II Samuel 12:9 - Ma Zhiklè

⁹ Ka kwola Ndo nzi pèc pècèk a ka gau skwi man ambaha ɓai èhèmè? Ka keɗa Urie, ndo Heth, a tsakwal, a ka ceda ngwoz nengaʼa a ma a ngwoz. Aman géɗ va nengaʼa ka keɗa a tsakwal ndohi Ammon.

II Samuel 12:9 ပူးပေါင်းရင်းမြစ်များ

II Samuel 11:4

Te deɓaʼa David a nzlinde ta ndohi sak, ta da baha na. Aman a mshkè a sam na, a mʼmana a vna. Ngwoz a mpana hwaɗ auda a va na ma. Te deɓaʼa a mʼmen na a deɓa a ngwai.

II Samuel 12:10

Gar haha var da shkè auda a géɗ gi ngaya ɓi a mèdèp, a géɗ man ka kwolyè, a ka co ngwoz Urie, ndo Heth a ngwoz ngaya.

II Samuel 16:7

Shimei a ndurɗo David aranta: Do ngaya! Do ngaya! Ka ndo mbèzl ndohai! Ka ndo falai!

I Rois 15:5

te man David a ngau skwi man ambaha Ndo nzi pèc pècèk, te nshèffè nengaʼa tèlèba ndzara ma bai, a mfu gèɗ a ma nengaʼa tèlèba, sèi a sam Urie, ndo Heth, man a ngu malai.

I Rois 21:19

A ka gaɗa na: Ndo nzi pèc pècèk a goɗo ar haha: Ka keɗa ndo a ka ndi skwi nengaʼa langa dè? Te deɓaʼa ka da gaɗa na ar haha: Ndo nzi pèc pècèk a goɗo ar haha: A sam man kdadihai ta nèkèɗè pombaz Naboth, kdadihai ta da nèkèdè pombaz ngaya arsa.

II Chroniques 33:6

A mbezde ta wudahi nengaʼa a ndev vogwa te slrats Ben-Himmon, a mpu kwa, a mʼmboh skwi a zhüzhokihai, a mʼmboh skwai, a ngu vrai, a tèwèlè gèɗ, a ngau skwi kumba, man ambaha Ndo nzi pèc pècèk ɓai, a mpoko na gèɗ ndav auda vna.

Psaumes 51:14

Bidyè zaʼa a skwi mʼmbel ndo ngaya, a ka menday mèzhèɓ a ndav, a i ngècè wuɗai.

Psaumes 51:16

Mbel-yè, te man i ndo nkeɗ ndo, Bi Zhiklè, Zhiklè man a mbelyè; a nèʼèn ga a da njè ngi-zuraʼa ngaya.

Psaumes 51:4

Ponkoy mali ga auda te ndav, a i gi ndzuwaɗaɗaʼa; pa-nyè te maharam ga!

Psaumes 90:8

Ka feda mali nga a sam di ngaya, skwi man nga ngheda tʼhwaɗaʼa, ka feda a sam di ngaya nhelaʼa.

Proverbes 14:2

Ndo man a dè a civèɗ zuraʼa, a gi zlau Ndo nzi pèc pècèk; ndo man a beza zlawa, a dérɗèʼa.

Esaie 5:24

Gar haha lèmèlèmè ara nèʼèn vogwa a ndi düsh dau, a vogwa a ndeda ksof a ma hüyom, zluzlor tengaʼa a da nde na a ndefèn vogwa, a nwurzhè a nɗuz na ara mbokom. A géɗ man ta dérɗè ma kita Zhiklè bi mbiaʼa, a ta kwola ma Zhiklè Israel Zhiklè bi mbiaʼa, a ta kwola ma Zhiklè Israel nkezlaʼa,

Jérémie 18:10

Aman te deɓaʼa ta gi skwi man ambahay ɓai, ta tsena ma ga ɓai, skwi mbelaʼa man i huro, i da ga ta azɓai.

Amos 2:4

Ndo nzi pèc pècèk a goɗ ar haha: A géɗ mali kokwar Juda man a gi makar, a gi faɗ, i méndè kita a deɓa azɓai, a géɗ man ta kwola ma kita Ndo nzi pèc pècèk, a ta dzadzara ma nkwèr nengaʼa ɓai, ta gau ara babhi ta, ncèkèlma tengaʼa a nzlakede ta.

I Samuel 15:19

Ka fu gèɗ a ma Ndo nzi pèc pècèk ɓi èhèmè, a ka kala na va a skwi gi èhèmè? A ka gau skwi man ambaha Ndo nzi pèc pècèk ɓai, èhèmè?

I Samuel 15:23

Ngi mèdègèd, malai lèmèlèmè ara mʼmbèh skwai; a ka tsena gèɗ ɓai, ambaɓi lèmèlèmè ara ngi vrai. A géɗ man ka kwola ma Ndo nzi pèc pècèk, nengaʼa a cèma ka bi ngaya.

I Samuel 15:26

Samuel a ngaɗa na Saul: Nga dè a ka azɓai; a géɗ man ka kwola ma Ndo nzi pèc pècèk, Ndo nzi pèc pècèk a kwol ka, a ka gi bi ndohi Israel asaɓai.