II Samuel 14:19 - Ma Zhiklè

¹⁹ Bai a ngaɗa: Joab ba nte va maʼa ka ɓi dè? Ngwoz a mʼmbeɗa na a ma: Bi ga, ara man ka zhè a vava, ndo a slaha a nzli ma, a nghédè ma ngiɗè a sam ngaya azɓai. Halau, Joab, ɓèl ngaya a ngaɗayè, a ngray ma haha tèlèba man i gèɗèʼa.

II Samuel 14:19 ပူးပေါင်းရင်းမြစ်များ

II Samuel 11:11

Urie a ngaɗa na David: Koti Zhiklè, a ndohi Israel, a ndohi Juda, ta nzi te gi maslaka genè, a Joab, tsuvom ga, a ɓèlèlihi bi ga, ta te dak, a iyè a i dè a gi ga a i da ndi skwai, a i da si skwai, a i da mènè a sam ngwoz ga dè? I slaha a i gi aranta azɓai, a vava, ara man ka zhè a nshèffè.

II Samuel 14:18

Bai a mʼmbeɗa na a ma ngwoz: Man i dzhaɗ ka ma ngiɗè, ka ngheda ɓai! Ngwoz a ngaɗa: Bi ga, goɗa!

II Samuel 14:3

Te deɓaʼa do a sam bai, a ka gaɗa na kata kata. A Joab a nʼngra na ma man a da gèɗèʼa tèlèba.

II Samuel 18:13

Ka woy a i gi skwi a metsar a sam na dè? Skwi nʼnghedaʼa a sam bi azɓai; a ka, ka da nzay a deɓa azbai.

II Samuel 3:27

Aman Abner a mshkè a deɓa a Hebron, Joab a ndaʼa a daɓagai, ara man ta da tsi mbrok. Te pa a ntuzo a hwaɗ, a mʼmets na — a mpela Asael, kramam na.

II Samuel 3:29

Mali do do a géɗ Joab a ndohi verzi nengaʼa tèlèba! Te gi Joab, matakwan da nza pa pèc pècèk: Gurdzo, hutsoɗ, ndohi vedal, ndohi man ta bazl ta a tsakwal, ndohi mai!

II Samuel 3:34

Ri ngaya ndzawa ɓai, sak ngaya a te shèla ɓai, ta keɗe ka ara ndèrkèzhè ndo. A ndohi tèlèba ta kuɗia a za vaʼa.

II Rois 2:2

Elie a ngaɗa na Elisée: Nza a haha! Ndo nzi pèc pècèk a nzlendyè a kokwar Bethel. Aman Elisée a ngaɗa: Ara man Ndo nzi pèc pècèk a zhè, ara man ka, ka zhè, i jèke ka azɓai. A to do Bethel cèw ba.

Exode 4:15

Menda na ma ngaya, da goɗ ma ngaya! I woy a i zhè te ma ngaya, te ma nengaʼa, a i woy a i slebda kinè skwi man kin da giaʼa.

Proverbes 25:2

Nʼnjèl Ndo nzi pèc pècèk a nghédè skwai; nʼnjèl bai a wuzhè skwai.

Proverbes 4:27

Ka beza zlawa ɓai; ce na sak ngaya auda a sam malai.

Nombres 20:17

Va-nga civèɗ aman nga bizhè a ndev kokwar ngaya! Nga da bizhè a ndev gi dau ka ɓai, a ndev gi lak ka ɓai, nga da si iyam te thal ka ɓai, nga bizhè zuraʼa bual bual. Nga da bizhè zlawa azbai, ko a civèɗ ri mandai, ko a civèɗ ri gula, ha nga jèkeda kokwar ngaya a deɓa ma.

Luke 21:15

Aman i da va kinè ma a maya, aman ndohi mayamhi kinè ta slaha ta mbeɗa kinè a ma ɓai, a ta shèl va a sam kinè azɓai.

Deutéronome 28:14

ko te civèɗ ri gula, a sam ma nkwèr tèlèba man i va ka a patsna, a ka dè a verzi zhiklèhi ngidè azɓai, a ka tsi ri a tengaʼa azɓai.

Deutéronome 5:32

Va-gu zuraʼa ara man Ndo nzi pèc pècèk, Zhiklè kinè, a njè kinè a gèɗ. Kin beza zlawa ɓai, ko a civèɗ ri mandai, ko a civèɗ ri gula.

Josué 1:7

Aman gsa ndav ngaya genè a ka nze taraʼa. Dzodzor ma kita man Moise, ɓèl ga, a mva ka, pèc pècèk! Ka beza zlawa ɓai, aman skwi tèlèba man ka giaʼa a ngi amba.

I Samuel 1:26

Susai, bi ga, ara man nshèffè ngaya a zhè, bi ga! I ngwoz mʼadatsuta man i zlatsa a sam ngaya a i tsu ri a Ndo nzi pèc pècèk.

I Samuel 17:55

Aman Saul a nrka, ara man David a keɗa ndo Philistie, a ngaɗa na Abner, bi sojè: Abner, kra haha, kra ngè? Abner a ngaɗa: Bai, ara man ka zhè a nshèffè, i sun ɓai.

I Samuel 20:3

David a mʼmenda na a géɗèʼa: Bab ngaya a suna, i ambaha ka. A da hur: dara i ngra na Jonathan ɓai, man ɓai a da dza na a ndav. Aman ara man nshèffè ngaya a zhè, sak ga staɗ te vèvèɗ, ngiɗè tʼuda.

I Samuel 25:26

Anai, bi ga, ara man Zhiklè a zhè, ara man ka, ka zhè, ka man Ndo nzi pèc pècèk a ɓer ka te ri mali a ka keɗe ndo ɓai, a ntakaha ka a ri nengaʼa: mayamhi ngaya a ndohi man ta hur skwi ambaɓiaʼa a géɗ bi ga, da ga a nrzlaʼa ara Nabal.