana ɓai, ta pada ɓai, ta ga madzaf a pa ɓai.

Ezéchiel 23:15

skwi deɓ te deɓa, gèɗ mpaɗaʼa, a maslaka sraffaffaʼa, tèlè ara bihi sojèhai, skwi mèzhèb ndohi Babylone; kokwar tengaʼa Chaldée.

Daniel 1:4

te verzi bai a ndohi mbibihiaʼa, a gi bai; man va tengaʼa daɓaraʼa, va tengaʼa nsuɗa nekeɗaʼa, maya ta zhè, ta wosla a ta slebau maya, aman aranta ta slaha ta gi mizlinè te gi bai, a ta da shin ɗèlèwèr a daʼai Chaldée.

Matthew 23:27

Woba kinè, malamhai a ndohi pharisie, kinè ndohi nʼngwèdè ndo! Kinè lèmèlèmè ara gi dzavai, man slalia a pa. Tʼuda ta rka ara man amba, aman tʼhwadaʼa nʼndha a vatasl nckondo a skwi nlizhèʼa tsaɗ tsaɗ.

Ephésiens 5:27

aman a Zlatseda a sam na, a ri na, ara mpi ndohi Zhiklè nʼngaʼa jèlèlèʼa, derɗa az a pa ɓai, va mʼmin ɓai, mohtsomba ka ɓai; aman nkezlaʼa, mali az a pa ɓai.

Deutéronome 28:35

Ndo nzi pèc pècèk a da ga ka mblè a di sak, a ɗos, man a pkwè azɓai. A da ga ka mblè a hinè tʼhwaɗ sak, ha ndè a gèɗ.

I Samuel 16:7

Aman Ndo nzi pèc pècèk a ngaɗa na Samuel: Ndo da ga ka di ɗokɗoka ɓai! Ka hur a géɗ ndo ngurèa ɓai! I woy nengaʼa ɓai. Zhiklè a woy ndo te di azɓai, ara man ndohi ta woyaʼa. Ndohi ta woy ndo te dai; aman Zhiklè a pi di a ndav.

I Samuel 9:2

Kra nengaʼa a zhè, nzlembaɗ na Saul, gol ndaɓaraʼa, man amba. Te va ndohi Israel ndo mbelaʼa gar nengaʼa azɓai, ngurè nengaʼa a ndohi tèlè.