II Samuel 12:20 - Ma Zhiklè

²⁰ David a nslambaɗa tʼherkeda, a mpana di na, a mfada mbar a va, a mfeda maslaka ngiɗè a va, a ndo a gi Ndo nzi pèc pècèk, aman a tsi rai. Aman a mshkè a deɓa a ngwai, a ndzhoɗo skwi nʼndai, a nʼndau.

II Samuel 12:20 ပူးပေါင်းရင်းမြစ်များ

II Samuel 12:19

Aman David a nrka, ɓèlèlihi nengaʼa ta goɗ a metsar, a suna, kra a mʼmets na. A ndzhaɗ ta ɓèlèlihi nengaʼa: Kra a mʼmets na ɗè? Ta mbeɗa na a ma: Halau, mʼmets na.

II Samuel 12:21

Ɓèlèlihi nengaʼa ta gaɗa na: Ka ge haha mè? Aman kra a zhè a nshèffè dai, ka jèkeda skwi nʼndai, a ka kuɗai. Anai kra a mʼmets na ma, ka slèmbèdè a ka ndi skwi nʼndai, èhèmè?

II Samuel 14:2

a nzlündo ndo a kokwar Tekoa, da baha na ngwoz man maya na zhè te pa, a ngaɗa na: Ga va ara ngwoz man a kuɗi ndo, a maslaka kuɗa a va; ka faɗa mbar a va Bai, ga ara ngwoz man a kuɗi ndo nʼnzi a zhè.

II Samuel 19:24

Mephibosheth, kra Saul ba, a mshke, aman a nlamaha bai. Skwa a te sak ɓai, bozozom ntil ɓai, maslaka mpan ɓai, a hün te pats man bai a njèkeda kokwar, ha pats man a mshkè ngwi amba amba.

II Samuel 6:17

Aman ta da koti Ndo nzi pèc pècèk a gi ma, a ta feda a sam nʼnzi na, a gi maslaka man David a ntila na. Te deɓaʼa David a nʼndara na skwi a Zhiklè, a mva na skwi a Zhiklè a nshid gèɗ.

II Samuel 7:18

A David a ndo a gai, a ngurɓahai a sam Ndo nzi pèc pècèk, a ngaɗa: Zhiklè, Ndo nzi pèc pècèk, i wa, gi ga wa, aman ka ckayè a haha?

Job 1:20

Te deɓaʼa Job a nslambaɗa, a nkuratseda maslaka nengaʼa aussa, a nsha gèɗ, a nkalda va na a hi a herkeda, a ntsu rai, a ngaɗa:

Job 2:10

A Job a ngaɗa na: Ka gèɗ ma ara ngwozi nrzlaʼa. Aman nga ngots skwi man amba te ri Bi Zhiklè, nga cè skwi ambaɓiaʼa ba azɓi dè? Te skwi haha tèlèba Job a nʼnga mali te ma na ɓai.

Psaumes 103:1

Man a David. Ndav ga, slubordo Ndo nzi pèc pècèk! A nshèffè ga tèlèba da slubordo nzlembaɗ nengaʼa nkezlaʼa!

Psaumes 103:8

Ndo nzi pèc pècèk, man ndohi ta sia te va, man a woy ndo, a gi ndav tsam-tsam azɓai, pombi nengaʼa a ndev ɓai.

Psaumes 39:9

Mbelyè auda te ri malihi ga tèlèba. Ka gu a ndohi falihai a ta ngwossahayè ɓai!

Psaumes 95:6

Vo-do a pa! Ngo-kolokoy a hai a deɓ sak nengaʼa! Ngo-gubdokoy deɓ a hai, a ngo-gurɓokoy a hai a sam Ndo nzi pèc pècèk man a ge nga.

Proverbes 3:7

Ka hur te ndav ngaya a ri ngaya ɓai a ka gada: i ndo maya. Gu zlau Ndo nzi pèc pècèk, a ka bezla na va ngaya auda a sam skwi man ambaɓai.

Ecclésiaste 9:8

Feda maslaka nslekadaʼa a va pèc pècèk, faɗda mbar a gèɗ pèc pècèk.

Matthew 6:17

Aman ka jèkeda skwi nʼndai, pana di ngaya, tila va ngaya,

Luke 7:46

Ka faɗay mbar a gèɗ ga ɓai, aman nengaʼa a faɗda ɓurdi a sak ga.

Ruth 3:3

Gar haha pana va ngaya, faɗda mbar a va, feda maslaka ngaya a va, a ko do a hedak nengaʼa. Aman ka ngreda na va ngaya a Boaz ɓai, ha a nʼnda skwai, a nsa skwai klèng ma!

I Samuel 15:25

Anai pray mali ga genè, ngo do a ka, a i tsi ri a Ndo nzi pèc pècèk.

I Samuel 15:31

A Samuel a mdo, a ndzodzor Saul, a Saul a ntsu ri a sam Ndo nzi pèc pècèk.